Viongozi wa madhehebu mbalimbali nchini tanzania na viongozi wa siasa kuhamasisha jamii kuhusu zoezi la kitaifa la upimaji wa saratani wa shingo ya kizazi kwa watoto -Rachel Kasanda

Posted on: April 20th, 2018

Mkuu wa Wilaya ya Mlele Rachel Steven kasanda amewataka viongozi wa madhehebu mbalimbali nchini tanzania na viongozi wa siasa kuhamasisha jamii kuhusu zoezi la kitaifa la upimaji wa saratani wa shingo ya kizazi kwa watoto (HPV).

Mkuu wa Wilaya ambaye pia alikuwa mgeni rasmi ameyasema hayo wakati wa ufunguzi wa chanjo ya kuzuia saratani ya shingo ya uzazi iliyofanyika katika ukumbi mdogo wa haspitali tarajiwa ya wilaya ya mlele ambapo pamoja na ufunguzi huo mada mbali mbali ziliwasilishwa….

Mratibu wa zoezi la utoaji wa huduma ya chanjo ya saratani ya kizazi hospitalini hapo Halid Lushats ameongeza kuwa zoezi hilo kitaifa limeanza rasmi tarehe 23 mwezi april na katika halmashauri ya wilaya ya mlele kwa siku ya tarehe 24 jumla ya wateja 237 walipima sawa na asilimia 23.9.

Wajumbe waliohudhuria kikao hicho kwa pamoja wakaunga mkono jitihada za serikali na kuahidi hutoa taarifa katika jamii juu ya ubora wa hudumu na madhara atakayoweza kupata mwananchi pale atakapogundulika na ugonjwa huo pasi na kupata majibu ya maswali yaliyohitaji ufafanuzi…

Lucy Kafumu ni mganga mkuu wa hospitali tarajiwa ya wilaya ya mlele amesema kuwa ‘’serikali imejitahidi kuboresha uendeshaji wa vituo vya afya kwa kushirikiana na wizara husika ili kuhakikisha kila mwananchi anapata huduma ya afya iliyo bora, hivyo uchangiaji wa shilingi elfu thelathini kwa ajili kila kaya kupata kadi ya chf itapelekea upatikanaji wa madawa kuwa rahisi sambamba na kipindi cha nyuma’’. Hayo ni maswali yaliyoulizwa na wajumbe kuhusu ongezeko la uchangiaji wa huduma za chf kutoka shilingi elfu kumi hadi shilingi elfu thelahini kwa mwaka.

Mfamasia wa hospitali  ndugu Maiga akatoa taarifa ya kitengo cha dawa ambapo alisema kuwa hali ya upatikanaji wa dawa imeongezeka kutoa asilia 58 hadi asilimia 92 ya dawa za viashiria na zinapatika katika vituo vyote vya afya.

Kwa upande mwingine mkuu wa Wilaya ya Mlele amewataka viongozi wa hospitali kufanya usafi wa mazingira katika maeneo yote yanayozunguzka hospitali tarajiwa ikiwa ni pamoja na kupunguza magonjwa yasiyo ya lazima.