Katibu Tawala Wilaya ya Mlele, akizungumza na wananchi

Posted on: April 29th, 2023

Katibu Tawala Wilaya ya Mlele, Linkolin Tamba akizungumza na  wananchi Wilayani  kwa niaba ya Mkuu waWilaya hiyo Mhe.Majid Mwanga hayupo pichani amewaasa wananchi Wilayani humo kudumisha umoja na mshikamano kama ilivyo nia ya Waasisi wa Muungano.

Mlele wafanya jambo miaka 59 ya Muungano

HALMASHAURI ya Wilaya ya Mlele Mkoa wa Katavi    imeadhimisha maadhimisho ya miaka 59 ya Muungano wa Tanganyika na Zanzibar kwa kufanya shughuli mbalimbali ikiwemo usafi, kuzindua vyumba vya madarasa shule ya Sekondari Inyonga na kufanya mdaharo na kufuatiwa na   michezo mbalimbali.

Mapema  akizungumza na wananchi wa mji wa Inyonga wakati wa kufanya usafi kituo cha Afya Inyonga B Mwakilishi wa Mkuu wa Wilaya ya Mlele, Linkolin Tamba amewataka wananchi Wilayani humo kudumisha umoja na mshikamano kama ilivyo nia ya Waasisi wa Muungano huo, Hayati Baba wa Taifa Mwalimu Julius Nyerere na Hayati Abeid Amani Karume Rais wa Kwanza wa Zanzibar.

Naye  Mwenyekiti wa Halmashauri ya Mlele, Soud Mbogo, amesema Muungano unafaida nyingi kisiasa na kiuchumi na Kijamii ambapo wananchi kutoka Zanzibar wanajiinua kiuchumi kwa kufanya shughuli zao Tanzania Bara bila bughudha yeyote, pia ipo hivyo kwa wananchi wa Tanzania Bara wanafanya shughuli zao Zanzibar.

Naye Kaimu Mkurugenzi Mtendaji Halmashauri ya Mlele, Habiba Mtunguja, amesema si jambo dogo kwa Muungano kufikisha miaka 59, hivyo ni jukumu la kila mwananchi kujivunia na kuulinda.

Kimkoa kilele cha maadhimisho hayo kilifanyika Halmashauri ya Wilaya ya Mpimbwe Aprili 26, 2023, ambapo Mgeni Rasmi  alikuwa ni Mkuu wa Mkoa wa Katavi Mhe.Mwanamvua Mrindoko.Wananchi wa HALMASHAURI ya Wilaya ya Mlele Mkoa wa Katavi  Wakiongozwa wakifanya usafi kufyeka nyasi kituo cha Afya Inyonga B” Wakati wa Maadhimisho ya Sherehe za Muungano kama wanavyoonekena pichani

Picha  zote na Kitengo cha Mawasiliano Halmashauri ya Wilaya ya Mlele.