WASIMAMIZI WA VITUO VYA KUPIGIA KURA WAPATIWA MAFUNZO

Posted on: October 26th, 2025

Na Kitengo cha Mawasiliano- Mlele.

WASIMAMIZI WA VITUO VYA KUPIGIA KURA WAASWA KUZINGATIA MAADILI NA UZALENDO.

Oktoba 26,2025

Wasimamizi na Wasimamizi Wasaidizi wa vituo vya kupigia kura katika Jimbo la Katavi  Mkoa wa Katavi, wameaswa kuzingatia maadili, uadilifu na uzalendo katika utekelezaji wa majukumu yao kuelekea Uchaguzi Mkuu wa Rais,Wabunge na Madiwani unaotarajiwa kufanyika siku ya Jumatano  Oktoba 29 mwaka huu.

Msimamizi wa Jimbo la Uchaguzi la Katavi Edwin Itamba, amewataka wasimamizi na wasaidizi wa vituo vya kupigia kura wanaohudhuria mafunzo katika ukumbi wa  Mikutano wa Ukonongo  Oktoba 26'205 amewataka wasimamizi hao kuzingatia maelekezo wanayopewa ili kuhakikisha uchaguzi unafanyika kwa ufanisi na kwa kufuata taratibu.

Akizungumza wakati wa ufunguzi wa mafunzo hayo, Itamba amesema jukumu walilopewa ni la kuaminika na linahitaji umakini, uwadilifu na utiifu kwa miongozo ya Tume ya Uchaguzi, akawaasaa washiriki hao kuwa mfano wa kuigwa katika utekelezaji wa majukumu yao.

Naye Bi.Habiba Mtunguja,ambaye ni Msimamizi Msaidizi wa Uchaguzi Jimbo la Katavi, akifungua mafunzo katika ukumbi wa maktaba ya shule ya Sekondari Inyonga, amewataka wasimamizi hao kuzingatia maadili, uadilifu na umakini katika vituo vyao vya kazi, sambamba na kuelimisha wananchi kwa njia sahihi wakati wa upigaji kura.

Katika kituo kingine cha mafunzo kilichofanyika ukumbi wa Shule ya Sekondari Inyonga, washiriki wametakiwa kuweka mbele uzalendo na kutanguliza mbele maslahi ya Taifa katika kipindi chote cha mchakato wa Uchaguzi, wamekumbushwa kuwa jukumu lao ni kuhakikisha zoezi la kupiga kura linaendeshwa kwa amani na uwazi.

Kwa upande wake, Afisa Usalama wa Taifa wilaya ya Mlele Kasuku Mnena, amewahakikishia washiriki hao kuwa hali ya usalama ni shwari, amewataka kuepuka taarifa za upotoshaji na vitendo vyovyote vinavyoweza kuhatarisha amani. Amesisitiza kuwa Serikali ina imani nao, hivyo wanapaswa kutekeleza majukumu yao kwa uzalendo na uwajibikaji mkubwa.

Vilevile kwa upande wa washiriki walipata  nafasi ya kuuliza maswali,na kujibiwa vyema .