Diwani Cup yamalizika Mlele

Posted on: September 9th, 2023

.Mgeni rasmi katika kufunga mashindano ya Diwani Cup ,Katibu wa CCM Wilaya ya Mlele Joshua Mbwana akikabidhi zawadi kwa Kapteni wa   timu za Black Scopioni aliyeibuka mshindi katika mashindano hayo kushoto kwa mgeni rasmi ni Mlezi wa mashindano hayo Diwani wa Kata ya Inyonga Soud Mlolwa Mbogo

Na Kibada Ernest -Kaimu Mkuu wa Kitengo cha Mawasiliano Halmashauri ya Wilaya ya Mlele 

9 septemba 2023

Diwani cup,yahitimishwa huku Timu ya Black Scopioni ikiibuka Bingwa wa Mashindano hayo..

Michuano ya Kombe la Diwani wa Kata ya Inyonga  imehitimishwa kwa kumpata bingwa wa michuano hiyo kwa mwaka 2023 ambayo ni timu ya Black Scopion kwa mara nyingine tena kwa kuichapa timu ya Chonile Fc na kuibka Bingwa kwa mwaka 2023 na kujinyakulia kitita cha shilingi laki tatu na nusu huku mshindi wa pili akiwa Chonile FC ailiyojinyakulia shilingi laki tatu.

Michuano hiyo iliyokuwa inashirikisha jumla ya timu kumi na sita yamefadhiliwa na diwani wa Kata ya Inyonga  Mhe.Soud Mlolwa Mbogo ambaye ni Mwenyekiti wa Halmashauri ya Mlele.

 Michuano ya Kata  maarufu  kwa jina la Diwani CUP imemalizika kwenye uwanja wa shule ya Msingi Inyonga huku timu ya Balack Scopioni ikiibua mshindi  baada ya kuibamiza timu ya Chonile FC jumla ya magori 3-1 na kujihakikishia ubingwa kwa mara ya pili mfululizo.

Jumla ya timu 16 zilishiriki na yaliendeshwa kwa  mtindo wa ligi ambapo timu zilicheza toka awamu ya kwanza kwa makundi hadi kufikia fainali, katika michuano hiyo timu iliyoibuka Bingwa ilijinyakuliwa  kitita cha shilingi laki tatu na nusu taslimu fedha za kitanzania. Huku mshindi wa pili akijinyakulia shilingi laki tatu kamili na mshindi wa tatu aliondoka na shilingi laki mbili na nusu huku mchezaji bora na waamuzi bora kila mmoja akiondoka na shilingi elfu hamsini.

Diwani wa Kata ya Inyonga Mhe.Soud Mbogo ambaye ndiye  Mlezi wa Michuano hiyo ameeleza kuwa lengo la kuanzisha mashindano hayo ni kuibua vipaji na kuvikuza katika Kata ya Inyonga na Halmashauri kwa ujumla  ikiwa ni kutekeleza Ilani ya CCM,

Pia  Mhe Mbogo ameeleza kuwa kwa sasa michezo ni ajira,michezo imewasaidia vijana wengi kupata ajira na kujiongezea kipato, vipo vipaji vingi lakini havionekana hivyo kupitia michuano hii vipaji vingi vitaibuliwa na kuonekana na vijana watanufaika kupitia vipaji vyao vya michezo. na  Michuano hiyo itakuwa inafanyika  kila mwaka. .

Aidha amewapongeza timu zote  zilizoshiriki na hizi mbili zilizoingia fainali na kuwaomba kudumisha nidhamu  na bidii waliyoionesha katika  michuano hiyo,  timu 16 zilishiriki  lakini ni timu mbili tu zilizofanikiwa kuingia fainail hivyo labda ni kutokana na bidii waliyoinesha pamoja na nidhamu katika michezo ndiyo maana wamefanikiwa kufika hapo walipofika kwenye fainali ya michuano hiyo.

Mhe.Mbogo ameeleza kuwa michezo  ni sehemu ya burudani, michezo ni sehemu ya mazoezi kuimarisha miili yao na kujenga afya ya miili yao hivyo amewaomba  waendelee kushirikiana namna hiyo na wataendelea kuiboresha kila mwaka ili iweze kuwa bora Zaidi.

Akizungumza wakati wa kukabidhi zawadi mgeni rasmi katika michuano hiyo Katibu wa CCM Wilaya ya Mlele Joshua Mbwana  amewaasa vijana kucheza mipira kwa nidhamu ya hali ya juu na kuwasisitiza  wasicheze kwa kuumiza na kukomoona kwa kuwa uhai ni muhimu kuliko mpira wenyewe.lazima wajali kwanza uhai wao.

Mbwana amesema  iwapo wataumia hata Serikali itakuwa imekosa nguvu kazi, maana ukiumia  inakuwa haina maana tena kwani jamBo la msingi ni kucheza bila kukamiana kama ukiumia iwe bahati mbaya isiwe kwa makusudi.

Aidha Mbwana amewaonya waamuzi kuchezesha kwa haki ili mshindi apatikane kwa haki kweli. na wala siyo upendeleo wao.kwa kuwa waamuzi  wamekabidhiwa dhamana hiyo basi watende haki Mshindi apatikane kwa haki,.kwa kuwa mashindano hayo yanatoa nafasi kwa vijana kuonesha vipaji vyao na hatimaye kujijengea mazingira  mazuri ya kuonekana na timu nyingine kubwa na hata timu ya taifa.ameeleza kuwa Michuano hiyo itakuwa ikifanyika kila mwaka .

Mwisho.

   Katibu wa CCM Wilaya ya Mlele Joshua Mbwana akikabidhi zawadi  ya Mshindi wa mashindano ya Diwani cup kwa  timu ya Black Scopion kutoka kutoka  Kijiji cha Inyonga Kata ya Inyonga,kushoto ni mlezi wa mashindano hao Mhe,Soud Mbogo,

Mlezi wa Mashindano ya haya ya Diwani wa Kata ya Inyonga Soud Mlolwa Mbogo akikabidhi zawadi kwa  timu ya  Chonile FC kutoka  Kijiji cha Inyonga Kata ya Inyonga,

.                                                                                                                     Timu ya Chonile FC katika picha ya Pamoja

                                                                                                                        Waamuzi waliochezesha mashindano hayo katika picha ya pamoja na ttimu zote mbili

Timu ya  Black Scopion katika picha ya Pamoja