WAZIRI WA TAMISEMI SULEIMANI JAFFO ATEMBELEA MIRADI YA MAENDELEO MLELE

Posted on: November 29th, 2018

Na. Joseph PM-Kitengo cha Habari Mlele DC

Waziri wa Tamisemi Mheshiwa Suleiman Jaffo ametembelea miradi ya maendeleo katika Halmshauri ya wilaya ya Mlele mapema  leo mchana, katika ziara hiyo mheshimiwa  Suleimani Jafo amesema kuwa amekuja kuwasilimia watumishi na kuleta salamu za mheshimiwa Rais  wa jamhuri ya muungano wa Tanzania Mhe John Joseph Pombe Magufuli ambaye  anafanya kazi usiku na Mchana kuhakisha wananchi wanapata Huduma Bora.

Alianza kwa kuwashuru watumishi kujitokeza kwa wingi, Mheshiwa Suleiman Jaffo amewapongeza viongozi wa Halmashauri ya Wilaya ya Mlele kwa uamuzi wao wa kuamua kuachana na mpango wa kuendeleza ujenzi katika zahanati ya Inyonga kwa lengo la kuifanya kuwa hospitali ya Wilaya na badala yake kuamua kwenda kujenga hospitali hiyo katika eneo la mkabala na Kambi ya Wachina barabara ya Tabora Mpanda.

Hata hivyo baada ya kupokea maelezo mazuri kutoka kwa mkuu wa Mkoa Bwana Amosi Makala kuwa zahanati ya Inyonga inatoa huduma kama hospitali ya Wilaya na kwamba wataalamu wanajitahidi kutoa huduma hizo, na kwamba miundombinu ya zahanati hiyo inakidhi kuwa Kituo cha Afya na kwamba kama  Mheshimiwa Jaffo akipendezwa aitunuku zahanati hiyo  hadhi ya kuwa kituo cha Afya.

 Mheshimiwa Waziri amekubali ombi hilo na kumuagiza mganga mkuu wa Mkoa kufanyia kazi jambo hilo na kwamba ikiwezekana zahanati hiyo iwe kituo cha Afya mara moja.

Katika kuonyesha kuguswa na swala hilo mheshimiwa Jafo alitoa agizo kwa Mhandisi wa Ujenzi kubadilisha plani ya Jengo la Exray lilokuwa lijengwe kwa Jumla ya Tsh Bil 1 na kuanza kuezekwa badala kuendelezwa kama Gorofa. Amesitiza kwamba atatafuta fedha kuhakikisha jengo hilo linajengwa kwa force account na linakamilika mapema.

Katika hotuba yake, Mheshimiwa Jafo alieleza kwamba kuna malalamiko kadhaa ambayo ameyapokea kutoka kwa watu mbali mbalimbali ofisini kwake na wakati anafika Mlele ambayo asingependa aondoke bila kuyasemea, aliongelea kuhuhusu ujenzi wa shule ya KUSA ambayo inadaiwa kuwa chini ya kiwango pamoja na malalamiko ya Shule ya sekondari Inyonga kuwa miradi yake haikuhusisha bodi ya shule.

Jambo jingine ni kuhusu mauzo ya Magari 4 ya Halmshauri kwamba mchakato wake umesababisha malalamiko kutoka kwa viongozi wa CCM na hivyo kuagiza kuwa tume iundwe ili kujiridhisha na malalamiko hayo kudhibitisha kuwa taratibu zilifuatwa ama hazikufuatwa.

Jambo jingine nikuhusu unyanyanyasaji wa kingono kwa watumishi wa Halmashauri ambapo amedai kupokea malalamiko hayo ambayo kimsingi hakuweza kuyatolea uamuzi pasipo kufanyia uchunguzi wa kina ili kuepuka kufanyia kazi majungu ya watu.

Alimuelekeza mkuu wa Mkoa kufanyia uchunguzi malalamiko hayo mara tu taarifa ya RAS itakapomfikia na kwamba yale ambayo ataweza kuyatatua ayatatue na yale atakayoshindwa ayapeleke ofisini kwake ili Mheshimiwa Waziri aweze kuyatatua.

Kuhusiana na ujenzi wa jengo la utawala Mheshimiwa Waziri Jafo alisikitika kuona kuwa mradi huo haunamuelekeo na kwamba umetumia fedha kiasi cha shilingi 516 Milioni na bado uko ngazi ya Msingi. Baada ya kujirishisha alimuagiza mkuu wa mkoa kuchukua hatua mara moja kumsimamisha mkandarasi huyo mara moja, na kuajiri mkandarasi mwingine.

Alisema kwamba Mkandarasi huyo (TBA) mbali na kuwa anajenga majengo mazuri katika mikoa ya DSM na DODOMA lakini amekuwa hafanyi vizuri katika ujenzi wa majengoya Mikoani kama Songwe , Katavi na kwingineko, na kwamba fedha nyingi zinapelekwa makao makuu huku kiasi kidogo kikirudishwa kwenye miradi. Jambo ambalo linadumiza maendeleo na Taaluma za wakandarasi haswa vijana wanaopewa kusimamia miradi hiyo.