miradi ya Maendeleo

Posted on: January 12th, 2021

                               HALMASHAURI YA WILAYA YA MLELE

                                                                                                                  S.L.P 686,

Simu:

Nukushi:

E-mail: ded@mleledc.go.tz

Barua@mleledc,go.tz                                                                   MLELE –KATAVI.

                                                                                                         16/12/2020.

Tovuti: www.mleledc.go.tz  

TAARIFA KWA UMMA.                                                                                                                                         

YALIYOJIRI KATIKA MKUTANO WA BARAZA LA MADIWANI HALMASHAURI YA WILAYA YA MLELE TAREHE 16 DISEMBA 2020.

Mwenyekiti mpya wa Halmashauri ya Wilaya ya Mlele Mheshimiwa Soud Mlolwa Mbogo leo tarehe 16 Disemba amefunga Mkutano wa Baraza la Madiwani la Halmashauri ya Wilaya ya Mlele.

Mheshimiwa Mbogo amefunga Mkutano huo wa Baraza la Madiwani la Halmashauri ya Wilaya ya Mlele ikiwa ni  mara ya kwanza baada ya kuchaguliwa na Madiwani kuwa Mwenyekiti wa Halmashauri ya Wilaya ya Mlele.

Katika hotuba yake ya ufunguzi Mheshimiwa Mbogo ametoa shukurani zake kwa Chama cha Mapinduzi CCM, wananchi pamoja na Madiwani wa  Halmashauri ya Wilaya ya Mlele kwa kumwamini na kumpa ridhaa ya kuliongoza Baraza la Madiwani kwa kipindi cha miaka mitano.

Katika Mkutano huo wa Baraza la Madiwani la Halmashauri ya Wilaya ya Mlele Waheshimiwa Madiwani wamekula kiapo cha uadilifu kwa wote na kuahidi  kuwa wazalendo,  pia kuahidi kufanya kazi  kwa kutanguliza mbele masilahi mapana ya Taifa  kwa kuwatumikia wananchi wa Halmashauriya Wilaya ya Mlele. 

Mheshimiwa Mbogo ametoa wito kwa Madiwani wa Halmashauri ya Wilaya ya Mlele kutimiza wajibu wao mkubwa waliopewa na wananchi kwa kuhakikisha kuwa wanafanya kazi kwa bidii,uweledi na maarifa ili kuwaletea wananchi Maendeleo kwa  kuwa uchaguzi umekwisha kilichobakia ni kuchapa kazi  na kuwaletea wananchi maendeleo.

Aidha amewataka Madiwani wa Halmashauri ya Mlele kushirikiana vema na wataalam kuhakikisha wanatimiza majukumu yao ipasavyo  kusimamia ukusanyaji wa mapato,Suala la kilimo,Elimu Afya na Miundombinu mingine ili kuwaletea wananchi maendeleo.

  Mheshimiwa Mbogo amewaeleza Madiwani na Watalaam wa Halmashauri ya wilaya ya  Mlele kuwa wanalo jukumu kubwa la kuhakikisha kuwa wanatumia rasilimali zilizopo katika Halmashauri ya Wilaya ya Mlele ikiwemo ardhi, mistu mifugo na kila aina ya rasilimali na kusimamia ukusanyaji wa mapato ya Halmashauri ili kufikia malengo mahususi ya kuwaletea wananchi Maendeleo.  

Amesisitiza Ofisi ya Mkurugenzi kushughulikia changamoto mbalimbali zilizopo ikiwa ni pamoja na kusimamia mikutano ya ngazi ya   Vijiji  na Kata inafanyika,  pamoja na kuhamasisha uzalishaji wa mazao ya kimkakati yanalimwa ambayo ni zao la Pamba ,Korosho na Ufuta ili kuhakikisha kuwa mazao hayo yanabadilisha hali ya mapato ya Halmashauri.

Mapema Katibu tawala wa Wilaya ya Mlele LIinkolin Tamba akifungua Mkutano huowa Madiwani amesisitiza ushirikiano wa karibu kati ya wataalam na Waheshimiwa Madiwani ili kuwaletea wananchi maendeleo.

Akawataka ametoa rai kwa  Waheshimiwa hao kuchapa kazi na kusimamia sera za serikali ikiwa ni pamoja na ujenzi wa Zahanati kwa kila Kijiji ,Ujenzi wa Vituo vya Afya kila kata kwa zile Kata ambazo hazijakamilisha wahakikishe wana kamilisha,ikiwa ni pamoja na kuhakiksha watoto wote waliofaulu mtihani wa Darasa la saba wabakwenda shule sanjali na kukamilisha utengenezaji wa madawati kwa ajili ya wananfunzi wa shule za Sekondari .

Aidha amepongeza kwa Halmashauri kufanya vizuri katiaka matoke ya mtihani wa Darasa la Saba ambapo Kimkoa imekuwa ya kwanza, na Kikanda pia imefanya vizuri hadi kuwa ndani ya kumi bora kitaifa. Juhudi hizo ni za kupongezwa.

Katika Mkutano huo wa Baraza la Madiwani pia Mkurugenzi Mtendaji wa Halmashauri ya Wilaya ya Mlele Mwalimu Alexus Revocatus Kagunze  amewasilisha Taarifa ya utekelezaji wa Kazi zilizofanyika kipindi Waheshimiwa Madiwani hawapo,taarifa iliyoeleza mafanikio mbalibmbali na mikakati ya kimaendeleo ya Halmashauri haya katika upande wa ukusanyaji wa Mapato,hali iliyoonesha wamefanya vizuri katika katika kusimamia maendeleo.

Baada ya Taarifa hiyo waheshimiwa madiwani waliipokea na kujadili kasha wakapongeza kwa kazi nzuri iliyofanyika kipindi hawapo madarakani baraza lilipovunjwa.

