Mkurugenzi Mtendaji wa Halmashauri ya Wilaya ya Mlele Mwl, Alexius Revocatus Kagunze katikati ambaye pia ni Mwenyekiti wa Kikao cha Baraza la Wafanyakazi,akiongoza kikao cha Baraza la wafanyakazi akiongoza kikao wakati wa kupitisha rasmu ya bajeti kwa m

Posted on: January 27th, 2021

BARAZA LA WAFANYAKAZI   HALMASHAURI YA WILAYA YA  MLELE  LIMEPITISHA RASMU YA BAJETI  YA SHILINGI BILIONI 10.6  KWA MWAKA WA FEDHA 2021/2022.

 Wajumbe wa Baraza la Wafanyakazi Halmashauri ya Wilaya ya Mlele limepitisha rasimu ya Mpango wa Bajeti ya kiasi cha shilingi 10,630,214,302.26 kwa ajili ya kutekeleza program mbalimbali zilizopangwa kufanyika katika ngazi ya Halmashauri.ikiwa ni makusanyo matumizi kutoka   vyanzo mbalimbali vya,mapato,kama ifuatavyo, Mapato  ya ndani,Ruzuku ya mishahara,Ruzuku ya matumizi mengineyo na miradi ya maendeleo.

 Bajeti hiyo imewasilishwa na Afisa Mipango Deo Johanes na kueleza kuwa  Bajeti ya Halmashauri imeandaliwa kwa kuzingatia maelekezo ya jumla na maelekezo mahususi ya Mwongozo wa Maandalizi ya Mpango na Bajeti wa Mwaka 2021/22 ulioandaliwa chini ya Kifungu Na. 21 cha Sheria ya Bajeti, Sura 439 ambao utatumika katika uandaaji, uwasilishaji na utoaji wa taarifa za utekelezaji wa mpango na bajeti kwa mwaka 2021/22 ili kufikia malengo ya Dira ya Taifa 2025.

Katika kuandaa Mpango na Bajeti ya Mwaka fedha 2021/22, Halmashauri imezingatia Sera na Miongozo

Ya  Mpango wa Maendeleo wa Taifa wa Miaka Mitano  2020/21 – 2024/25,Ilani ya CCM ya Uchaguzi Mkuu wa mwaka 2020, Maelekezo ya Serikali yaliyoainishwa na Mheshimiwa Rais wakati wa uzinduzi rasmi wa Bunge la 12 mwezi Novemba, 2020 Sheria ya Bajeti, Sura 439 pamoja na Kanuni zake, Mkakati wa Taifa Dhidi ya Rushwa Awamu ya Tatu, Malengo ya Maendeleo Endelevu na Mwongozo wa Ushirikiano wa Maendeleo, sanjari  na makubaliano mengine ya kikanda na kimataifa ambayo Serikali imeyaridhia.

Katika Kikao hicho cha Baraza la Wafanyakazi kupitia na kujadili rasimu  ya bajeti kwa  mwaka wa fedha 2021/2022.wajumbe walipata nafasi kujadiliana na kupitia kifungu kwa kifungu na kuridhia kuipitisha kwa mstakabari wa maendeleo ya Halmashauri

Kikao hicho kilikuwa chini ya Mkurugenzi Mtendaji wa Halmashauri ya Wilaya ya Mlele Mwl, Alexius Revocatus Kagunze ambaye pia alikuwa Mwenyekiti wa Kikao hicho, kikao hicho kilihudhuriwa na Katibu wa TALGWU Tanzania Mkoa wa Katavi Angerina Ntamo na Katibu wa Chama cha Walimu Tanzania Mkoa wa Katavi Rosemari Mwakibete,