DC AWAKOSHA WALIMU HATOVUMILIA KUONA WAKINYANYASWA

Posted on: April 17th, 2023

Mkuu wa Wilaya ya Mlele  Mhe,Majid Mwanga kulia mwenye miwani katikati ni Makamu Mwenyekiti wa Halmashauri Leonard Kiyungi na mwisho ni Katibu Tawala Wilaya ya Mlele Linkolin Tamba wakisikiliza michango ya mawazo kutoka kwa wadau walioshiriki kikao cha wadau wa elimu kujadili mstakabili wa elimu katika halimashauri hiyo,

Mkuu wa Wilaya ya Mlele  Mhe,Majid Mwanga akikabidhi  zawadi kwa wadau wa elimu waliofanya vizuri katika kuchangia Sekta ya elimu i Halmashauri ya wilaya ya Mlele wa  hafla ya utoaji zawadi ilifanyika kwenye ukumbi wa mikutano wa ukonongo April 17’ 2023. Na anayepokea zawadi ni Afisa Elimu Elimu Maalum Halmashauri ya Mlele Japhet Mafie,

.Wadau wa Elimu wakifuatilia hotuba ya  Mkuu wa Wilaya ya Mlele Mhe.Majid Mwanga wakati ufunguzi wa Kikao hicho mwenye hayupo pichani kikao hicho kilijadili na kuweka mikakati ya kukaniliana na baadhi ya changamoto za zinazoikabili halmashauri katika elimu elimu na jinsi ya kuzipatia ufumbuzi

Mhe Diwani wa Kata ya Ilela Mhe.William Miyula akipokea Zawadi  baada ya mmoja ya Shule yake kufanya vizuri  kitaaluma zawadi kutoka  kwa Mkuu wa Wilaya ya Mlele  Mhe,Majid Mwanga wakati wa kikao cha wadau wa elimu kilichofanyika ukumbi wa Ukonongo kujadili Mkakati wa kuboresha elimu.

Na Kitengo cha mawasiliano Mlele.

MKUU WA WILAYA YA MLELE MHE,MAJID  MWANGA  AONYA WATAOKAO WANYANYASA WALIMU KUKIONA HATUVUMILIA. ATAKA WAPEWE HESHIMA YAO KWA KAZI NZURI WANAYOFANYA,

Mkuu wa Wilaya ya Mlele  Mhe,Majid Mwanga amewahakikisha Walimu kuwa  hayuko tayari kuona walimu  wanagombezwa wala kunyanyaswa katika Wilaya yake na Kiongozi yeyote kwa wakati wote atakaokuwa yupo katika Wilaya hiyo, na badala  amesema walimu  wanastahili kupongezwa, kuthaminiwa na kuheshimiwa kwa kazi nzuri na kubwa wanayoifanya.

,Amewahakikishia kuwa katika kipindi chote ambacho Mhe Rais amemleta Wilaya ya Mlele atashirikiana nao kuhakikisha changamoto zao zinakwisha.na hatakuwa sehemu ya kuwaambia walimu tia ndani.

 Mhe.Mwanga ametoa kauli hiyo wakati wa akifungua kikao cha Wadau wa Elimu Halmashauri ya Wilaya ya Mlele kilichoketi leo {jana} kwenye ukumbi wa Mikutano ukumbi wa ukonongo kujadili mstakabali wa elimu kwa Halmashauri ya Wilaya ya Mlele.

Mkuu huyo wa Wilaya  amewamehakikishia ushirikiano wa hali ya juu  walimu na kusema hayuko tayari kusikia Kiongozi yeyote katika  Wilaya yake akiwanyanyasa na kuwagombeza walimu badala yake kama anaona amekosea amwite ofisini na siyo kwenye mikutano hadhara kumdharirisha mbele ya watu.

Aidha amewaasa walimu kuendelea kuchapa kazi kwa juhudi na maarifa ili kuleta maendeleo katika Halmashauri ya Wilaya ya Mlele.

Akizungumzia suala la Madawati amepiga maarufuku kuwa hatopenda kuona madawati ya Shule yakitolewa darasani na kupelekwa kwenye mikutano kukaliwa,  suala hilo hataki kulisikia wala kuliona sanjari na kufanyia  mikutano maeneo ya Shule wakati wanafunzi wakiwa madarasani hali hiyo inaondoa utayari wa mwananfunzi kujifunza, atakaye fanya hivyo atakuwa anaenda kinyume na maelekezo yake.

Mapema Mkurugenzi Mtendaji wa Halmashauri ya Wilaya ya Mlele Bi Teresia Irafay akiwasilisha Mkakati wa Elimu  wa Halmashauri ya Mlele katika Kikao hicho amewaeleza  wadau wa elimu kuwa lengo la Kkao hicho ni kujadili Mstakabari  wa Halmashauri  wapi tumetoka katika elimu tulipo na tunakwenda wapi,

Mkakati mwingine ni kuangalia  mafanikio na changamoto na tunazitatuaje,

Amezitaja baadhi ya changamoto kuwa ni utoro wa wanafunzi,ubakaji, ukatili wa kijinsia na mimba za utotoni.

Kwa upande wake Martin Mahinda ni Afisa Elimu Msingi Halmashauri ya Wilaya ya Mlele ameeleza kuwa kila mwaka watahiniwa wa elimu ya msingi wanaongezeka hivyo ni jukumu letu wadau wa elimu kuhakikisha wanaendelea kuongeza miundombinu ya vyumba vya madarasa ili kubaliana na hali hiyo,

Mahindi alitoa mfano kwa mwaka huu wanatarajiwa kuwa na watahiniwa wa darasa la saba  wapato 25,000 sawa na wastani kwa kila shule kuwa na watahini 1000. Hali ambayo ni inawafanya kuangalia namna ya kuhakikisha hao watahiniwa wakimaliza wote waenda sekondari, 

Alitolea mfano Shule ya Msingi  Inyonga ambayo inawatahiniwa wa darasa la saba 120 Shule ya Msingi Kalovya 158, Shule ya Igombe  117 ambapo kwa mjini kuna vyanzo vingi vya miundombinu rafiki ukilinganisha na maeneo ya pembezoni kama Ilunde yenye watahini 281,Kamalampaka 233, Kamsisi 219  na Songambele 298 unaweza kuona kazi kubwa iliyopo.

Baadhi ya wadau mbalimbali wa elimu wamechangia   mawazo yao kuhusiana na nini kifanyike katika kunua elimu kwenye Halmashauri ya Mlele miongoni mwao ni  Pamoja Chifu Lukas Kayamba,Kiongozi wa Mila na desturi,waheshimiwa madiwani walimu na  wanafunzi,viongozi wa vyama vya siasa na taasisi za kijamii,

Naye Makamu Mwenyekiti wa Halmashauri ya Mlele Leonard Kiyungi  akifunga kikao hicho yeye amepongeza kwa kazi kubwa  wanayofanya walimu akahadi kuelendelea kutoa ushirikiano wa karibu Pamoja na kupongeza kazi yao kubwa,

Pia amempongeza Mhe Rais  Mhe.Dkt Samia Suluhu Hassan kwa kazi  kubwa ya kuendelea kuleta fedha katika Halmashauri ya Wilaya ya   Mlele inayoendelea kutekeleza miradi malimbali ya Maendeleo, akawataka walimu waendeleo kuchapa kazi kwa juhudi maarifa na weledi wa hali ya juu ili kuleta maendeleo katika Halmashauri ya Mlele 

Mwisho