wajasiliamali

Posted on: July 1st, 2021

Banda la wajasiliamali wauzaji wa bidhaa mbalmbali  kama linavyoonekana pichani katika maonesho ya bidhaa za wajasiliamali  Viwanja vya Shule ya Msingi Inyonga Mjini Inyonga Halmashauri ya Wilaya ya Mlele.

MAONESHO YA WAJASILIAMALI YAFANA HALMASHAURI YA WILAYA YA MLELE.

Maonesho ya pili ya kwa Mkoa wa Katavi kwa  wajasiliamali ya bidhaa za ndani yaliyofanyika kwenye viwanja vya Shule ya Msingi Inyonga Halmashauri ya  Wilaya  ya Mlele yalikuwa ya aina yake nap engine ya kipekee kutokana na ubora wa bidhaa na maandalizi yaliyokuwepo.

 Pamoja na changamoto za hapa na pale na ugeni wa uaandaji wa maonesho hayo ambapo ilikuwa ni mara ya kwanza kwa Halmashauri ya Wilaya ya Mlele kufanya tukio kubwa kama hilo lililoratibiwa na Idara ya Maendeleo ya Jamii kwa kushirikiana na Kitengo cha Habari Teknolojia Uhusiano na Itifaki yalionekana kuwa ya kipekee kwa jinsi hali ilivyokuwa.

Maonesho hayo yalipangwa kuzinduliwa na Mkuu wa Wilaya ya Mlele Mhe.Filberto Hassan Sanga lakini kutokana na mwingiliano wa Majukumu mengine ya kitaifa hakupata nafasi ya kuweza kufungua maonesho hayo.

Licha ya   kutofanikiwa kuyafungua kama mgeni rasmi  Mhe. Mkuu wa Wilaya  lakini kazi iiliendelea tena kwa nguvu moja,maonesho yaliendelea kama kawaida huku wajasiliamali,wakionesha bidhaa zao za vyakula ,kazi za mikono na bidhaa nyingine muhimu zilizotokanana mazao ya kilimo yanayolimwa katika Halmashauri ya wilaya ya Mlele na Halmashauri nyingine za Mkoa wa Katavi.

Baadhi ya Bidhaa zilizooneshwa ni pamoja na karanga,siagi,mbegu za maboga,mboga za majani ya maboga,maarufu kwa jina la nsasa,maharage,mpunga ,mchele,unga wa mhongo,pamoja na bidhaa mbalimbali za jamii ya kunde na mihongo.

Mbali ya bidhaa za mazao ya chakula na biashara pia bidhaa za mazao ya mistu kama asali na ntaa zilipamba maonesho hayo bila kusahau mazao ya mistu kama mbao na dawa za asili zilizotokana na mimea.

Katika maonesho hayo Taasisi za Serikali na zisizo za kiserikali, makampuni binafsi walipata nafasi ya kushiriki na kuonesha bidhaa zao na  huduma inayotolewa kwenye taasisi zao.

Taasisi zilizoshiriki au Makampuni ni pamoja na  Taasisi ya Kifedha Benki ya NMB iliyoonesha namna wanavyotoa huduma za kifedha  kwa wateja wao. Wizara ya Elimu Sayansi na Teknolojia  Chuo cha Maendeleo ya wananchi Msaginja kutoka Halmashauri ya Nsimbo walionesha na kueleza namna wanavyotoa elimu inayomsaidia mjasiliamali kwa kujianzishia biarashara na jinsi ya kupta mafasi ya kielimu katika chuo hicho.

,Kampuni ya Gesi asilia Taifa Gesi, Kampuni ya umeme wa Sola ya Mobisol,PSI ambao walikuwa na kipeperushi chenye kaulimbiu isemayo “Kuwa nanasi simama imara.Vaa taji.Kuwa mfano.

Wengine ni Taasisi ya utoaji wa msaada wa kisheria Paraligo, Wizara ya Elimu Sayansi na Teknolojia  Chuo cha Maendeleo ya wananchi Msaginja kutoka Halmashauri ya Nsimbo pamoja  na Halmashauri ya Wilaya ya Mpimbwe wakiwa na mjasiliamali aliyeonesha dawa za asili za kutibu.

Baadhi ya washiriki walifurahishwa na maonesho hayo wakashauri yawe yanafanyika mara kwa mara kwa kuwa yanasaidia kuwajengea uzoefu na kupanua wigo wa upatikanaji wa soko la bidhaa zinazozalishwa kwa kuwa na mnyororo wa mawasiliano.

Halmashauri ya Wilaya ya Mlele ni moja ya Halmashauri katika Mkoa wa Katavi ambayo inarasilmalina fursa adhimu ambayo kama ikitumiwa vyema inaweza kuleta mabadiliko chanja katika jamii.

Baadhi ya rasilimali hizo ni pamoja na ardhi yenye rutuba,mistu ya miombo ambayo ni tegemeo katika ufugaji wa nyuki inayosaidia kupatikana kwa asali na nta,utalii wa asili,utalii wa kiutamaduni kilimo cha mpunga,mahindi,karanga,maharage na ufugaji wa mifugo ya kila aina.

MWISHO.