Mkurugenzi mpya Halmashauri ya Bi Teresia Irafay akabidhiwa ofisi na aliyekuwa mkurugenzi aliyemaliza muda wake Mwl.Alexius Revocatus Kagunze

Posted on: August 13th, 2021

Mkurugenzi mpya Halmashauri ya Bi Teresia Irafay   akabidhiwa ofisi na aliyekuwa mkurugenzi aliyemaliza muda wake Mwl.Alexius Revocatus  Kagunze na kusisitiza apewe ushirikiano wa karibu katika utendaji kazi 

Watumishi wa Halmashauri ya Wilaya ya Mlele wameombwa  kumpatia ushirikiano wa karibu katika utendaji  kazi Mkurugenzi Mtendaji wa Halmashauri ya Wilaya ya Mlele Bi Teresia Irafay  ambaye ameteuliwa hivi karibuni na Mhe. Rais Samia Suluhu Hassan kushika wadhifa huo mpya kwa kuchukua nafasi iliyoachwa  na Mkurugenzi  Mtendaji aliyemaliza muda wake Mwl.Alexius Revocatus  Kagunze ambaye amehamishiwa ofisi ya Katibu Tawala Mkoa  wa Katavi kuwa Afisa Vijana na Michezo.

Rai hiyo imetolewa na Mwenyekiti wa Halmashauri ya wilaya ya Mlele Mhe. Soud Mbogo wakati wa Hafla fupi ya Makabidhiano ya ofisi yaliyofanyika ofisini kwa Mkurugenzi huku wakuu wa Idara na Vitengo wakishuhudia hafla hiyo.

Aliyekuwa Mkurugenzi Mtendaji wa Halmashauri hiyo Mwl.Alexius  Kagunze akizungumza kabla ya kukabidhi ofisi  kwa ameshukuru kwa ushirikiano alioupata kwa kipindi chote alichokuwa Mkurugenzi katika halmashauri hiyo akaomba wamsamehe pale alipokosea kwa kuwa naye ni mwanadamu na asiyeweza kukosea ni mwenyezi Mungu pekee yake lakini kwa mwanadamu makosa huwa yapo, na pale alipofanya vizuri  anasitahili kupongezwa akaomba apongezwe,pia ameomba yale mabo mazuri aliyoyatekeleza  na kuendeleza yaendelezwe

Baadhi ya mambo ambayo aliyotekelezani pamoja na kusimamia ukusanyaji wa mapato ya halmashauri,kusimamia miradi ya maendeleo,ujenzi wa vyumba vya madarasa,ujenzi wa jengo la Utawala,linaloendelea na ujenzi,utengenezaji wa madawati,miundo mbinu ya mbalimbali inayotekelezwa katika halimashauri sanjali na kuwawezesha vikundi vya wanawake vijana na watu wenye ulemavu kwa kuwapa mikopo.

Katika Sekta ya elimu Halmashauri imeendelea kufanya vizuri kwa kuongoza katika ufaulu kwa kipindi cha miaka mitano,pamoja na kufanya vizuri katika ukusanyaji wa mapato ya ndani kwa kuvuka malengo tuliyojiwekea pamoja na kufanya vizuri katika matumizi ya fedha kwa kuweza kupata hati safi katika ukaguzi wa hesabu za Serikali.

Kwa upande wake  Mkurgenzi Mtendaji wa Halmashauri ya wilaya ya Mlele Bi Teresia Irafay  akizungumza na wakuu wa Idara na Vitengo wakati wa Hafla hiyo ya makabidhiano amesisitiza ushirikiano,amani upendo na ushirikiano katika utendaji kazi.

Amesisitiza kufanya kazi kwa ushirikiano wa karibu kama timu kujiamini nakuleta matokeo chanja kwenye jamii tunayoihudumia.

Kila mtu  atekeleze wajibu wake kulingana na taaluma aliyosomea,suala la ukusanyaji wa mapato ya ndani bila mapato halmashauri hawezi kuwepo.amesisitiza ubunifu katika utendaji kazi kujituma katika uwajibikaji.

Amesisitiza uwekezaji kuongeza mnyororo wa thamani katika mazao yetu,kama asali,karanga,mpunga,mahindi ufuta na mazao mengine yanayozalishwa katika Halmashauri hiyo.

Amesema sanjari na hayo yeye ni muumini wa uhifadhi mazingira  akasistiza haki,amani na upendo katika kutekeleza majukumu yetu ya kila siku.

Mwisho.