MWENGE WA UHURU WARIDHISHWA NA MRADI WA UJENZI WA SHULE (SEQUIP)

Posted on: September 26th, 2022

Kiongozi wa mbio za Mwenge wa Uhuru  Kitaifa Bw. Sahili Geraruma ameridhishwa  ujenzi  Shule ya Sekondari Kamsisi kwa na ubora na viwango vinavyohitajika.

Kukamilika kwa ujenzi wa Shule ya Sekondari Kamsisi imeelezwa kuwa itakuwa mkombozi kwa wanafunzi wanaotembea umbali mrefu wa zaidi ya kilometa nane hadi kumi na tano kila siku kufuata masomo shule ya jirani ya Inyonga iliyoko Kata ya Inyonga

Kiongozi wa mbio za mwenge wa Uhuru Kitaifa mwaka 2022, Sahili Geraruma akizungumza muda mfupi baada ya kutembelea na kukagua ujenzi wa madarasa ya shule hiyo, ameeleza kufurahishwa na kuridhishwa usimamizi mzuri wa na kazi iliyofanyika ya ujenzi na usimamizi wa mradi huo.

Amesema mradi huo wa ujenzi wa Shule ya Sekondari Kamsisi iliyojengwa kwa Fedha za Mpango wa kuboresha elimu ya Sekondari SEQUIP ni moja ya Shule bora hapa nchini iliyojengwa na kusimamiwa kwa ubora unaotakiwa.

Hakika ujenzi huo umezingatia viwango vinavyohitajika kwa kuwa tangu nimeanza kukagua miradi ya SEQUIP karibu maeneo niliyopita sijaawahi kukutana na mradi mzuri na wenye ubora kama huu hongereni sana Halmashauri ya wilaya ya Mlele” amesema kiongozi wa mbio za mwenge kitaifa, Geraruma.

Katika halmashauri ambayo miradi imependeza ni pamoja na mradi huu wa, (Secondary Education Quality Improvement Program SEQUIP) ambapo fedha kiasi cha shilingi 565,113,000 kilitolewa na hadi sasa kiasi cha shilingi milioni 512,113,000 imetumika.

Katika hatua nyingine amewataka wataalam kutumia elimu zao walizosomea kwa ajili ya kuiletea maendeleo taifa na waweze kuweka alama hata kama wataondoka katika eneo la kazi,taaluma ziongee Katika utendaji kazi wao.

Mapema akisoma taarifa ya ujenzi wa shule hiyo Mkuu wa Shule ya Inyonga Sekondari Mwalimu Patrick Kapita ambaye ni ndiye Msimamizi wa ujenzi wa Shule hiyo alieleza kuwa ujenzi ulianza mwaka 2022 mwezi machi baada ya kupokea fedha kiasi cha shilingi milioni 565,113,000/=kutoka Mpango wa kuboresha elimu ya Sekondari (Secondary Education Quality Improvement Program( SEQUIP).ikiwa ni utekelezaji wa sera ya Serikali inayotaka kila Kata kuwa na shule ya Sekondari, na Kata ya Kamsisi ililikuwa Kata pekee katika Halmashauri ya Wilaya ya Mlele ambayo haikuwa na Shule ya Sekondari.

Mradi huo ulihusisha ujenzi wa jengo la utawala,vyumba vitatu vya maabara za masomo ya sayansi,vyumba vinane vya madarasa ,maktaba moja ,chumba kimoja cha TEHAMA na matundu 20 ya vyoo hadi kukamilika ujenzi utagharimu kiasi cha shilingi milioni 565,113,000 na hadi hatua hii iliyofikia kiasi cha shilingi milioni 512,113,000 imetukoa na ujenzi  uko katika hatua za ukamilishaji.

Kukamilika kwa Mradi huo kumeelezwa kutapunguza msongamano wa wanafunzi katika shule mama ya sekondari ya Inyonga unaotokana na ongezeko la ufaulu wa wanafunzi katika shule za msingi ikiwa ni utekelezaji wa waraka wa elimu na 5 wa mwaka 2015 wa Elimu bila malipo .

Leonard Kiyungi ni Mwakilishi wa wananchi Kata Kamsisi amemushukuru Mhe Samia Suluhu Hassan Rais wa Jamhuri ya Muungano anayeongoza Serikali ya awamu ya sita kwa kuwaletea fedha kwa ajili ya ujenzi wa shule hiyo na miradi mingine ya Maendeleo.

Akaongeza kuwa kukamilika kwa ujenzi wa shule hiyo kutasaidia kupunguza umbali wa wanafunzi wa Kata ya Kamsisi waliokuwa wakisafiri umbali mrefu wa zaidi ya kilometa 8 hadi 15 kila siku kuifikia shule  ya Sekondari ya Inyonga ambayo ni shule mama.

Faida nyingine Kiyungi ameitaja  kuwa ni kuwalinda wanafunzi dhidi ya vitendo vya ubakaji na kushambuliwa na wanyama wakali,pamoja  kutapunguza mdondoko wa wanafunzi uliokuwepo na hatimaye kuongeza ufaulu.

Imeandaliwa na Kibada Ernest Kaimu Mkuu wa Kitengo cha Mawasiliano Serikalini Halmashauri ya Wilaya ya Mlele