Halmashauri ya Wilaya ya Mlele ya Upaisha Mkoa Wa Katavi Katika Uandikishaji Uchaguzi Serikali za Mitaa na Ufaulu Darasa la Saba

Posted on: October 20th, 2019

Imeandaliwa na Kitengo cha Habari Mlele.

  Halmashauri  ya Wilaya ya Mlele ameendeleza rekodi yake kabambe ya kufanya vizuri katika shughuli maalum za serikali kutokana na kuongoza kitaifa uandikishaji wa wawapiga kura daftari la serikali za mitaa na kushika nafasi ya 13 kitaifa mtihani wa darasa la saba.

Matokeo hayo chanya ya kitaifa ni muendelezo wa historia za miaka yote ambayo mitihani na mambo ya uchaguzi ambapo mara kadhaa halmashauri imekuwa kinara. Katika zoezi la uandikishaji halimashauri ya Mlele imeshika nafasi ya 1 kitaifa kwa kuvuka lengo la serikali kwa 152% na kufanya agizo la Rais wa jamhuri ya muungano wa Mhe Joseph John Pombe Magufuli kutimia kwa asilimia hizo.

Shughuli ya uandikishaji wa daftaeri la uchaguzi wa serikali za mitaa ilifunguliwa kitaifa kwa tangazo la waziri wa TAMISEMI ambaye ndiye mwenye mamlaka mwishoni mwa mwezi wa octoba mwaka huu. Uandikishaji ulianza tarehe 7/10/2019 mpaka 14/10/2019 ambapo kutokana na muda wa kujiandikisha kuwa mdogo wizara ililazimika  kuongeza siku 3 ili kuhakikisha haki ya kupiga kura inapatikana kwa watu wote wa serikali za mitaa. Kutokana na kuvuka lengo la uandikishaji kwa 152% imesaidia kuongeza asilimia katika majumuisho ya mkoa.

Kama haitoshi Halmashauri ya Mlele imeshika nafasi ya 13 kitaifa, ya 1 kikanda na kimkoa katika mtihani wa taifa wa Darasa la saba. Mtihani huo wa darasa la saba ulifanyika mwezi wa octoba mwaka huu ambapo wanafunzi wamefaulu kwa 93.90% hivyo kuinua kiwango cha ufaulu Mkoa wa Katavi.

Kutokana na mafanikio haya makubwa yanayotokea kila mwaka uongozi wa Halmashauri ya wilaya ya Mlele ukiongozwa na mbunge wa Jimbo la katavi Mheshimiwa Izack Kamwerwe ambaye pia ni waziri wa Wizara ya Ujenzi, Uchuzi na Mawasiliano wameandaa hafla ya kuipongeza Halmashauri na walimu kwa kazi nzuri waliyoifanya.

Mkurugenzi Mtendaji wa  akiwa na furaha amesema mafanikio haya mazuri yana yanatokana na ushirikiano mzuri baina ya viongozi na wafanyakazi wa Halmashauri ambapo mahusiano hayo huongeza hamasa ya ufundishaji na kuinua kiwango cha ufaulu. Amepongeza ushirikiano mkumbwa anaoupata kwa mbunge wa jimbo la katavi ambaye pia ni Waziri katika wizara ya Ujenzi. Amesema mheshimiwa huyo amekuwa bega kwa bega katika kuhakikisha Halmashauri inapata matokeo chanya.

Hata hivyo anawashukuru wataalamu wanaoendelea na zoezi la uandikishaji wa daftari la kudumu la wapiga kwa jitihada kubwa wanazoonyesha na uwezo mkubwa wa kukabiliana na changamoto zinazojitokeza hivyo anaamini kuwa zoezi hilo litafika tamati kwa mafanikio makubwa. Watu wanaendelea kujitokeza na zoezi linaenda kwa kasi.