Ibada maalum ya Maombolezo.

Posted on: March 25th, 2021

 MAMIA KWA MAELFU YA  WAKAZI WA WILAYA YA MLELE,HALMASHAURI YA MLELE NA MPIMBWE  WAFANYA IBADA MAALUM  YA MAOMBOLEZO KUMWOMBEA  MHESHIMIWA  RAIS  HAYATI DKT JOHN JOSEPH MAGUFULI

Mkuu wa Wilaya ya Mpanda ambaye pia ni  Kaimu Mkuu wa Wilaya ya Mlele Mhemiwa Jamila Kimaro amewaongoza wakazi wa Wilaya ya Mlele mamia kwa maelefu katika Ibada ya maombolezo ya kifo cha aliyekuwa Rais wa Jamhuri ya Muungano wa Tanzania Hayati Dkt John Pombe Joseph Magufuli Kipenzi cha watanzania katika  Ibada ya kumwombea iliyoengozwa na Baba Paroko wa Parokia ya Inyonga Padri Marcelo Butoyi, Ibada hiyo iliyoanza majira ya saa kumi jioni   24 machi 2021 siku ya Jumatano.

Akitoa Salaam za Serikali  kwa waumini na wananchi waliohudhuria Ibada hiyo kwa niaba ya Mkuu wa Wilaya ya Mlele Mhe Recho Kasanda ambaye ni mgonjwa,Mkuu wa  Wilaya Mheshimiwa Kimaro amesema kifo hicho ni pigo kubwa kwa watanzania, Afrika na dunia kwa ujumla,hivyo ili kumuenzi kwa vitendo yale yote mazuri aliyotendea na kutuachia ni vyema   tukaendelea kuchapa kazi  kwa juhudi maarifa na bidii kuendeleza yale yote mazuri aliyotuachia kwa kuwa itakuwa ni njai nzuri ya kumukumbukaKiongozi wetu aliyetuacha.

Mkuu huyo wa Wilaya Kimaro ameshukuru kwa Ibada,  na  mahubiri mazuri   yaliyotolewa na   Baba Paroko katika Ibada ya  kumwombea aliyekuwa Rais wa Jamhuri ya Muungano wa Tanzania Mhe Dkt John Pombe Joseph  Magufuli ambaye  ametuacha na kutangulia mbele za haki.

Mhe,Mkuu wa Wilaya ameeleza kuwa kwa upande wa viongozi, Watumishi  wa Serikali wanaowajibu mkubwa kuenenda katika hali inayompendeza Mungu katika majukumu yetu ya kila siku,tukijua nafasi tulizokuwa nazo katika kutatua kero za wananchi, hapo tutakuwa tumemuenzi kwa vitendo kama alivyokuwa akifanya enzi za uhai wake Hayati Dkt John Pombe Joseph Magufuli.

Kuhusu Wilaya ya Mlele,  Mkuu huyo wa Wilaya ameeleza kuwa Mhe  Rais Hayati Magufuli amefanya mambo mengi mazuri ikiwemo  kuboresha miundombimnu ya Barabara, ujenzi wa  Hospitali ya wilaya ,Vituo vya Afya, Zahanati ,Ujenzi wa vyumba vya madarasa, huduma ya maji na mambo mengine kama umeme na kila sekta ya huduma ya jamii  ikiwemo kuwajali mama lishe,bodaboda,elimu bure   yote hayo ni mambo ya kujivunia,pamoja na mengine  mengi.

Akizungumzia suala la usafiri kwa Mkoa wa Katavi  ameleleza kuwa siku za nyuma, hali ilikuwa mbaya sana, wakati wa Mvua za masika Mawasiliano ya barabara  yalikuwa yakikatika ulikuwa huwezi kupita katika  barabara zetu, hadi kuzungukia Mkoa wa Kigoma.

Wananchi  wakitaka kusafiri kwenda mikoa ya Tabora hadi Dar es Salaam iliwalazimu kuzunguka kupita  Mkoa wa Kigoma hali ilikuwa mbaya sana wakati mwingine walikuwa wakisafiri hadi  mbili hadi siku tatu na pengine wiki iliisha wakiwa bado njiani.

