Mkurugenzi FC kaa la Moto Katavi

Posted on: November 25th, 2018

Timu ya watumishi Mkurugenzi FC imeweka rekodi ya kuwa timu ya kwanza katika wilaya ya mlele kuchukukua ubingwa wa Mkoa wa Katavi leo hii katika uwanja wa Mpanda mbele ya halaiki ya mkoa wa katavi.

Katika mtinange huo wa kukata na shoka, MFC ilianza kufumania nyavu za Watu FC dakika ya nne.  

Hata hivyo matokeo yalichukua sura mpya pale WFc ilipo sawazisha nakuongeza goli la pili huku ikiwaacha mkurugenzi FC kuanza kuchambua kaulimbiu ya 'hapa kazi tu' baada ya kukumbuka kauli hii Hakuna mchezaji aliyebweteka na mambo yakaanza kuwa magumu.

Gafla mtu akaingizwa kati, hapo ndipo wahenga Kama Mzee mandari husema  ndege usiye mla acha wenzako wale,  nakusema za mwizi ni Arobaini na la ubani halifundi.

Huku bado wapinzani wakiendelea kuuona ubingwa vijana waliofundwa na vijana wasio na papara vijana wa asali na maziwa wakaanza game la poz linalopendeza mpaka wapinzani wakashindwa kujua muda gani nyavu zao zimesinyaaa.

Wakaanza kuona Mlele ya Maziwa kwa kupigilia msumari wa tatu na wa mwisho.

Ona sasa anayekuua anavyo kubembeleza Hakuna aliyejua kama vijana Hawa wako makini mithili hii.

Karibuni Mlele DC hapa tunashinda mpaka tunashindana hila zenu mtaendelea kushindwa. Sisi mlele tutapeta kwa kuzingatia kanuni za soka na Lengo letu matokeo chanya A+