Mkuu wa ya Mlele Mhe Rechal Kasanda arejea ofisini kwakekuchapa kazi

Posted on: April 13th, 2021

DC AREJEA KAZINI BAADA YA MIEZI SABA KITANDANI.

Mkuu wa wilaya ya Mlele Mhe Rechal Kasanda arejea ofisini baada ya kulazwa miezi saba kitandani akipatiwa matibabu kufuatia   ajali  aliyoipata akiwa katika majukumu ya kazi Halmashauri ya Wilaya ya Mpimbwe oktoba 2020.

Akizungumza na watumishi katika ukumbi wa maktaba shule ya Sekondari Inyonga  Mhe MKuu wa Wilaya Rechal Kasanda  ameshukuru kwa jinsi walivyoweza kumwombea wakati yuko kwenye matibabu.

 Pia ameshukuru na kutoa  pongeza kwa jinsi walivyotoa wanatumishi na wananchi wote wa wilaya ya Mlele walivyotoa ushirikiano wa karibu katika kutekeleza miradi ya maendeleo wakati yeye hayupo kazini, kwa kuonesha  ushirikiano kwa viongozi waliokaimu nafasi yake.   Muda wote aliokuwa kwenye matibabu akaomba ushirikiano huo  uendelea katika uchapaji kazi.

Mbali ya kuzungumza na watumishi wa ofisi yake  pia alizungumza na watumishi wa Halmashauri pia kamati ya ulinzi na usalama,waheshimiwa madiwani wachache waliokuwepo  pamoja na watumishi kutoka taasisi nyingine zilizopo katika wilaya hiyo.

 Kabla ya kukutana na watumishi  alipata nafasi kutembelea baadhi ya miradi ya maendeleo kukagua na kujionea maendeleo ya miradi hiyo  ambayo ni sehemu ya utekeleza   wa   Ilani ya Chama cha Mapinduzi.

Mkuu huyo wa wilaya Mhe Kasanda alitembelea  Ukarabati mkubwa wa kiwanda cha Asali Inyonga, Umaliziaji wa jengo la upasuaji kituo cha Afya Inyonga “B,” Ujenzi wa jengo la utawala la Halmashauri ya Wilaya ya Mlele, na ujenzi wa Hospitali ya wilaya ya Mlele.

 Baada ya kutembelea miradi alikutana na watumishi kuzungumza nao na kuwapongeza watumishi wote kwa usimamizi na ushirikiano walioutoa, pia alitoa hongera kwa kupata Rais Mpya Mhe Samia Suluhu Hassani  tena mwanamke, akaomba waendelea kutoa ushirikiano  na kumwombea aweze kuongoza Taifa hili,kisha Mkuu huyo wa wilaya akaeleza kuwa amerudi ofisini rasmi kuchapa kazi ili Wilaya ya mlele iweze kusonga mbele kwa ushirikiano wa watumishi, waheshimiwa madiwani, na wananchi wote kwa ujumla wa wilaya ya Mlele.

Aidha amesisitiza kusimimamia miradi yote ya maendeleo  kwa ukaribu ili iweze kukamilika,pia amepongeza Halmashauri kwa kupata hati safi sanjali na kufanya vizuri katika suala la elimu hususani elimu ya Msingi kwa kuwa miongoni mwa halmashauri zilizofanya vizuri kitaifa na kuwa kati ya kumi bora.

Akiwasilisha taarifa ya utekelezaji wa miradi ya maendeleo katika kikao cha watumishi kutoka Idara mbalimbali za Halmashauri na Taasisi zilizopo Wilayani humo katika kikao cha  Mkuu wa Wilaya kilichofanyika ukumbi wa maktaba shule ya Sekondari Inyonga.

Moja ya mambo aliyosisitiza ni ushirikiano,uchapakazi,na uwajibikaji katika utendaji kazi wa kawaida watumishi wasingoje kusumwa katika kutimiza wajibu wao,kwa kuwa ndiyo kazi tulizoajiriwa nazo kila mmoja atomize wajibu wake.