Nyumba bora

Posted on: July 21st, 2021

Mlele yazidi kung’aa katika uboreshaji wa miundombinu ya makazi,ujenzi wa nyumba bora kwa makazi ya watumishi na wananchi kwa ujumla..

Naibu  waziri wa Nyumba na Maendeleo ya Makazi Dr Anjelina Mabula  alidhishwa na hatua ya maendeleo inayopigwa  katika  Halmashauri ya Wilaya ya Mlele kutokana na mabadiliko aliyoyaona kwa kipindi kifupi afurahishwa na kasi ya ujenzi wa makazi na uboreshaji wa miundombinu ampongeza Mh.Mbunge  wa Jimbo la Katavi Isack Kamwelwe  Kwa kuwaletea maendeleo wananchi wake.   

Amebainisha hayo katika ziara yake ya siku moja Mkoani Katavi aliyoifanya wilaya ya Mlele kuzindua nyumba 24 za Makazi zilizojengwa na Shirika la nyumba la Taifa ili kupunguza changamoto ya ukosefu wa makazi kwa watumishi wa umma.

Katika ziara hiyo  katika hotuba yake ameliagiza Shirika la nyumba la Taifa kutoaziuza nyumba 24 zilizojengwa katika Halmashauri ya Wilaya ya Mlele  badala yake  nyumba hizo zitumike kwa makazi ya watumishi wa umma  kwa kuwapangisha watumishi  hao  ili kupunguza changamoto ya uhaba wa makazi  kwa watumishi.

Dr Mabula ametoa maelekezo  hayo muda mufupi baada ya kuzindua nyumba hizo zilizojengwa  kwa ajili ya kuuzwa katika Halmashauri hiyo.

Katika Hatua nyingine ameziangiza Halmashauri kwa kushirikiana na Kamishina wa ardhi kuhakikisha mchakato wa kuwa na mipango mizuri ya miji hasa miji inayokuwa kama Inyonga lazima kuwe na master plan kwa ajili ya kupanga makazi mazuri kwa wakazi wake.

Pima upimaji huo uhusishe maeneo ya uwekezaji nay awe na hati miliki ili kuondoa migogoro isiyokuwa ya lazima.

Pia ameiagiza Halmashauri kuhakikisha maeneo yao yanapimwa na kutambuliwa nay awe na hati,hati iwepo hata mwekezaji anapokuja hauna wasiwasi hati iko mikononi.

Kuhusu maeneo  yenye uzalishaji mkubwa lakini wanauza mazao ghafi  ni vyemakuongezewa mnyororo wa thamani,pia amepongeza kwa juhudi kubwa ya kuboresha miundombinu katika Halmashauri ya Mlele  kwa kuboresha barabara zake za mitaa akaagiza nyumba zilizozinduliwa zisiuzwa badala yake wapangishwe watumishi na zitunzwe pia wapande miti ya matunda kuzunguuka nyumba hizo ili kuhifadhi mazingira na uote uliopo wa asili.

Mapema Meneja wa Shirika la Nyumba Mkoa wa Katavi  Patrick Mussa Kamendo katika Taaarifa yake kwa Naibu waziri ilieleza kuwa shirika hilo limewekeza kiasi cha shilingi bilioni tano katika Mkoa wa Katavi kwa kujenga nyumba tano eneo la Kakuni Kibaoni za makazi.

Wamefanikiwa kujenga jingo la kitenga uchumi katika Halmashauri ya Manispaa ya Mpanda lenye ghorofa tano kwa thamani ya shilingi bilioni 2.8 ujenzi wa nyumba 70 zenye thamani ya bilioni 2.6 eneo la Ilembo Manispaa ya Mpanda.

Pia shirika limefanikiwa kujenga nyumba za watumishi  na jingo la ofisi la wakala wa huduma za mistu TFS katika Wilaya ya Mlele kwa gharama ya shilingi milioni 200,pia wamepata  viwanja ambavyo wataviendeleza katika Halmashauri hiyo ya Mlele.

