MAGOGO 1254 KWA NJIA YA MNADA

Posted on: April 19th, 2021

(Mkuu wa wilaya ya Mlele Mhe Rechal Kassanda akizindua zoezi la uuzaji wa magogo 1254 katika Kata ya Kamsisi Halmashauri ya Mlele akiwa na Kamati ya ulinzi na usalama zoezi lililoongozwa na wakala wa huduma za misitu nchini TFS.)

TFS YAUZWA MAGOGO 1254 KWA NJIA YA MNADA NA KUINGIZA ZAIDI YA TSH 200 MILIONI.

Wakala wa Huduma za Misitu nchini TFS Kanda Maalum ya Mkoa wa Katavi imeendesha mnada wa uuzwaji magogo 1,254 ya mti wa mkurungu   yaliyokamatwa wakati wa operation zilizofanyika wilaya ya Mlele uuzwaji wa magogo hayo uingizia Serikali zaidi ya shilingi milioni 200 za Kitanzania.

Zoezi la uuzwaji wa magogo hayo liliendeshwa na Wakala wa Huduma za Mistu likiongozwa na Mhifadhi wa Huduma za Misitu Kanda ya Mkoa wa Katavi Rajab Ngerezi Ramadhani chini ya usimamizi wa Mkuu wa Wilaya ya Mlele Mhe Rechal Kassanda

Ambaye alitoa maelekezo kwa wanunuzi kufuata taratibu na sheria za nchi huku akpiga marufuku  kusafirisha magogo hayo nje ya nchi kwa kuwa sheria haziruhusu kusafirisha magogo aina ya mkurunguwala Mninga.

Akifafanua amesema wakala wa mistu wamejipanga vizuri ili kilamshirikia apate haki yake. Baada ya kufanikiwa ndani ya siku tatu uwe umelipa asilimia 25 ndani ya siku tatu.

Na asilimia 75 unatakiwa uwe umelipa fedha iliyosalia ndani ya siku kumi na nne iwapo utashindwa  kumalizia asilimia 75, magogo yanarudi mikononi mwa serikali kupitia TFS na Malipo yapitiekwenye Benki zilizoainishwa.

Na Baada ya kuwa umaliza kulipa asilimia 100 na asilimia tano ya halmashauri  unashauri uyatoe ndani ya muda mfupi,

Akieleza namna hali ya uuzwaji wa magogo hayo Mhifadhi wa Huduma za Misitu Kanda Maalum  ya Mkoa wa Katavi Rajab Ngerezi Ramadhani alieleza kuwa magogo hayo yako katika makundi matatu loti ya kwanza iko Kanono eneo la  kata ya Utende,loti ya  pili la iko Kamsisi, na loti ya tatu magogo lipo Kata ya Nsenkwa na magogo yote yatauzwa kwa kufuata taratibu.

Mwisho.