Mkuu wa Mkoa wa Katavi aipongeza Halmashauri ya Wilaya ya Mlele kwa utekezaji mzuri wa miradi ya UVIKO 19 na kuokoa Fedha

Posted on: December 28th, 2021

Mkuu wa Mkoa wa Katavi Mhe Mwanamvua Mrindoko amewapongeza Viongozi wa Wilaya ya   Mlele kwa Usimamizi mzuri wa miradi leo tarehe 28.12.2021 wakati wa hafla ya kukabidhi Miradi ya maendeleo na mapambano ya Uviko 19 katika shule shikizi ya Izenga katika Halmashauri ya Wilaya ya Mlele.

Ametoa pongezi hizo kwa Mkuu wa Wilaya ya Mlele  Philibeto Sanga na Mkurugenzi Mtendaji wa Halmashauri ya Wilaya Mlele Teresia Irafay kwa kuweza kutekeleza Miradi ya ujenzi wa Madarasa 34 na utengenezaji wa Madawati ya shule za msingi na Sekondari katika ubora mkubwa.

  Sambamba na utekelezaji wa miradi katika ubora huo Halmashauri imeweza  kuokoa zaidi ya Tsh 100Mil kutokana na ubunifu mkubwa ambao Halmashauri imeweza kuutumia wakati wa utekelezaji wa Miradi.

Mhe Philibeto Sanga amemwambia Mkuu wa Mkoa Mhe Mwanamvua Mrindoko kuwa ubunifu uliotumiwa na halmashauri katika utekelezaji wa  miradi hiyo ni pamoja na kufanya manunuzi kwa pamoja, kutengeneza timu za Usimamizi kwa Kila Mradi  na kusimamia kazi zote kwa karibu na kutoa taarifa Kila wakati kwa uwajibikaji na uwazi.

Wakati wa hafla hiyo amemaliza kwa kuwapa vyeti vya pongezi wataalamu na viongozi wote walioshiriki kikamifu katika Usimamizi wa miradi hiyo.

Jengo la Madarasa 3 la Izenga Shule shikizi limezinduliwa na kukabidhiwa kwa niaba ya miradi yote inayotekelezwa katika Halmashauri ya Wilaya ya Mlele.