KIKAO CHA KAMATI YA TATHIMINI YA LISHE MLELE

Posted on: August 15th, 2025

KIKAO CHA KAMATI YA TATHIMINI YA LISHE HALMASHAURI YA WILAYA YA MLELE

Kimefanyika leo tarehe 15 Agosti katika ukumbi wa Halmashauri ya Mlele lengo likiwa ni kufanya tathimini juu ya mapambano dhidi ya udumavu na ukondefu katika jamii ikiwa bado ni kampeni ya Mkoa wa Katavi chini ya Mkuu wa Mkoa Mwananvua H. Mrindoko kutokomeza udumavu.

Pamoja na Mambo mengine Muwakilishi wa Mkuu wa Wilaya ambae pia ni Kaimu Mkurugenzi Mtendaji Luke D Kifyasi amewataka wajumbe wa kikao hicho kuzingatia maagizo yote yanayotelwa juu ya Afua za Lishe na kufatilia utekelezaji wake kwa ukaribu, kutoa elimu kwa jamii juu ya lishe bora katika familia zao, kuhakikisha walau kila familia inakuwa na bustani ya mbogamboga na matunda na mashuleni

Lishe bora ni muhimu katika maisha ya binadamu kwasababu inasaidia kujiepusha na magonjwa mbalimbali hatari kama matatizo ya moyo, kisukari, matatizo ya figo, kansa.

“Lishe ni matokeo ya hatua mbalimbali kuanzia chakula kinapoliwa, kinaposagwa, kumenge’nywa na hatimaye kufyonzwa mwilini ili kujenga afya bora ya mwili. Hivyo basi lishe bora hupatikana kwa kuzingatia mlo kamili na kwa muda sahihi”

Lishe bora inahusisha kula mlo kamili kutoka kwenye makundi matano ya chakula lakini imekua tofauti kwa baadhi ya familia nyingi za kitanzania kwani kumekuwa na tabia ya kula chakula cha aina moja ambapo inasabisha watu kuwa na hali ya lishe duni ambayo ndo kisababishi kikubwa cha magonjwa mbalimbali hatari.