MWENGE WA UHURU WAWEKA JIWE LA MSINGI KITUO CHA AFYA ILUNDE

Posted on: September 26th, 2022

Kiongozi wa mbio za Mwenge wa uhuru kitaifa 2022  Sahili Nyanzabara akikagua moja ya majengo ya kituo cha Afya Ilunde  akiongozana na Mganga Mfawidhi wa Kituo Dkt Letisia Sebastin kushoto na kulia ni Mhandisi wa Halmashauri ya Wilaya ya Mlele Mhandisi Bura.

Zaidi ya Wananchi 23,000 wa Kata ya Ilunde Halmashauri ya Wilaya ya Mlele waepukana na adhaa ya kutembea umbali mrefu zaidi ya kilometa 60 kufuata huduma ya afya Kituo cha Afya Inyonga kilichoko Makao makuu ya Halmashauri umbali wa kilometa 60 baada ya kuwekewa jiwe la msingi kituo chao cha  Afya.

Hali hiyo imewafanya wananchi kuishukuru serikali ya awamu ya Sita inayoongozwa na Mhe Samia Suluhu Hassani kwa kuwakumbuka wananchi na kuwaletea fedha kiasi cha silingi milioni 792,100,000 kwa ajili ya ujenzi wa majengo katika kituo hicho. Ambacho kimewekewa mawe ya msingi na kiongozi wa mbio za mwenge wa uhuru kitaifa mwaka 2022, Sahili Geraruma hivyo kuwafanya wananchi hao kushukuru kwa kitendo hicho.

Wakizungumza kwa nyakati tofauti  wananchi hao   wameishukuru Serikali kwa kazi nzuri ya iliyofanyika ya kuwapelekea fedha  nyingi zaujenzi wa miundombinu ya afya.

 Martin Mgoloka ni mwakilishi wa wananchi katika Kata ya Ilunde ameishukuru serikali kwa niaba ya wananchi wake kwa jinsi walivyowaheshimisha wananchi hao, ambao walikuwa wakijiona kama vile wametengwa lakini sasa nao wanaonekana kuwa ni watanzania.

Moja ya jengo la kituo cha afya Ilunde halmashauri ya wilaya ya Mlele Mkoa wa Katavi  ambalo litasaidia kwenye utoaji wa huduma ya afya kwa wakazi wa eneo hilo.

Mgoloka anasema Fedha zilizoletwa kiasi cha milioni 792.1 zimesaidia kuboresha majengo ya kituo hicho cha afya kilichokuwa na majengo machache na huduma zilikuwa hazijaanza kutolewa sasa itakuwa ni mkombozi kwao maana huduma zitaanza kutolewa hapo..

Mapema Dkt Leticia Sebastin ni mganga Mfawidhi wa kituo cha Afya Ilunde akisoma taarifa ya maendeleo ya ujenzi wa majengo ya kituo kwa kiongozi wa mbio za Mwenge Kitaifa Sahili Geraruma amesema Mradi huo ni mwendelezo wa ukamilishaji wa majengo muhimu ya kituo cha afya kilichoanza mwaka wa fedha 2018/2019.

Dkt Leticia amesema kwa awamu hii mradi umehusisha ujenzi wa jengo la wagonjwa wa nje ,kichomea taka,shimo la kutupia kondo la nyuma jengo la kufulia ambayo yaliletewa kiasi cha shilingi milioni 250,000/=. Fedha kutoka serikali Kuu,

Majengo mengine ni Jengo la utawala,nyumba ya watumishi yenye uwezo wa kuwezesha watumishi watatu kuishi katika nyumba moja.majengo yaliyotumia kiasi cha shilingi milioni 90,000/= Fedha za UVIKO-19.

Ujenzi wa jengo la wagonjwa wa ndani,,Jengo la Baba ,Mama na Mtoto pamoja na Jengo la Mionzi lililochukua kiasi cha shilingi 400,000,000. Fedha kutoka serikali Kuu,

Fedha nyingine ni ujenzi wa matundu matatu ya vyoo,Jengo la mfumo wa maji na ujenzi wa tanki la maji yenye ujazo wa lita 30,000. Fedha za mradi wa RWSSP-WASH.

Kukamilika kwa kituo hicho ,kutaboresha huduma za Afya kwa wakazi wa kata ya Ilunde wapatao zaidi ya 23,000 wanaosafiri zaidi ya umbali wa kilometa 64 kufuata huduma za Afya makao Makuu ya Wilaya yaliyoko Inyonga,Wanufaika wakubwa wakiwa ni akina mama wajawazito na watoto chini ya umri wa miaka mitano.