HALMASHAURI YA WILAYA YA MLELE YAPONGEZWA UKUSANYAJI MAPATO.

Posted on: December 15th, 2022

Na Kibada Ernest –Kitengo cha Mawasiliano Serikalini Mlele.                                                                                                                Disemba 15,2022.

WAZIRI MKUU AWAPONGEZA HALMASHAURI YA WILAYA YA MLELE KWA KUVUKA LENGO LA MAKUSANYO YA MAPATO NA KUVUKA MALENGO WALIYOJIWEKEA.

Waziri Mkuu wa Tanzania Kassim Majaliwa amepongeza Halmashauri ya Wilaya ya Mlele Mkoa wa Katavi kwa kuvuka lengo walilojiwekea katika ukusanyaji wa mapato ya ndani wa zaidi ya asilimia mia moja themanini.

 Ametoa pongezi hizo wakati akiongea na watumishi wa umma muda mfupi baada ya kufanya ziara ya kutembelea miradi ya maendeleo ikiwemo kukagua ujenzi wa barabara kwa kiwango cha lami kutoka Inyonga hadi Kijiji cha Mapili yenye urefu wa kilometa 11.7 iliyogharimu kiasi cha shilingi bilioni 8.69. 

 Barabara hiyo ni sehemu ya barabara ya Inyonga-Ilunde-Kishelo inayokwenda hadi kwenye mpaka wa Mkoa wa Katavi na Tabora ikiwa na urefu wa kilomita 11.7

Amesema Halmashauri ya Wilaya ya Mlele ambayo imekusanya shilingi 1, 774,087,421 sawa na Asilimia 185 ikivuka lengo lake la mwaka la makusanyo ya Shilingi 957,000,000 katika mwaka wa fedha 2021/2022.amesema hiyo ni hatua kubwa

Halmashauri zingine zilizovuka malengo ya ukusanyaji wa mapato katika Mkoa wa Katavi ni pamoja na Halmashauri ya Wilaya ya Mpimbwe ambayo ilifanikiwa kuvuka lengo la makusanyanyo ya mwaka ya Shilingi 1,973,554,176 kwa kukusanya Shilingi 2,540,837,091 sawa na asilimia 129 ikishika nafasi ya Pili ki mkoa.

 Huku Halmashauri ya Wilaya ya Nsimbo ikivuka malengo ya mwaka wa fedha 2021/2022 ya Shilingi 1,191,000,000 na kukusanya Shilingi 1,421,815,380 ikishika nafasi ya tatu.

Na  Halmashauri ya Wilaya ya Tanganyika ilishika nafasi ya nne iliyokisia   kukusanya Shilingi 4,452,617,530 sawa na Asilimia 100 ikifuatiwa na Manispaa ya Mpanda nafasi ya tano ambayo imekusanya Asilimia 97 ya Makisio ya Shilingi 3,577,000,000.

Hata hivyo Waziri Mkuu  amesisitiza kutobweteka kwa hilo na badala yake  bidii zaidi iongezeke katika ukusanyaji wa mapato kwa kuwa hiyo ndiyo injini ya Halmashauri katika uendeshaji bila mapato ya ndani Halmashauri haziwezi kujiendesha.

Amesisitiza kwenye makusanyo ya fedha na kwenye matumizi ni marufuku kutumia fedha mbichi ambayo hajaingizwa benki lazima fedha zote za serikali zikatiwe stakabadhi na kuwekwa benki,asiwepo mtumishi yeyeyote wa kutumia fedha bila kupelekwa benki atakuwa amekiuka maelekezo ya Serikali.

Katika hatua nyingine nyingine amesisitiza uadilifu kwa watumishi wa umma uchapakazi na maadili mema katika kuwatumia wananchi kwa kuwa ndio waajili wetu.kufanya kazi kwa kuzingatia miongozo taratibu kanuni na sheria za utumishi wa Umma.

 Mwisho