DC MLELE AKIWASILISHA SALAAM ZA SERIKALI.

Posted on: May 17th, 2023

Mkuu wa Wilaya ya Mlele Mhe.Majid Mwanga akiwasilisha Salaam za Serikali kwenye Mkutano wa Baraza la Madiwani la Halmashauri ya Wilaya ya Mlele Mei 10’2023  ashauri kubuni vyanzo vipMya vya mapato.

Na Kibada Ernest -Mlele    Mei 17.2023

DC  MLELE.MHE.MAJID MWANGA ASHAURI WATAALAM KUBUNI VYANZO VIPYA VYA MAPATO

Mkuu wa Wilaya ya Mlele Mhe.Majid Mwanga  ametoa wito kwa Baraza la Madiwani Halmashauri ya Wilaya ya Mlele na Wataalam kuendelea kubuni vyanzo vipya vya mapato ili kuendelea kukuza mapato kwa kuwa Halmashauri zinaendeshwa na mapato, bila mapato Halmashauri hazitaweza kujiendesha,

2.Mwenyekiti wa Halmashauri ya Wilaya ya Mlele Mhe.Soud Mbogo akiongoza Mkutano wa Baraza la Madiwani kujadili Taarifa za Robo ya tatu ya Mwaka wa fedha 2022/2023 kwenye ukumbi wa Mikutano  wa Halmashauri ya Wilaya ya Mlele,Kushoto kwa Mwenyekiti ni Mkurugenzi Mtendaji wa Halmashauri Bi.Teresia Irafay na anayefuatia ni Mkuu wa Wilaya ya Mlele Mhe.Majid Mwanga,na kulia kwa Mwenyekiti ni Makamu Mwenyekiti wa Halmashauri Mhe.Leonard Kiyungi na Mwisho mwenye suti ya Kijivu na Mkuu wa Wilaya yaMlele Mhe Majid Mwanga.

Amewataka wataalam kuendelea kuumiza vichwa zaidi kubuni vyanzo vipya vya mapato kuliko kutegemea mapato ya aina moja, kwani kwa kufanya hivyo unaweza kujikuta unashindwa kufikia lengo iwapo changamoto zitajitokeza.

Mhe.Mwanga ametoa wito huo wakati akiwasilisha Salaam  za Serikali kwenye  Mkutano wa Baraza la Madiwani la kujadili taarifa za robo ya tatu ya mwaka wa fedha  2022/2023  uliofanyika kwenye ukumbi wa mikutano wa Halmashauri   

Amesema Serikali ya Awamu ya Sita inayoongozwa na Rais  Dkt. Samia Suluhu Hassan inasistiza ukusanyaji wa mapato.

Mkuu huyo wa Wilaya amesisitiza kuwa Wilaya ya Mlele hususani Halmashauri ya Mlele imebarikiwa kuwa na rasilimali nyingi za aina mbalimbali ,ardhi,mistu na kila aina ya rasilimali na watu wenye afya hivyo ni wajibu wetu kutumia rasilimali hizo kwa maendeleo ya Taifa.

Picha ya Pamoja ya wafanyakazi Hodari wakiwa na wajumbe wa Mkutano wa Baraza la Madiwani wakiongozwa na Mwenyekiti wa Halmashauri ya Wilaya ya Mlele Mhe.Soud  Mbogo aliyekaa katikati na Viongozi wengine 

Katika hatua nyingine amepongeza juhudi zinazofanywa na Mbunge kuwaletea maendeleo wananchi wa Jimbo la Katavi Halmashauri ya Wilaya ya Mlele,kutokana na maendeleo yaliyopo katika Jimbo la hilo,ni Umoja, ushirikiano,na Mshikamano mzuri uliopo kati ya Mbunge, Mhe.Isack Kamwelwe, waheshimiwa Madiwani, Viongozi mbalimbali,watumishi na wananchi kwa ujumla ndiyo chanzo cha mafanikio yaliyopo ameomba ushirikiano huo uendelee,

Mapema akifungua Mkutano wa Baraza la Madiwani Mwenyekiti wa Halmashauri ya Mlele Mhe.Soud Mlolwa Mbogo amesisitiza umoja mshikamano na ushirikiano uliopo uendelee na kuwataka wataalam kuendelea kushauri vyema ili kufikia malengo waliyojiwekea ya kuleta ustawi wa Halmashauri.

Mwenyekiti wa Halmashauri ya Wilaya ya Mlele Mhe.Soud Mbogo akiongoza Mkutano wa Baraza la Madiwani kujadili Taarifa za Robo ya tatu ya Mwaka wa fedha 2022/2023 kwenye ukumbi wa Mikutano  wa Halmashauri ya Wilaya ya Mlele,Kushoto kwa Mwenyekiti ni Mkurugenzi Mtendaji wa Halmashauri Bi.Teresia Irafay na anayefuatia ni Mkuu wa Wilaya ya Mlele Mhe.Majid Mwanga. 

Kwa upande wake Diwani wa Kata ya Ilunde Mhe.Martin Mgoloka amepongeza jujudi za wataalam katika ukusanyaji wa mapato ambapo alipongeza kwa kufikia asilimia sitini hadi kufikia mwezi huo.

Mkutano huo wa Baraza la Madiwani pia umewapongeza wafanyakazi Hodari waliotunukiwa zawadi wakati wa maadhimisho ya siku  ya wafanyakazi duniani mei mosi, ambapo upande wa Idara ya Utumishi na Utawala nao waliandaa zawadi za ngao ambazo zimegawiwa kwa watumishi hao Hodari mbele ya Mkutano wa Baraza la Madiwani ikiwani kuthamini mchango wao, na kuendelea kutoa hamasa kwa watumishi wengine kujituma na kuongeza bidii katika utendaji kazi.

Wajumbe wa Mkutano wa Baraza la Madiwani Waheshimiwa Madiwani wakifuatilia mjadala wa Mkutano huo unaoendelea katika Ukumbi  wa Mikutano Halmashauri ya Wilaya ya Mlele.

Naye Mkurugenzi Halmashauri ya Mlele Bi. Teresia Irafay amesema Halmashauri hiyo inaunga mkono  kazi nzuri zinazofanywa na waheshimiwa madiwani kuhimiza maendeleo na kuwasimamia watalaam wanapokea ushauri wao na kuufanyia kazi ndiyo maana maendeleo yanapatikana pia wanafanya vizuri katika Nyanja zote za maendeleo ikiwemo ukusanyaji wa mapato.

Wataalam Pamoja na wageni waalikwa wakifuatilia mjadala wa Mkutano wa Baraza la Madiwani kama wanavyoonekana pichani.

 Mwisho