UCHAGUZI WA VIONGOZI WA USHIRIKA WA CHAMA CHA MSINGI AMCOS YA UKONONGO

Posted on: December 31st, 2020

UCHAGUZI WA VIONGOZI WA  USHIRIKA WA CHAMA CHA MSINGI AMCOS YA UKONONGO WILAYA YA MLELE WAPATA  VIONGOZI WAPYA.  

Chama cha Msingi cha Ushirika wakulima wa Tumbaku AMCOS Ukonongo Inyonga Halmashauri ya wilaya ya Mlele Mkoa wa Katavi  kimefanya uchaguzi kuchagua Viongozi watakaoongoza katika nafasi mbalimbali za Mwenyekiti,Makamu Mwenyekiti, wajumbe wa Bodi na Mwakilishi wa wakulima katika bodi hiyo.Mkutano huo wa uchaguzi ulifanyika kwenye ukumbi wa Ukonongo   ulioko Mjini Inyonga.

Kabla ya uchaguzi huo, Chama hicho cha  msingi cha Ushirika  wa Ukonongo ulikuwa ukiongozwa na bodi iliyokaa madarakani kwa kipindi Cha miaka mitatu tangu mwaka 2017  kufuatia  Uongozi uliokuwepo kuondolewa Madarakani  kutokana na tuhuma mbalimbali zilikuwa zikiwakabili, ikiwemo za ubadhirifu wa fedha, hali iliyopelekea Aliyekuwa Naibu wa Waziri wa Kilimo na Ushirika  William Ole Nashati kuivunja bodi hiyo na kuweka Uongozi wa muda ambao ndio uliongoza hadi walipofanya uchanguzi na kuwapata viongozi wapya.

Uchaguzi huo ulioendeshwa kwa uhuru na haki  ulisimamiwa na Afisa Ushirika wa Halmashauri ya Wilaya ya Mlele Joseph Sanga pia  Mwakilishi  kutoka ofisi na  Mrajis wa vyama vya Ushirika Mkoa  wa Katavi alikuwepo kuangalia mwenendo mzima wa uchaguzi huo pamoja na vyombo vya ulinzi na usalama.

Mgeni rasmi a aliwashukuru kwa kufanya  uchaguzi huo kwa amani na   kuwataka wote waliochaguliwa kufanya kazi kwa bidii ili kuwatumikia wanachama kwa kusikiliza shida zao muda wote  na kuwapa musaada unapokuwa unahitajika.

Waliochaguliwa katika nafasi  hizo mwenyekiti  Emanuel Peter Msumeno aliyepata kura 441 kati ya kura  na  546 zilizopigwa na kumshinda mpinzani wake Joseph Charles aliyepata kura 108.

 Nafasi ya Makmu Mwenyekiti ilikwenda kwa Filbert Mathias Kayewa  alieyepata kura 176 na kuwashinda wapinzani wake  Aniceth Petro Katala aliyepata kura 130 na Joseph Fataki aliyepata kura74.

Pia katika uchaguzi huo walichaguliwa wajumbe watano wa bodi ambao ni  Emanuel Peter Msumeno,Filbert Kayewa,Anicertb Kantala, Joseph Charles Mtafya, naJoseph Benard Fataki.pamoja na mwakilishi mmoja ambaye ni Rosemary Kapezi mwanamama pekee katika bodi hiyo.

Luke kifyasi ni Afisa Kilimo amewataka wanachama kujikita katika kulima mazao yatakayowalete tija ufuta,korosho alizeti na pamba pamoja na mazao ya chakula kamampunga

 Akizungmza mara baada ya kuchaguliwa Mwenyekiti huyo mpya Emanuel Peter Msumeno amesema wakulima wanakabiliwa na changamoto  nyingi na sasa analojukumu kubwa kuwaunganisha na kuzipatia ufumbuzi kwa kushirikiana na hatamuonea mtu,lakini hauyoko tayari kuyumbishwa ila atashirikiana na wakulimakuzipatia ufumbuzi changamoto hizo.

Naye Mwenyekiti aliyemaliza muda wake Godfrey Malilo akiongea kwa niaba ya bodi iliyomaliza muda wake aliwashukuru kwa ushirikiano waliowapa akiwataka pale walipokoseana wasameheane na yale mazuri waliyoyafanya wayaendeleze akahidi kuwapa ushirikiano uongozi mpya ulioingia madrakani

Chama cha msingi cha Ukonongo kina jumla ya wanachama 1005 kinaundwa na wakulima kutoka vijiji vya  Mgombe,Utende,Uzega,Kanoge, Wachawaseme,Mtakuja,Igalula,Nsenkwa,Kaulolo,Masigo,Ipwaga,Mapili,Kamsisi,Kamalampaka,Inyonga,na vitongoji vyake.

Mwisho.