DC BUSWELU, AWAONYA MAWAKALA PEMBEJEO

Posted on: November 23rd, 2022

Mkuu wa Wilaya ya Tanganyika Mhe.Onesmo Buswelu akionesha kwa vitendo jinsi ya kutumia mbolea wakati wa kupanda alipokuwa anazindua msimu wa kilimo kwa Halmashauri ya Wilaya ya Mlele Kitongoji cha Itulumwa Kijiji cha Utende wengine ni wakulima huku Mkurugenzi Mtendaji Teresia Irafay akishuhudia tukio hilo.

Na.Kibada Ernest –Mlele Katavi  22 Novemba 2022.

Mkuu wa Wilaya  ya Tanganyika Mkoa wa Katavi   Mhe.Onesmo Buswelu ameonya   wale wote waliopatiwa Dhamana ya kusambaza mbolea ya ruzuku wahakikishe inawafikia wakulima kama ilivyoelekezwa.bila kuwepo mikingamo ya aina yeyote na iwapo watabainika kufanya udanganyifu wa aina yeyote hatua za kisheria zitachukuliwa dhidi yao .

Buswelu ametoa maelekezo hayo wakati  akizindua Msimu wa Kilimo  kwa mwaka 2022  kwa Halmashauri ya Wilaya ya Mlele   uzinduzi uliofanyikia Kitongoji cha Itulumwa Kijiji cha Utende Halmashauri ya Wilaya ya Mlele,17 Novemba 2022

Amesema   ili kilimo kiwe chenye tija lazima wakulima walime kwa kufuata utalaam  wanaopewa na Maafisa ugani, matumizi  ya pembejeo kutumia mbegu bora, mbolea na kufuata  kanuni zote za kilimo.

 Katika kuhakikisha hilo linafanikiwa ndiyo maana Serikali ya Awamu ya Sita  inayoongozwa na Mhe.Samia Suluhu Hassan, Rais wa Jamhuri ya Muungano wa Tanzania  imewalenga  wakulima kuwapatia mbolea za ruzuku kwa bei nafuu.

 Katika hatua nyingine ameonya  wananchi kutolima   kwenye maeneo ya hifadhi za mistu na maeneo yaliyohifadhiwa kisheria kufanya hivyo ni kosa kisheria.

a na kijacho.”alisema Buswelu.

“Hairuhusiwi kulima katika hifadhi za mistu kwa kuwa kufanya hivyo ni kuvunja sheria lazima hifadhi za mistu zilindwe kwa nguvu    kwa faida ya kizazi cha sasa, Mkuu wa Wilaya ya Tanganyika Mhe.Onesmo Buswelu akionesha kwa vitendo jinsi ya kutumia mbolea wakati wa kupanda alipokuwa anazindua msimu wa kilimo kwa Halmashauri ya Wilaya ya Mlele Kitongoji cha Itulumwa Kijiji cha Utende wengine ni wakulima huku Mkurugenzi Mtendaji Teresia Irafay akishuhudia tukio hilo.

Hata hivyo amepongeza kazi nzuri inayofanywa na wataalam wa kilimo katika kuwaelimishwa wakulima  kulima  kulima kilimo cha kitalaam chenye tija.

 Pia  amepongeza wakulima nao  kwa juhudi wanazoonesha kuunga mkono juhudi za Serikali katika  kuleta maendeleo kwa kujishughulisha na kilimo.Katika uzinduzi huo Mhe.Buswelu alimwakilisha Mkuu wa Wilaya ya Mlele Mhe. Filberto Sanga.

Mmoja wa wakulima Kiongozi akiweka mbolea kwenye shamba lake wakati wa uzinduzi wa msimu wa kilimo kwa mwaka 2022 kama inavyoonekana huku wakulima wenzake wakishuhudia tukio hilo.  

 Akiwa eneo la shamba darasa la Mkulima katika kitongoji hicho alishiriki kwa vitendo  katika kupanda mbengu ya mahindi kwenye shamba darasa la mkulima wakati wa uzinduzi huo kwenye kitongoji hicho.

 Hata hivyo ameendelea kuwahimiza wakulima kulima kilimo cha zao la pamba kwa kufuata kanuni bora za kilimo na mbinu bora za kisasa.

Akizungumzia lishe bora   amesisitiza wanafunzi wapatiwe chakula shuleni lishe bora ya watoto ni muhimu lazima wazazi watenge chakula cha watoto walioko shuleni wale shuleni ili kujenga upendo na ushiriikiano.

Kwa upande wake Mwenyekiti wa Halmashauri ya Wilaya ya Mlele Mhe Soud mbogo yeye ameshukuru kwa ushirikiano waliounesha wakulimaa akawasisitiza watumie mvua zinazoendelea kunyesha kulima mazao yatakayowasaidia kuondokana na ili kuhakikisha familia na taifa linakuwa na chakula cha kutosha.

.Mkurugenzi Mtendaji  wa Halmashauri ya wilaya ya Mlele Bi.Teresia Irafay,    akimkabidhi zawadi  ya mbegu za  Mahindi mkulima  aliyejibu maswali kuhusiana na kanuni bora za kilimo wakati wa uzindua msimu wa kilimo kwa Halmashauri ya Wilaya ya Mlele Kitongoji cha Itulumwa Kijiji cha Utende.

Mapema Mkurugenzi Mtendaji wa Halmashauri Bi.Teresia Irafay katika taaria yake alieleza kuwa halmashauri imejipanga vyema kuhakikisha inawasaidia wakulima kufikia malengo .

Afisa Kilimo na Mifugo wa Halmashauri Luke Kifyasi ameeleza kuwa Halmashauri imejipanga vyema kuhakikishawanazalisha chakula cha kutosha na hakuna njaa.

Mwenyekiti wa  Halmashauri ya wilaya ya Mlele Mhe .Soud  Mbogo,akitoa neno  wakati wa uzinduzi wa msimu wa kilimo kwa Halmashauri ya Wilaya ya Mlele Kitongoji cha Itulumwa Kijiji cha Utende.  

Nao wakulima walishukuru kwa  jinsi Serikali ilivyowajari hasa kwa kuwapatia mbolea za ruzuku kwa kuwa bei inayotolewa itasaidia katika kuongeza uzalishaji wa mazao mbolea hiyo wataitumia kwa malengo yaliyokusudiwa.

Mwisho.