Maendeleo ya Jamii

Idara ya Maendeleo ya jamii ni kati ya idara za  Halmashauri ya Wilaya ya Mlele. Idara ina Sehemu kuu mbili ambazo ni Usimamizi wa masuala mtambuka na usimamizi wa Asasi zisizokiwa za Kiserikali (NGO na CBO). Moja ya majukumu ya Idara ni kuratibu na kusimamia upatikanaji wa huduma za jamii na utekelezaji wa mipango ya maendeleo katika ngazi ya jamii. Katika utekelezaji wake Idara inaratibu mipango ya maendeleo ikiwa ni pamoja na  Mfuko wa Maendeleo ya Jamii (TASAF - Tanzania Social Action Fund), Mfuko wa Afya ya Jamii iliyoboreshwa, Mpango wa Kudhibiti UKIMWI, Mfuko wa Maendeleo ya Wanawake, Vijana na Watu wenye Ulemavu, Kuratibu asasi zisizokuwa za ki serikali (NGOs & CBOs) na vikundi vya kiuchumi. Idara pia inasimamia na kusajili vikundi vidogo vya kifedha na kiuchumi.

 Muundo na Rasilimali watu.

Idara ya Maendeleo ya Jamii, katika Halmashauri ya Wilaya ya Mlele ina vitengo viwili, ambavyo ni kitengo cha  Uratibu wa NGO, kitengo cha Uratibu wa masuala mtambuka.

 Majukumu yanayotekelezwa na idara

Idara kwa kutumia rasilimali mbalimbali zilizopo utekeleza majukumu yake kwa mgawanyo unaozingatia taaluma na miundo ya serikali.

 Baadhi ya majukumu yanayotekelezwa na Idara ni pamoja na:-

•Kusaidia jamii kutafsiri fursa na vikwazo vilivyopo katika mazingira yao na kutumia rasilimali zilizopo kujiletea maendeleo.

•Kutafsiri na kusimamia utekelezaji wa Sera za  Maendeleo ya Jamii katika ngazi za vijiji na kata.

•Kuratibu na kusimamia asasi za kiraia zinazotekeleza shughuli za Maendeleo katika Wilaya.

•Kuratibu na kusimamia Asasi za kiraia katika wilaya ( NGOs, CBOs na vikundi vya kiuchumi)

•Kuratibu na Kusimamia miradi ya Mfuko wa Wanawake, Vijana na watu wenye ulemavu.

•Kusimamia na kuratibu miradi/mipango iliyoko chini ya Idara ya Maendeleo ya Jamii (TASAF, iCHF, KUDHIBITI UKIMWI, n.k )

•Kutoa mapendekeo ya kukabiliana na vikwazo vya maendeleo ya makundi maalum wakiwemo wanawake, watoto, wazee na walemavu.

•Kuandikisha na kutunza rejista za vikundi vya maendeleo ya makundi maalumu wakiwemo vijana, wanawake na walemavu.

•Kuhamasisha na kutoa Mapendekezo juu ya ushirikishaji jamii katika kubuni na kupanga miradi ya maendeleo  kwa kutumia teknolojia rahisi na sahihi.

•Kusaidia watu kutambua haki na wajibu wao katika kutoa huduma za kijamii na hasa makundi maalumu wakiwemno watoto, wazee na walemavu.

•Kuhimiza maendeleo ya Elimu na Ujuzi kwa Vijana

•Kuwezesha maisha endelevu na ajira kwa vijana

•Kuwezesha maendeleo endelevu na hifadhi ya mazingira

•Kuhamasishaji wa maadili na desturi njema za kiafrika kwa vijana

•Kuratibu mabaraza ya vijana katika ngazi ya kata na Wilaya