Maadhimisho ya usafishaji mazingira yafanyika Mlele

Posted on: September 16th, 2023

Kaimu Mkurugenzi wa Halmashauri Bi,Habiba Mtunguja akiwaongaza wananchi wa Kijiji cha Utende kufanya usafi kwenye zahanati ya kijiji,

.

MAADHIMISHO YA SIKU YA USAFISHAJI  WA MAZINGIRA  DUNIA KWA HALMASHAURI YA WILAYA YA MLELE YAMEFANYIKIA  KIJIJI CHA UTENDE KATA YA UTENDE KWA MAFANIKIO MAKUBWA.

Na Kibada Ernest –Mlele

16’ SEPTEMBA 2023

Maadhimisho ya siku ya usafishaji Mazingira  Duniani  kwa Halmashauri ya Wilaya ya Mlele Mkoa wa Katavi yamefanyika katika Kijiji cha Utende Kata ya Utende ambapo  wananchi  wameungana na wenzao duniani kote kuadhimisha siku ya usafishaji Mazingira  kwa kufanya usafi katika eneo la kutolea huduma za Afya Zahanati ya Utende.

Katika Maadhimisho hayo yaliyoongozwa na Kaimu Mkurugenzi wa Halmashauri ya Wilaya ya Mlele Bi Habiba Mtunguja,ambaye ni Mkuu wa Divisheni  ya Utumishi na usimamizi wa Raslimali watu ambaye pia ni  Mlezi za Kijiji hicho.

BI Mtunguja aliwashukuru Wananchi waliojitokeza katika madhimisho hayo  kwa kaucha shughuli zao na kuungana kwa pamoja  kujitokeza kwa wingi kufanya usafi katika maeneo hayo,

Akizungumza mara baada ya kukamilika kwa zoezi la usafi amewashukuru kwa kujitokeza kwa wingi kisha akawaasa waendelee  na moyo huo  na wawe  wanafanya usafi mara kwa mara na wasisubiri tu matukioi kama hayo yanapojitokeza badala yake wajiwekee utaratibu wa  kufanya usafi katik amaeneo yao.

Naye Afisa Afya na usafi wa Mazingira Halmashauri ya Wilaya ya Mlele Kevin Ngoto ameshukuru na kuwapongeza wananchi waliojitokeza kwa wingi kufanya usafi, na  kusisitiza kuwa usafi uwe  sehemu ya utamaduni  wetu hivyo uwe unafanyika  mara kwa mara.

Kwa upande wake Mwenyekiti wa Kijiji cha Utende  Edward Fundingoma amefurahishwa na kitendo kilichofanywa na Halmashauri kuleta maadhimisho ya usafshaji mazingira i katika Kijiji chao kwani kufanya hivyo ni heshima kubwa waliyowapa wananchi hao akaahidi kuwa wataendeea kutoa ushirikia zaidi  kwani  hiyo ni  tabia yoa kufanya usafi katika maeneo yao

Kwa upande wao  wananchi wa Kijiji hicho wakiongea kwa nyakati tofauti wameeleza kufurahishwa na kitando hicho cha kuwaletea madhimisho ya  usafishaji katika kijiji chao kwani kufanya hivyo ni kuwaheshimisha nao wanatendelea kulinda heshima hiyo kwa kufanya usafi na shughuli nyingine za Maendeleo.

Mwisho.

Picha za matukio mbalimbali Wananchi  wa Kijiji cha Utende wakifanya usafi katika eneo la Zahanati ya utende wakisherhrkra madhimisho ya usafishaji mazingira

Matukio  katika Picha mbalimbali wakati  wa kufanya usafi kwenye maadhimisho ya usafisahji mazingira  dunia.