RC Katavi awahimiza wananchi kuhifadhi chakula .

Posted on: November 28th, 2022

Mkuu wa Mkoa wa Katavi Mhe.Mwanamvua  Hoza  Mrindoko akiongea na wajumbe wa kikao cha bodi ya barabara  Mkoa wa Katavi kilichofanyika kwenye ukumbi wa mikutano Manispaa ya Mpanda wajumbe   hawapo pichani. 

Na Kibada Ernest- Katavi

Novemba 27’2022

 Mkuu wa Mkoa wa Katavi Mhe.Mwanamvua Mrindoko amewataka Wananchi Mkoani humo kutunza akiba ya chakula na  kuchukua tahadhari dhidi ya Ukame kwa kulima mazao yanayostahimili ukame ili kukabiliana hali ya hewa ambayo inaonekana kutokuwa na mvua nyingi..

Mhe..Mrindoko ametoa kauli hiyo katika kikao cha Bodi ya barabara kilichoketi 23 Novemba 2022 kujadili utekelezaji wa Taarifa mbalimbali za shughuli katika Sekta ya Barabara.

Ameeleza kuwa kutokana na Mkoa wa Katavi kuwa miongoni mwa Mikoa Nchini iliyotabiriwa Mvua chini ya wastani ni muhimu kwa Wananchi Mkoani humo kuchukua tahadhari kwa kutunza akiba ya chakula sambamba na kupanda mbegu zinazokua ndani ya muda mfupi.

Aidha amehimiza  Wananchi kuzingatia utaratibu wa kujisajili kupata namba maalumu ya utambulisho ili iwe rahisi Wananchi hao kupata mbolea ya ruzuku hatua itakayosaidia Wananchi hao kulima kilimo cheye tija  cha kisasa cha kutumia mbolea.

Mwisho