Kitengo cha nyuki

Kitengo cha Nyuki ni moja kati ya Vitengo 6 katika Halmashauri ya Wilaya ya Mlele. Kitengo hiki kinajukumu la Usimamizi, Uratibu na Ufuatiliaji wa mazao ya Nyuki ndani ya Halmashauri. Kitengo cha Nyuki kinatekeleza majukumu yake kwa kuzingatia Sheria,Kanuni na Miongozo mbalimbali inayotolewa na Ofisi ya Raisi TAMISEMI,Wizara ya Maliasili na Utalii,pamoja na Wadau mbalimbali wa Maendeleo.

Majukumu ya Kitengo cha Nyuki

• Kutoa elimu na ushauri kwa Wafuga Nyuki ndani ya Halmashauri juu ya namna bora ya Ufugaji wa Nyuki,na Uvunaji mazao yake kwa Njia za kitaalamu.
• Kukusanya na kuandaa Takwimu za Mazao ya Nyuki na Wafugaji wa Nyuki ndani ya Halmashauri
• Kutoa vibali vya Ufugaji na Ukusanyaji wa ushuru wa Usafirishaji wa Mazao ya Nyuki ndani ya Halmashauri
• Kuhamasisha Jamii juu ya Utunzaji wa Mazingira kupitia shughuli za Ufugaji Nyuki.
• Kuondoa nyuki wanaodhuru katika makazi ya Watu ndani ya Halmashauri.
• Kusimamia kiwanda cha kuchakata na kufungasha mazao ya nyuki.

TAKWIMU ZA UZALISHAJI WA MAZAO YA NYUKI KWA MWAKA WA FEDHA 2013-2021

 WAJIBU WA MFUGA NYUKI

Wajibu wa mfuga nyuki ni:

Kutumia mizinga ya kisasa katika ufugaji nyuki

Kurina asali kwa kutumia njia za kisasa badala ya kutumia moshi au moto

Kuhifadhi mazingira kwa kutochoma moto au misitu

Kujiunga katika vikundi vya uhifadhi ya mazingira

Kujiunga na vyama vya kuweka na kukopa vya wafugaji wa nyuki

Kutumia dawa isiyoua nyuki wala kuharibu ubora wa asali wakati wa urinaji

Kutumia vyombo au vifaa vilivyo safi na salama kwa ajili ya kurinia na kuhifadhia asali

Kuhudhuria mafunzo yatolewayo katika mashamba darasa ya ufugaji wa nyuki

 MIKAKATI.

Mikakati madhubuti inahitajika ili kuendeleza sekta ya ufugaji nyuki katika utoaji wa huduma bora kwa jamii.

Kuendelea kutoa elimu ya hifadhi bora ya mazingira kwa jamii na kufanya doria za mara kwa mara ili kubaini na kuzuia ukataji ovyo wa miti katika maeneo ya ufugaji nyuki

Kuongeza wataalam wa sekta ya ufugaji nyuki ili kuboresha utoaji wa huduma bora kwa jamii.

Kuendelea kuanzisha mashamba darasa ya ufugaji wa nyuki katika kila kata

Kuendelea kusimamia kiwanda cha kuchakata na kufungasha mazao ya nyuki.

MAKOSA KWA MJIBU WA KANUNI, SHERIA NA TARATIBU 

Mdau yeyote atakuwa ametenda kosa endapo atafanya mambo yafuatayo:

Kurina  asali kwa kutumia moto au moshi

Kuuza asali iliyorinwa kwa moto au moshi

Kuchanganya  asali na vitu vingine ambavyo siyo asali

Kuchoma  moto msitu au eneo ambalo limetengwa kwa ajili ya wafugaji wa nyuki

Kukata  miti bila kuwa na kibali kutoka Halmashauri

kung’oa  miti iliyopandwa kwa ajili ya kuhifadhi mazingira

kufanya jambo lolote ambalo linadhuru au linahatarisha maendeleo na ukuaji wa sekta ya ufugaji  wa nyuki

kufanya  kitendo chochote kinachohatarisha upatikanaji wa asali yenye ubora na salama

kuhujumu miundo mbinu ya ufugaji wa nyuki ya shule, kikundi, kijiji, mtaa, kata, taasisi na mtu binafsi

Kufungasha mazao ya nyuki kwa kutumia vifungashio ambavyo vimetumika kwa bidhaa zingine kwa mfano mafuta ya kula, oil, rangi n.k