Kikao kazi kikiendelea

Posted on: November 27th, 2020

1. Mkuu wa Idara ya Fedha wa Halmashauri ya wilaya ya Mlele   Obindi Wembe mwenye shati nyekundu na Kaimu Mkuu wa Kitengo cha TEHAMA  Joseph Mkumbwa mwenye shati la kijivu, wakiwasiliza watumishi wakati wa kikao kazi cha kujengea uwezo kuhusu matumizi ya mashine za kielektroniki kwa zinazohusika katika ukusanyaji wa mapato,hawapo pichani

 KIKAO KAZI CHA KUJENGEANA UWEZO.

Idara ya Utumishi na Utawala kwa kushirikiana na Idara ya Fedha imetoa Elimu kwa watumishi    kuhusiana na suala la  matumizi ya mashine za  kielektronic zinazohusika katIka  ukusanyaji wa mapato  Point of Sale (POS),Elimu hiyo imetolewa kwenye kikao kazi kilichofanyika kwenye ukumbi wa shule ya Sekondari Inyonga ulioko Halmashauri ya Wilaya ya Mlele Mkoa wa Katavi. 

Lengo la  kikao kai hicho ni kwa ajili  ya kuwajengea uelewa zaidi kuhusiana na matumizi ya mashine za kukusanyia mapato za kielektroniki za POS  ili kuongeza mapato katika ukusanyaji kupitia vyanzo mbalimbali vya  Halmashauri.

Mafunzo hayo yamejumuisha washiriki zaidi ya 40 ambao ni  Watendaji wa Vijiji,watendaji wa Kata,  Maafisa Ugani,pamoja na wale wanaohusika na ukusanyaji wa mapato kutoka kwenye  vyanzo mbalimbali vilivyoainishwa kwenye mashine hizo.

Akiwasilisha mada inayohusiana na ukusanyaji wa mapato kwa kutumia mashine  za kielektroniki Afisa TEHAMA wa Halmashauri ya  Wilaya  ya Mlele Joseph Peter Mkumbwa akiwasilisha mada ya matumizi ya mashine hizo  amepitisha hatua kwa hatua   kwa kina  kuhusiana na taratibu za matumizi ya mashine hizo, namna ya kuzitumia  wanapokuwa wanakusanya mapato.sanjali na kutoa stakabadhi kwa mhusika.

Pia amesisitiza kuwa iwapo kutakuwa na tatizo lolote la kiufundi kuhusiana na mashine hizo wasisite kuasiliana ili kulipatia ufumbuzi,pia ameleza kuwa baadhi ya mashine zilikuwa na changamoto lakini wanaendelea kuzishughulikia hatua kwa hatua.

Naye Mweka Hazina wa Halmashauri hiyo Obindi Wembe ameeleza umuhimu wa kuwasilisha fedha wanazokusanya kwa wakati ili kuepuka kuingia kwenye matatizo yasiyokuwa ya lazima na pindi inapokuwa imetokea tatizo watoe   taarifa kwa wakati na kwa maandishi nini kimetokea.

Pia ameeleza kuwa kila matumizi yanayofanyika ya fedha za Serikali lazima ufuatwe utaratibu na kiserikali na fedha za Serikali haziwezi kutumika bila utaratibu tena kwa maandishi na mamlaka husika lazima ijiridhishe,pia amewasisitiza kuwa waadilifu na fedha za serikali na kila wanapokusanya wawe wanaziwasilisha banki kwa wakati.

Ameongeza kuwa kwa wale walioko mbali na makao makuu upo utaratibu ulioandaliwa na ofisi kuona namna ya kuwaaidia kuwasilisha kwa wakati fedha hizo akasisitiza wasikae na fedha ya Serikali.

Mada nyingine zilizowasilishwa ni  pamoja na maadili katika utumishi wa umma iliyowasilishwa na Afisa Utumishi  kutoka Idara ya utumishi na Utawala iliyokuwa ikiwakumbusha watumishi wa umma kufuata maadili ya utumishi wa umma kwa kufuata taratibu kanuni miongozo na sheria za utumishi wa Umma.

Aidha katika Mafunzo hayo mambo mbalimbali mbali yalijadiliwa ikiwamo masuala ya kisheria yaliyotolewa ufafanuzi na Afisa Sheria  Verynice Gamba,sanjali na mada zinazohusiana na masuala ya biashara.

Nao washiriki katika kikao kazi hicho walishukuru kwa uongozi wa Halmashauri kufanya maamuzi ya kuwaita  kukutana na kujadiliana mambo mbalimbali ya kiutendaji hali iliyowajengea uelewa zaidi sanjali na kushughulikia baadhi ya changamoto zilizokuwa zikiwabili   hatimaye kuzipatia ufumbuzi,na kisha kuweka mikakati namna ya kufanikisha suala la ukusanyaji wa mapato ya Halmashauri na kuleta maendeleo,ikiwepo changamoto ya bando linalowekwa kwenye POS suala ambalo Mkuu wa Idara ya Fedha amesema wao kama ofisi wamelichukua na wanalishughulikia ili kulipatia ufumbuzi.

Mwisho .