WANANCHI WAPONGEZWA KUJITOLEA MIRADI YA MAENDELEO

Posted on: December 2nd, 2022

Mkuu wa Mkoa wa Katavi Mhe. Mwanamvua Hoza Mrindoko akisalimiana na uongozi waHalmashauri ya Wilaya ya Mlele alipofika kufanya ziara ya kutembelea na kukagua  miradi ya maendeleo kwa kuanza na ujenzi wa vyumba vya madarasa shule ya sekondari Kilinda kama inavyonekana 

Na Kibada Ernest Kibada- Mlele Katavi

TAREHE 2/12/2022

WANANCHI WAPONGEZWA KWA KUJITOLEA NGUVU ZAO KATIKA MIRADI YA MAENDELEO MLELE.

Mkuu wa Mkoa wa Katavi Mwanamvua Hoza Mrindoko amepongeza juhudi za wananchi kujitolea nguvu zao katika kutekeleza miradi ya Maendeleo inayotekelezwa katika maeneo yao hususani miradi ya sekta ya elimu hususani ujenzi wavyumba vya  madarasa.

 Mkuu wa Mkoa wa Katavi Mhe. Mwanamvua Hoza Mrindoko akikagua ujenzi wa shule ya sekondari Kamsisi  moja ya madarasa yaliyojengwa kwa gharama ya shilingi milioni 400 kama inavyoonekana.

Pia amewapongeza watalaam wanaosimamia  miradi ambao ni  walimu na wahandisi wa ujenzi kwa kufanya kazi nzuri ya kusimamiakuhakikisha kazi inakwenda kwwa ubora na thamani yafedha kuonekana.

 Ametoa pongenzi hizo baada ya kutembelea ujenzi wa chumba kimoja cha darasa shule ya Sekondari Kilinda na ujenzi wa Shule mpya ya Sekondari  Kamsisi baada ya kujionea maendeleo makubwa miradi  katika miradi hiyo hali iliyomfurahisha Mkuu huyo wa Mkoa.

Katika hatua nyingine ameshauri watengenezaji wa vifa vya ujenzi kuwa makini kutokana na baadhi ya vifaa kutokuwa na ubora hali inayofanya mradi kuonekana haukoa vizuri hali watalaamu wamejitahidi kadri ya uwezo wao.ni vyema hao watengenezaji wa vifaa vya ujenzi vikawa na ubora mfano marumaru nyingine unakuta vipimo vinapishana hali inayowapa wakati mugumu wataalamu wetu namna ya kuweka vizuri marumaru hizo ingawa kiufundi haiathiri lakini ni vyema wakatengeneza kwa ubora.

Mkuu wa Shule ya Kilinda Philimoni Maombo Sekondari akisoma taarifa ya utekelezaji  wa ujenzi wa chumba kimoja cha darasa mbele ya Mkuu wa Mkoa wa Katavi Mhe. Mwanamvua Hoza Mrindoko huku akifuatana na viongozi wengine wa ngazi ya wilaya Kata na Kijiji kama inavyonekana hapo juu.

Mapema Mkuu wa Wilaya Mlele Filberto Sanga alimweleza Mkuu wa Mkoa wa kuwa wananchi wamekuwa wajitolea nguvu zao kujenga vyumba vya madarasa ili kuhakikisha wanakamilisha hatua ya maboma na serikali ni jukumu letu kukamilisha pale walipoishi wananchi.

Mkuu wa Mkoa wa Katavi Mhe. Mwanamvua Hoza Mrindoko akikagua ujenzi wa shule ya sekondari Kilinda  chumba kimoja cha darasa moja ya madarasa yaliyojengwa kwa gharama ya shilingi milioni 20 kama inavyoonekana.

Amesema juhudi kubwa inafanywa na mbunge kwa kuchangia katika ujenzi huu maeneo mengi katika jimbo hilo nguvu yake imehusika kusimama kwa maboma hayo amesaidia tofali mabati kwa ujumla tunamshukuru sana Mheshimiwa Kamwelwe Mbunge wa Jimbo la Katavi

Mkuu wa Shule ya Inyonga Mwalimu  Patrick Kapita  akiwa katikati aliyeshika taarifa ambaye ni Msimamizi wa Shule ya  Sekondari Kamsisi  akisoma taarifa ya utekelezaji  wa ujenzi wa chumba kimoja cha darasa mbele ya Mkuu wa Mkoa wa Katavi Mhe. Mwanamvua Hoza Mrindoko huku akifuatana na viongozi wengine wa ngazi ya wilaya Kata na Kijiji kama inavyonekana hapo juu.

Wakisoma Taarifa za utekelezawa Miradi kwa nyakati tofauti Mkuu wa Shule ya Kilinda Mwalimu Philimon Mahombwe alieleza kuwa ujenzi wa chumba kimoja cha darasa kimegharimu kiasi cha shilingi milioni 20 ambao wakao katika hatua ya ukamilishaji na kuweka meza na viti na hadi kufikia Disemba saba watakuwa wamekamilisha kila kitu tayari kwa watoto  wanaotarajia kuanza kidato cha kwanza kuanza shule mwaka 2023 mwezi Januari.

Naye Mkuu wa Shule ya Sekondari Inyonga ambaye ni msimamizi wa Shule mpya ya Sekondari Kamsisi alieleza kuwa ujenzi wa shule hiyo ambao uko karibia asilimia 90 umegharimu kiasi cha shilingi milioni 400 na wako hatua za ukamilishaji kwa kujenga vyumba vya madarasa,jengo la utawala,vyumba vya maabara matundu ya vyoo yapatayo 20 na kazi za ukamilishaji zinaendelea na shule iko katika hatua za mwisho za usajili ili iweze kuanza mwakani januari 2023 kwa kupokea wanafunzi wa kidato cha kwanza.

Mwisho.