Afisa Mwandikishaji wa Jimbo la Katavi Awataka Waandishi Wasaidizi na Waingiza taarifa Za Wapiga Kura Kuhakikisha Wanavunja Rekodi ya kuandikisha

Posted on: May 1st, 2020

• ---

  Baada ya kazi ya kutoa mafunzo kwa maafisa waandikishaji wasaidizi na waingiza data kwenye mfumo wa BVS iliyofanyika katika ukumbi wa shule ya sekondari inyonga kwa siku mbili yaani kuanzia jana mpaka leo, Afisa Mwandikishaji wa Jimbo la Katavi Mwl Alexius R.Kagunze ambaye pia ni Mkurugenzi wa Halamshauri ya Wilaya ya Mlele  amewataka wote watakaohusika katika zoezi la kuhuisha daftari la kudumu la wapiga kura kuwa chachu ya mafanikio na kuhakikisha tunavunja historia ya uandikishaji kama ilivyo kawaida yetu.
• Amesema kwamba awamu zote za kazi ya uandikishaji imekuwa kawaida kwa jimbo lake kufanya vizuri, na inakuwa ni faraja pale unapo oona watu watu wanaokuwakilisha wanafanya vizuri na kuleta mafanikio ya serikali yetu.
• Katika ufungaji wa washa hiyo ya mafunzo iliyohudhuriwa na na Katibu Tawala wa Wilaya ya Mlele ambaye alikuwa mgeni rasimi Afisa Mwandikishaji amemweleza kwamba hana wasiwasi na timu yake aliyoiandaa kwa kuwa imesheheni watu wanaojituma na ambao anawafahamu sana kutokana na wengiwao kuwa anafanya nao kazi siku zote na wachapa kazi.
• Amewasisitiza kuhakikisha wanatumia vizuri vifaa vitakavyotumika katika zoezi la uandikishaji kwani serikali imetumia pesa nyingi sana katika kuhakikisha vinapatikana. Na kuwahimiza kujikinga na ugonjwa Covid 19 na kwamba tayari amewaandalia vifaa vya kujikinga wakati wa zoezi hilo. Ni vizuri mkafuata taratibu za kujinga kama wataalamu wa afya wanavyoelekeza ndio maana katika zoezi hili tumewahusisha wataalam wa afya kusimamia zoezi kuhakikisha mnakuwa salama alisema Afisa Mwandikishaji.
• Naye mgeni Rasmi wa hafla hiyo Katibu Tawala wa Wilaya amewapongeza wawezeshaji wa zoezi la uandikishaji kwa kazi nzuri waliyoifanya kwamba kuwaandaa watendaji wa zoezi la uandikishaji ni kazi kubwa sana kwani wanaoandaliwa ni watu wanaoenda kufanya zoezi muhimu sana, amewatakia kila la heri kuhakikisha wanakuwa wabunifu katika kazi hiyo mihimu.
• Zoezi la uandikishaji zitafanyika kwa siku tatu kuanzia jumaamosi tarehe tatu mei 2020 saa mbili kamili asubuhi mpaka saa kumi na mbili jioni katika viyuo vya nakao makuu ya kata zote za halmashauri. Wanahusika katika kujiandikiasha ni wale wote ambao bado hawajaandikishwa na wamekisha miaka 18 au watafikisha umri huo kabla ya siku ya kupiga kura, wengine ni wanaotaka kuboresha taarifa zao(kuhamisha, kurudisha kadi iliyopotea, na  kurekebisha taarifa) na pia kufuta wapiga kura wote waliopoteza sifa za kuwa mpiga kura.

• ---