DMO Mlele Dkt Makwanda.

Posted on: September 5th, 2022

Mganga mkuu wa Halmashauri ya Wilaya ya Mlele  Mkoa wa Katavi Dkt. Thadeus Makwanda akiwa kazini kuhakikisha kampeni ya chanjo ya polio inafanikiwa kama anavyoonekana akitimiza majukumu yake.

Mlele-Katavi

CHANJO YA MATONE YA POLIO YAFANIKIWA  KUTOLEWA NYUMBA KWA NYUMBA HALMASHAURI YA WILAYA YA MLELE.

Mganga mkuu wa Halmashauri ya Wilaya ya Mlele  Mkoa wa Katavi Dkt. Thadeus Makwanda,amesema chanjo ya matone ya polio kwa watoto walio na umri chini ya miaka  mitano imefanikiwa kwa mafanikio makubwa halmashauri ya mlele.

 Amesema Kampeni ya Utoaji wa Chanjo ya Matone ya POLIO  kwa watoto wote walio na umri chini ya miaka mitano iliyozinduliwa Septemba Mosi 2022 imefanyika nyumba kwa nyumba na imechukua  kwa siku nne ambapo imehitimishwa Septemba 4 2022 ambapo watoto 13,977. Walitarajiwa kupata chanjo hiyo

Katika Halmashauri ya Wilaya ya Mlele Kampeni hiyo inatekelezwa katika Kata Sita Inyonga.Utende,Ilunde,Nsenkwa,Kamsisi na Ilela ambapo uratibu wa Utoaji wa Matone ya Chanjo ya POLIO umeanza kutekelezwa katika ngazi za Kata zote ndani ya Halmashauri.

Mganga Mkuu wa Halmashauri ya Wilaya ya Mlele alishirki katika uzinduzi wa Kampeni hiyo kwa kushiriki kutoa chanjo ya Matone ya POLIO ambapo alishiriki kwa kutembelea baadhi ya nyumba na kutoa chanjo kwa watoto chini ya miaka 5 walioko majumbani katika Kata ya Inyonga, na Ilunde..

Akizungumza wakati wa Uzinduzi wa Kampeni hiyo katika Kituo cha Afya Inyonga kilichopo Kata ya Inyonga Mganga Mkuu  Dkt Makwanda ametoa rai kwa Wazazi, Walezi na Wananchi kwa Ujumla kutoa Ushirikiano kwa Timu za Wataalamu zinazopita nyumba kwa nyumba kutoa huduma hiyo ya Matone ya Chanjo ya POLIO.

Amesema lengo la Halmshauri ni kuhakikisha kuwa watoto wote wenye Umri chini ya Miaka 5 wanafikiwa na huduma hiyo na kwamba wamejipanga kuhakikisha kuwa maeneo yote yenye watoto kama vile Mashuleni, pamoja na vituo vya Malezi yanafikiwa.

Kwa Upande wao Wazazi na walezi waliojitokeza katika kituo cha Afya  Inyonga waliowaleta watoto wao wameishikuru Serikali kwa namna ambavyo imechukua hatua za haraka za kuwakinga watoto dhidi hatari ya Ugonjwa wa POLIO.