Mkutano ambapo umeshuhudia kuundwa kwa kamati za kudumu na kuchaguliwa wenyeviti wake umeahirishwa hadi hapo utakapoitishwa tina kwa mjibu wa kanuni taratibu na sheria.

Imetolewa na

 Kibada Ernest  Msafiri.

Afisa Habari na Mahusiano.

HALMASHAURI YA WILAYA YA MLELE

                                                                                                                  S.L.P 686,

Simu:

Nukushi:

E-mail: ded@mleledc.go.tz

Barua@mleledc,go.tz                                                                   MLELE –KATAVI.

                                                                                                         06/01/2020.

Tovuti: www.mleledc.go.tz 

TAARIFA KWA UMMA.

YALIYOJIRI WAKATI WA ZIARA YA MKUU WA MKOA WA KATAVI HALMASHAURI YA WILAYA YA MLELE TAREHE 05 JANUARI  2020.

Mkuu wa Mkoa wa Katavi Mhe, Juma Homera akiwa ameambatana na Viongozi mbalimbali wa Mkoa katika Halmashauri ya wilaya ya Mlele alitembelea Ujenzi wa Jengo  la Utawala,Halmasahuri ya Wilaya ya Mlele,Ujenzi wa Kituo cha Afya inyonga B,Ujenzi wa Hospitali ya wilaya,Ujenzi wa Kiwanda cha kuchakata  asali,na Ujenzi wa kituo cha kupokelea umeme wa gridi ya Taifa kilichoko kijiji cha Utende lengo la ziaa hiyo ilikuwa kuhamasisha na kusisitiza  usimamiaji wa miradi hiyo hasa majengo ya Serikali yanajengwa kwa ubora na gharama nafuu.

Akizungumza na watendaji na watalaam wa Wilaya ya Mlele amesema  ni vyema wakahakikisha kuwa wanasimamima miradi hiyo ya serikali kwa uadilifu na ujenzi uwe wa gharama nafuu.

Mkuu wa Mkoa Juma Homera  katika ziara yake alifanya mikutano ya Hadhara kuzungumza na wananchi wa Kijiji cha Kamalampaka na Kamsisi  wakati wa Ziara yake aliyoifanya na kutoa maelekezo.

-Alifurahishwa na kiwango cha ufaulu wa wanafunzi shule za Msingi katika Halmashauri ya Wilaya ya Mlele kwa kuwa miongoni wa Shule kumi bora Kitaifa na kikanda na kushika nafasi ya kwa kwanza kimkoa katika ufaulu alitoa pongeza Kwa Halmshauri ya Mlele kwa kufanya vizuri.

Kuhusu watoto waliofaulu ametoa maelekezo yafuatayo  ili kuhaikikisha wote waliofaulu wanaendelea  na masomo ya Sekondari,na wale ambao hawakupata nafsai ya kuendelea na masomo ya  Sekondari wapelekwe chuo cha maendeleo ya jamii Msaginya na chuo cha Ufundi stadi VETA Mpanda.

-Amewataka walimu wa shule za Msingi na Sekondari kuw an utaratibu utakaonesha namna ya kuwabaini wanafunzi ambao hawajaripoti na kuwafuatilia na wawe na kumbukumbu na kuwathamini wanafunzi na walimu wanaofanya vizuri na kuwapa motisha. 

-Halmashauri kusimamia zoezi la utengenezaji madawati ili kuhakikisha utengenezaji wa madawati unakamilika na watoto waliofaulu kwenda kidato cha kwanza sekondari wanaripoti pindi shule zitakapofunguliwa na asiwepo mtoto wa kukaa chini,Halmashauri inaupungufu wa dawati karibu 700.

-Kuhakikisha wazazi wote wanawapeleka shule watoto pindi shule zitakapofunguliwa na asiwepo motto wa kushindwa kwenda shule kwa kisingizio cha kukosa ada kwa kuwa elimu sasa ni bure.

-Ugawaji wa mashamba ufanyike ndani ya siku 14 tangu kutolewa kwa maelekezo yake,kwa wale walionunua mashamba katika eneo ambalo lilikuwa na mfutano na wakala w a huduma za mistu TFS mgogoro huu umepatiwa ufumbuzi na watu wagawiwe wale walionunua na ugawaji ufute utaratibu kila mtu apate angalau kidogo kwa kuwa orodha ipo, na wao fedha zilizotumika kununulia maeneo hayo zilitumika kujenga Zahanati ya Kijiji cha Kamsisi.

Waheshimiwa Madiwani wasimamie ipasavyo miradi ya maendeleo inayotekelezwa na Halmashauri kwenye maeneo yao  na iendani na thamani ya fedha ya Serikali.

Amesisitiza suala la amani,utulivu na mshikamano kwa kueleza kuwa Mkoa wa Katavi uko salama.

-Amewakumbusha wakulima kujikita katika mazao ya  Korosho,ufuta,na alzeti  karanga ,bila kusahau mazao ya chakula mahindi,na mpunga, akizungumzia kuhusu zao la pamba amesema walime kwa wingi kwa  kuwa soko lipo, na tayari kiwanda  cha kuchambua pamba kipo Mkoani hapa kimejengwa katika Wilaya ya TANGANYIKA hivyo skuhusu soko kwa sssa hakuna wasiwasi pamba yote itakayolimwa katika mkoa wa Katavi na maeneo mengine itanunuliwa.,

Imetolewa na

 Kibada Ernest  Msafiri.

                                                                                                                                                                                                                    Afisa Habari na Mahusiano

                                                                                                                                                                                                               Halmashauri ya wilaya ya Mlele.