 Lakini leo  hii zimejengwa barabara za lami zinazotuunganisha na mikoa mingine yote ni  kazi kubwa iliyofanywa katika kipindi cha uongozi wake na amefanya  bila kujali hakubagua maeneo ya nchi yote aliyapa haki sawa,hata kama wilaya ilikuwa   pembezoni  alijitahidi kupafanya paonekane ni bora sawa na maeneo mengine.

Suala la elimu nalo hajalipa kisogo watoto wa wanyonge hata wa kutoka katika  Wilaya ya Mlele alihakikisha wanapata elimu kama watoto wengine,suala la umeme yote hayo yametekelezwa,

Akimzungumzia mazuri yaliyofanywa na Hayati  Dkt  Magufufu amesema hatuwezi kuyamaliza  hata kwa kuandika kitabu kwa jinsi alivyotugusa  wanamlele hasa wilaya zetu zote  zimepata kupata maendeleo hakujali alijitahidi kuhakikisha watu wake wote wanapata maendeleo.

Aidha  Mkuu huyo wa Wilaya amesema pamoja na kumpoteza Dkt Magufuli lakini tumempata Kiongozi Mwingine aliyeapishwa Mama  yetu Mheshimiwa Samia Suluhu Hassani ambaye sasa ni Rais  wa  Jamhuri Muungano  wa Tanzania.

 Mama huyo ni Shupavu mchapakazi,Mnyenyekevu Mvumilifu,na Msikivu na Mcha Mungu  atatuvusha na kutufikisha nchi ya ahadi,  hivyo tumwombee sana mama yetu Mheshimiwa Samia Suluhu Hassan  amepokea nchi katika kipindi kigumu cha majozi,Simanzi, na maombolezo  hivyo viongozi wote tunatakiwa tumwombee aweze kupata Viongozi wazuri watakaomsaidia kuongoza nchi.

Mapema akiongoza Ibada  maalum ya Maombolezo Baba  Paroko wa Parokia ya Inyonga  Padri Marcelo Butoyi amemwelezea  Rais Magufuli kuwa atajionesha kwa yale mazuri  aliyoyatenda katika nafsi za watu hivyo inatakiwa tumwombee kwa yote mazuri aliyotutendea kwa zawadi aliyotuzawadi Mungu kwa  kuwa Rais huyo hakika alikuwa ni mwema ndiyo maana unaona kila kona ya nchi na nje ya nchi wanamlilia ni kutokana na wema wake aliounesha kwa jamii iliyokuwa ikimzunguuka,alikuwa ni  mwema ambaye sasa hatuanaye tena lakini hatuwezi kumsahau.

 Amesema tunapaswa kumuenzi kwa maisha ya Sala kila mara tuwe tunakwenda kusalimu kujinyima kufanya toba na kutenda matendo ya huruma.kumenzi Mpendwa wetu Dkt John Pombe Magufuli.

  Naye Diwani wa Kata ya Inyonga amaye  ni Mwenyekiti wa Halmashauri ya Wilaya ya Mlele Mhe Soud Mlolwa Mbogo amesema kuhusiana na kifo cha Mpendwa wetu huyo yapo  mengi ya kumuenzi kwa  jinsi alivyokuwa amejitoa kuwatumikia wananchi  wake wa Tanzania hivyo amewataka wananchi  kumuenzi kwa yale yote mazuri aliyoyatenda na tumuache Mungu kupitia matendo yake mema.

Hatuna njia nyingine ya kumkumbuka badala yake ni kumuenzi kwa kuendeleza yale yote mazuri aliyoyafanya na kuayathamini kama miradi aliyoiacha iendelezwe na kila kitu kizuri lazima kiendelezwe hapo tutakuwa tumemuenzi.

Kaimu Mkurugenzi Mtendaji wa Halmashauri ya Wilaya ya Mlele Pascal Berege  amewahimiza wananchi kuzingatia yale yote waliyoaswa na Viongozi wa kiroho tuyazingatia na kuyaenzi na tuwe watulivu wakati wa kipindi hiki kigumu,na pia tuendelee kumwombea Rais wetu Mpya Mama Samia Hassan na Familia ya marehemu tusirudi nyuma tusonge mbele kwa kuyaenzi yale yote mazuri aliyotufundishwa Rais wetu Hayati Dkt Magufuli.

Mwisho.