Amesema kuwa shirika la nyumba Mkoa wa Katavi limewekeza sana nyumba zimejengwa kwa kiwango kikubwa hali inayoonesha mafanikio makubwa na maendeleo makubwa katika Mkoa huo ambapo wamejenga nyumba katika Wilaya ya Mpanda na Mlele Mpanda na wako mbioni kujengwa nyumba za makazi katika wilaya ya Tanganyika.

Meneja huyo ameleza kuwa nyumba nyingine zimejengwa Halmashauri ya Mpimbwe eneo la Kakuni kilipo Chuo cha Kilimo cha Sokoine Campaus ya Mizengo Pinda.ambazo zinatumika kwa ajili ya makazi kuishi walimu wanaofundisha katika chuo hicho.

 Akizungumza katika uzinduzi huo   Mkuu wa Wilaya ya Mlele Mhe  Alberto Sanga alimweleza Naibu Waziri  wa Nyumba na Maendeleo ya Makazi Mhe Dr Mabula kuwa  Wilaya ya Mlele kwa sasa inafunguuka kwa  kuunganishwa  na mikoa mingine, ukizingatia kuwa ni Wilaya ya uzalishaji mkubwa wa mazao ya chakula na zipo fursa kibao za uwekezaji.

 Changamoto iliyokuwepo ilikuwa miundombinu ya barabara sasa  nayo inaendelea kupatiwa ufumbufu kwa kuendelea kujengwa barabara za kuunganisha wilaya hiyo na mikoa ya Tabora,kwa kiwango cha lami na changamoto iliyobakia ni uuzaji wa  mazao ambapo bado wananchi wanauza mazao  ghafi  badala ya kuuza mazao yaliyoongezewa thamani ,kwa mantiki hiyo  anakaribisha  wawekezaji  waje kuwekeza katika Wilaya ya hiyo ya  Mlele.

Changamoto kubwa inayoikabili halmashauri ya Mlele ni upungufu wa watumishi ambapo ni miongoni mwa mambo yanayosumbua sana pamoja na ukosefu wa makazi kwa watumishi lakini kuzinduliwa kwa nyumba hizo 24 za shirika la nyumba kutapunguza kwa kiasi kikubwa ukosefu huo wa makazi.

Kuhusu tatizo la Ardhi kwa ajili ya makazi hilo siyo tatizo tena katika Halmashauri ya Mlele.katika  hatua nyingine ameomba mazao yote yanayozalishwa katika wilaya hii yawe yanachakatwa hapa hapa na kusafirishwa yakiwa yameongezewa thamani hivyo aliomba kujengwa kiwanda katika wilaya hii kwa ajili ya kuchakata mazao na kuyaongezeea thamani ili waweze kusafirisha mazao yaliyochakatwa kuliko kusafirisha mazao ghafi.

 Hivyo ni vyema Shirikia likaongeza nguvu zaidi kuendelea kuboresha makazi kwa kujenga nyumba za gharama nafu ambazo zitasaidia kwa makazi ya wana mlele.

Kwa upande wake Mwenyekiti wa Halmashauri ya Wilaya ya Mlele Mhe Soud Mbogo alishukuru kwa njisi Shirika la nyumba linavyooesha moyo wa kuleta maendeleo katika Halmashauri yake.

Mbunge wa Jimbo la Katavi Halmashauri ya Wilaya ya Mlele  Mhe Isack Kamwelwe yeye ameeleza kuwa Jimbo la Katavi lina fursa za kila aina hivyo juhudi kubwa zinaendelea kufanyika kuhakikisha maendeleo makubwa yanafanyika katika jimbo hilo lililoko Halmashauriya Mlele,kwa kuwasongezea wananchi huduma muhimu kama maji,elimu Afya na kuboresha miundombinu ya barabara.

MWISHO