Mkutano wa baraza la Madiwani Halmshauri ya Wilaya ya Mlele wa kufunga mwaka wa fedha 2020/2021

Posted on: August 20th, 2021

Mkutano wa Baraza la Madiwani ukiendelea kwenye ukumbi wa mikutano wa maktaba shule ya sekondari Inyonga kama inavyoonekana waheshimiwa madiwani wataalam na wageni waalikwa wakifuatilia mkutano huo ambapo Mapema Mkurugenzi Mtendaji wa Halmashauri ya Mlele Bi. Teresia Irafay akimkaribisha Mwenyeikiti wa Halmashauri ya Mlele Mhe Soud Mbogo afungue mkutano huo wa Baraza la  Madiwani ameeleza kuwa wao kama Watendaji watahakikisha wanatekeleza  vipao umbele vya Serikali hasa katika kutekeleza Miradi ya Maendeleo Vijijini na kuwafikia  wale wananchi ambao wanauhitaji zaidi,na kutekeleza Sera, Sheria na taratibu za utekelezaji wa miradi ya Maendeleo pamoja na Miongozo mbalimbali ya Serikali yote ikiwa inasimamiwa na Ilani  Chama cha Mapinduzi.

     Kwa upande wake  Mwenyekiti wa Halmashauri ya Wilaya ya Mlele Mhe. Soud Mbogo akifungua Mkutano huo wa Baraza la Madiwani alieleza kuwa wao kama Madiwani wanamkaribisha na kuahidi kumpatia ushirikiano wa karibu kama walivyo kuwa wana mpatia Mkurugenzi aliyemaliza muda wake.

Katika hatua nyingine Mwenyekiti wa Halmashauri  amemtaka Mkurugenzi Mtendaji  kama Katibu wa Mkutano wa Baraza  kutekeleza yale yote yaliyoagizwa katika mkutano huo wa Baraza  yakatekelezwe kwa wakati.

Naye Alfred Sungura  ni Afisa Mipango na Ufuatiliaji   Halmashauri ya Mlele akiwasilisha taarifa ya hali ya mwelekeo wa Bajeti  alieleza kuwa kwa mwaka wa fedha wa 2021/2022 Halmashauri imeidhinishiwa na Bunge kutumia kiasi cha shilingi bilioni 7,167,458,509.20  kwa ajili ya kutekeleza miradi mbalimbali ya maendeleo,kutoka vyanzo mbalimbali vyanzo vya fedha.

Amesema kati ya fedha hizo shilingi 4,445,316 sawa na asilimia  93.7 ni  vyanzo vya ndani,na shilingi bilioni 4.12 sawa na asilimia 86 nikutokana na Ruzuku ya Serikali na shilingi milioni  320,  kutokana na mapato ya ndani ya Halmashauri ni shilingi 2.7 sawa na asilimia 6.3 kutokana na vyanzo vya nje