MKUU WA WILAYA MLELE AHUTUBIA WANANCHI

Posted on: May 5th, 2023

 Mkuu wa Wilaya ya Mlele  Mhe. Majid Mwanga akizungmza na wananchi wa Kata ya Inyonga Viwanja vya shule ya Msingi Inyonga Kama wanavyoonekana.

4.Wananchi wa Jimbo la Katavi wakimsikiliza Mbunge wao kwa wakifuatilia kwa umakini kile kinachozungumzwa katika Mkutano huo.

MKUU WA WILAYA MLELE AWATAKA WAZAZI KUCHANGIA CHAKULA SHULENI

Na Kibada  Ernest –Mlele Katavi

Mei 4/2023.

 Mkuu wa Wilaya ya Mlele Mhe. Majid Mwanga amewataka wazazi na walezi Wilayani humo waendelee kuchangia chakula cha mchana kwa wanafunzi wote kwa shabaha ya kuinua kiwango cha ufaulu.

Ameyasema hayo wakati akiongea na wananchi wa   Inyonga katika Mkutano wa hadhara ulilofanyika katika Viwanja vya shule ya Msingi Inyonga iliyopo Halmashauri ya Wilaya Mlele.

Aidha amewaelekeza viongozi wa Serikali za Vijiji kuendelea kutekeleza mkakati wa utoaji wa chakula  shuleni kwa kuwamasisha wazazi kuchangia kwa mujibu wa sera ya Elimu bila malipo.

Mhe.Mwangaameeleza kuwa  mtoto akipata chakula hata ujengefu wa mwili na akili unakuwa vizuri na anajifunza vizuri na kuwa na fikri nzuri tofauti na mtoto asiyepata chakula cha mchana akili inakosa uwezo wa kufikiri akiwa na njaa hivyo ni vyema watoto wetu wakala chakula mashuleni,haoni sababu ya watoto kutopata chakula wakati sisi ni wachapa kazi na wazalishaji wa zuri na vyakula tunavyo tofauti maeneo mengine hatuna njaa.

Ameeleza kuwa kila chakula wananchochangia ni sehemu ya chakula chao chao wanapokuwa nyumbani hivyo “niwahimize wazazi wote kuhakikisha watoto wanapata chakula shuleni”alisema  Mhe.Mwanga.

 Aidha amewapongeza Viongozi  ambao wamekuwa bega kwa bega katika kuelimisha jamii na wazazi kuhusu umuhimu wa utoaji wa chakula cha mchana Shuleni.

 “Napenda kupongeza Kata zote ambazo zinazotoa chakula cha mchana kwa wanafunzi Shuleni, utoaji wa chakula cha mchana Shuleni huleta usawa kati ya walionacho na wasionacho, huimarisha mahudhurio ya wanafunzi shuleni huongeza usikivu wa wanafunzi darasani na hutunza muda wa ratiba nzima ya shule” alisema MkuU wa wa Wilaya Mwanga

Kaimu Mkurugenzi wa Mtendaji wa Halmashauri ya Wilaya ya Mlele ambaye pia ni Mkuu wa Idara ya Mipango na Ufuatiliaji akiwaeleza wananchi jinsi halmashauri inavyotekeleza mipango ya kuwaletea maendeleo

Mapema akitoa  taarifa kuhusu utekelezaji wa miradi mbalimbali ya maendeleo kwa Mgeni rasmi, Kaimu Mkurugenzi wa Halmashauri ya Wilaya ya Mlele ambaye pia ni Mkuu wa Idara ya Mipango na Ufuatiliaji Alfred Sungura, ameelezaa kuwa  Halmashauri ya Wilaya Mlele  ndiyo inayosimaia utekelezaji wa ujenzi wa miundombinu ya Shule Zahanati na Vituo vya Afya kwenye Halmashauri.

Sungura amebainisha kuwa yapo maendeleo makubwa kwa kipindi cha miaka mitano, hiyo kwa upande wa Shule za Msingi kulikuwa na  Shule 13 mwaka 2019 lakini sasa zipo shule za Msingi 25,upande wa Shule za Sekondari zilikuwepo tatu kwa sasa zipo Shule kumi.

 Upande wa Zahanati kulikuwa na Zahanati sita kwa sasa zipo Zahanati kumi,na vituo vya Afya vinajengwa na Hospitali ya Wilaya ipo  hayo ni maendeleo makubwa.

Kuhusu suala la chakula mashuleni  Halmashauri iweka mikakati  ya kuhamasishaji jamii inachangia masuala ya elimu kwa kila shule, wakishirikiana na kamati za Shule kuhakikisha kuwa wanafunzi wanapata chakula cha mchana jambo ambalo litasababisha kuongezeka kwa ufaulu sanjari na kushuka kwa takwimu za utoro.

Mwenyekiti wa Halmashauri ya Mlele Mhe.Soud Mbogo akizungumza na wananchi wa Kata ya Inyonga Kwenye Mkutano wa Hadhara viwanja vya Shule ya Msingi Inyonga

Wananchi wa Kata ya Inyonga wakimsikiliza Mwenyekiti wa Halmasahauri ya Wilaya ya Mlele Mhe.Soud Mbogo wakati akiwahutubia na kuwaambia maendeleo yaliyofanyika  kwenye kata yake.