CMT Mlele

Posted on: October 13th, 2020

Habari katika Picha,

Wakuu wa Idara na Vitengo Halmashauri ya Wilaya ya Mlele wakiwa kwenye kikao cha Menejimenti ya Halmashauri hiyo wakiongozwa na mkurugenzi Mtendaji  Alexius Kagunze hayupo pichani.

Na Kibada Ernest  -Mlele Katavi.

Kikao  Maalum cha Menejimenti ya Halmashauri ya wilaya ya Mlele Kikiongozwa na Mkurugenzi Mtendaji wa Halmashauri hiyo AlexiusKagunze ambaye niMwenyekiti wa Kikao hicho kwa kauri moja kimeridhia matumizi ya fedha shilingi 14 milioni, zilizoidhinishwa kwa ajili ya kuanzisha ujenzi wa Banda la Maonesho ya Kilimo Nanenane katika Halmashauri ya Wilaya ya Mpanda Wilaya ya Tanganyika Mkoa wa Katavi,na fedha hizo kuelekezwa kwenye Vijijii  kutekeleza  miradi mbalimbali ambayo ilikuwa nje ya mpango wa Bajeti.

Kikao kilijadili na kuridhia kwa kauli moja kuwa fedha hizo zipelekwevijijini na zielekewe kwenye miradi ya Afya na Elimu ambayo inamgusa moja kwa moja mwanachi.

Akizungumza katika kikao hicho Mkurugenzi Mtendaji wa Halmashauri ya wilaya ya Mlele Alexius Kagunze amebainisha kwa kuitaja miradi itakayokwenda kutekelezwa na fedha hizo kuwa ni umalizia wa

Nyumba ya Mkuu wa Shule ya Sekondari  Ilunde,ambayo imepangiwa kiasi cha shilingi milioni mbili,ujenzi wa matundu mawili ya vyoo Shule ya Sekondari Inyonga,iliyopangiwa kiasi cha shilingi milioni mbili.

Fedha nyingine zimeelekezwa  katika ujenzi wa matundu mawili ya vyoo kwa shule Shikizi ya Kaulolo,ujenzi wa matundu mawili ya vyoo Shule  Shikizi ya Imalauduku,ujenzi wa matundu mawili  ya vyoo kwa Shule Shikizi ya Mlogolo pamoja na ujenzi wa Jiko Shule ya Sekondari Utende.

Aidha kikao hicho kimeridhia kubadili matumizi ya shilingi milioni kumi ili ziweze kutumia kwa ajili ya ukamilishaji wa wadi ya wazazi katika Hospitali ya Wilaya ya Mlele.

mwisho.