UJENZI WA JENGO LA SEKONDARI KAMSISI

Posted on: May 13th, 2021

.Wajumbe wa Jumuiya ya Tawala za mikoa wa Serikali za Mitaa watembelea Ujenzi wa Shule ya Sekondari Kamsisi ’kujionea maendeleo ya utekelezaji wa mradi huo,pichani ni baadhi ya wajumbe kama wanavyoonekana

HALMASHAURI YAPONGEZWA KUKAMILISHA UJENZI WA SHULE ZA SEKONDARI KILA KATA.

Halmashauri ya Wilaya ya Mlele yakamilisha utekelezaji wa maagizo ya Serikali kwa kujenga Shule za Sekondari kila Kata hali inayofanya kila Kata kuwa na sekondari yake, hivyo kupunguza mrundikano wa wanafunzi kwa baadhi ya Shule kama Shule ya Sekondari Inyonga na Shule ya  Sekondari Ilela zilizokuwa na wananfunzi msongamano wa wanafunzi wengi.

Akitoa Taarifa ya Maendeleo ya utekelezaji wa miradi hiyo mbele ya wajumbe wa jumuiya ya  Tawala za Mikoa wa Serikali za Mitaa  Tawi la MKoa wa Katavi ALAT  waliofanya ziara kutembelea na kukagua miradi ya maendeleo katika Halmashauri ya Wilaya ya Mlele, Mkurugenzi Mtendaji wa Halmashauri hiyo Mwl Alexius Revocatus  Kagunze amebainisha Juhudi zinazofanywa na Halmashauri kuwaletea Maendeleo wananchi kwa kushirikiana na Mbunge wa Jimbo la Katavi Mhe, Isack Kamwelwe,kuunga mkoano juhudi za  wananchi na Wadau wa Maenedeleo kwa ujumla.

Nao wajumbe wa ALAT tawi la Mkoa wa Katavi wameipongeza   Halmashauri ya Wilaya ya Mlele kwa juhudi hizo na  kuwa na miradi     bora  inayolenga kuwapatia wananchi huduma, miradi  hiyo ni miradi ya  Afya,Elimu Msingi,Elimu Sekondari na Ujenzi wa Jengo la  Utawala la Halmashauri.

Walitoa  Pongezi hizo  baada ya kujionea miradi inayotekelezwa ambapo pongezi hizo zimetolewa na Wajumbe  kupitia kwa Mwenyekiti wa   ALAT wa  Tawi la Mkoa  Katavi ,Mstahiki Meya  wa Manispaa ya Mpanda Mhe, Haidary Sumry.

  “Nawapongeza wananchi kwa kujitolea nguvu zao,Mhe  Mbunge wa Jimbo la Katavi Isack Kamwelwe kwa kujitoa kusukuma maendeleo kwenye Jimbo lake,,watalaam wakiongozwa na  Mkurugenzi Mtendaji kusimamia miradi na kuwa na mradi inayolenga moja kwa moja  Wananchi, na wao kuonesha moyo wa kujitolea nguvu zao katika kutekeleza miradi hiyo bila kusukumwa na kuwa   moyo wa  kupenda maendeleo” Alisema Mhe Sumry..

Halmashauri nyingine zjifunze kuwa na miradi  yenye tija kwa jamii.  kama wenzetu wa halmashauri ya Wilaÿa ya Mlele   walivyofanya  si vibaya kujifunza wao wanawezaje.” 

Wajumbe wametembelea Mradi wa  Ujenzi wa Shule ya Sekondari katika Kijiji cha Kamsisi  umbao unatekelezwa kwa awamu mbili  ambapo katika awamu ya kwanza ni kujenga vyumba vinne vya madarasa ,matundu sita ya vyoo na vyumba vitatu vya maabara za masomo ya sayansi.

 Katika awamu ya pili  nguvu imelekezwa  kuongeza vyumba vinne vya madarasa , matundu sita ya vyoo na jengo la utawala katika shule hiyo.

Hadi kukamilika utekelezaji wa mradi kwa awamu ya kwanza umegharimu kiasi cha shilingi 176.6 milioni ambazo zinatokana na vyanzo vya fedha ambazo ni  jitihada za Jamii shilingi 35.3 milioni na Serikali Kuu pamoja  na wadau wa maendeleo wamechangia kiasi cha zaidi ya shilingi 141.2 milioni

Mbali na jitihada za Jamii mpaka sasa mradi umepokea jumla ya shilingi 87.4 ambapo kiasi cha shilingi 27.4 ni fedha  za kuchochea  maendeleo ya mfuko wa jimbo na kiasi cha shilingi milioni 60 kutoka serikali kuu ni kwa ajili ya umaliziaji wa vyumba vitatu vya maabara vinavyojengwa  na vinatarajiwa kukamilika ifika Juni 2021.

Hadi sasa gharama za utekelezaji wa mradi huu zimefikia kiasi cha shilingi milioni 31.8 ambazo zimetumika katika ujenzi wa boma la vyumba vine 4 vya madarasa,ujenzi wa vyumba vitatu vya maabara unaoendelea,ununuzi wa vifaa vya upauaji,mbao misumarli pamoja na bando bati 20.

Kukamilika kwa mradi huo kutasaidia kuwaondolea adhaa  kwa Wakazi wa kijiji cha Kamsisi hüsusani wanafunzi wanaotembea umbali mrefu kufuata  huduma ya eliimu Shule ya Sekondari Inyonga iliyoko umbali wa zaidi ya  kilometa 15.

Mradi huo wa Shule ukamilishaji wake itakuwa ni faraja kwa  wanafunzi wanaosoma Shule za jirani watakuwa wanasoma jirani watanufaika na mradi huo na kuëpuka adhaa ya kutembea umbali mrefu kufuata shule.

  Halmashauri ya Wilaya ya Mlele imeshirikiana bega kwa bega na wananchi wa Kamsisi kuhakikisha  wanajenga vyumba  vinne vya madarasa katika Shule ya sekondari Kamsisi

 Wajumbe wa   ALAT tawi la Mköa wa Katavi waliendelea na ukaguzi wa miradi,  na Ujenzi wa Shule ya Msingi Igombe  iliyoko  Kata ya inyonga,  katika  taarifa ya ujenzi huo ilieleza kuwa  Halmashauri ilipokea fedha kiasi cha shilingi milioni 40 kutoka mradi wa kulipa kulingana na matokeo (EP4R) kwa ajili ya ujenzi wa vyumba viwili vya madarasa katika shule ya Igombe ambapo kwa kipindi cha mwezi machi Halmashauri pia ilipokea kiasi cha shilingi 22.5 milioni  kwa  ajili ya ukamilishaji wa maboma kwa vyumba viwili ambavyo vimekamilika kwa nguvu za wananchi.

MWISHO.