KUU WILAYA YATEMBELEA MIRADI YA MWENGE MLELE

Posted on: September 4th, 2025

PICHANI Kamati ya Ulinzi na Usalama ya Wilaya ya Mlele yakagua miradi ya Maendeleo ya Mwenge hapo jengo la Zahanati ya Ilela Kata ya Ilela Kijiji cha Ipwaga

Kamati ya Ulinzi na Usalama ya Wilaya ya Mlele yakagua miradi ya Maendeleo ya Mwenge,

Kamati ya Ulinzi na Usalama ya Wilaya ya Mlele imefanya ziara ya kukagua miradi ya Maendeleo inayotarajiwa kukaguliwa na Mwenge wa Uhuru mwaka huu,ikiwa ni sehemu ya maandalizi ya mapokezi ya Mwenge huo.

Ziara hiyo iliongozwa na Katibu Tawala wa Wilaya ya Mlele Bw.Yahya Mbulu kwa niaba ya Mkuu wa Wilaya ya Mlele Mhe.Majid Mwanga ambaye ni Mwenyekiti wa Kamati ya Ulinzi na Usalama wa Wilaya.

Miradi iliyotembelewa ni pamoja na Ujenzi wa Zahanati ya Kijiji cha Ilela , Ujenzi wa Shule ya Msingi Songambele iliyoko katika kijiji cha Songambele Kitongoji cha Shama.pamoja na ujenzi wa vyumba vitatu vya madarasa katika shule ya Sekondari Uzega.

Akizungumza wakati wa ziara hiyo Mkurugenzi Mtendaji wa Halmashauri ya Wilaya ya Mlele Bi.Sigilinda Mdemu ameeleza hatua za utekelezaji wa miradi hiyo na kusisitiza kuwa miradi yote imezingatia thamani ya fedha (Value for Money) huku akitoa wito kwa wananchi kuendelea kushirikiana na Serikali katika kusimamia maendeleo yao.

Mkurugenzi Mtendaji ameahidi miradi hiyo kukamilika kwa wakati ,Kamati imepongeza maendeleo na kusisistiza ubora.

Ziara hii imelenga kuhakikisha maandalizi ya kupokea Mwenge wa Uhuru yanaenda Sanjari na Ubora wa Miradi inayotarajiwa kuwekwa mawe ya ,Msingi,Kuzinduliwa na Kufunguliwa rasmi.

Tunajivunia jitihada za maendeleo zinazofanyika,na tunahakikisha kila mradi unazingatia viwango vya ubora kwa manufaa ya wananchi.

Tunaendelea kushikiana kujenga Mlele yetu.

#Mwenge wa Uhuru 2025

#MleleInajenga

#Maendeleoni Kazi.

Picha za  Matukio mbalimbali wakati wa ziara ya Kamati ya ULINZI NA USALAMA WA WILAYA YA MLELE ILIPOTEMBELEA MIRADI YA MAENDELEO ITAKAYOTEMBELEWA NA MBIO ZA MWENGE WA UHURU sEPTEMBA 26,2025

Jengo la zahanati kijiji cha ipwaga kata ya Ilela mmoja ya mradi utakaotembelewa na mbio za Mwenge wa Uhuru utakapokuwa katika halmashauri ya mlele

                                                            Mwonekano wa shule ya Sekondari uzega iliyotembelewa na KUU Wilaya ya Mlele moja ya miradi itakayotembelewa na MWENGE WA UHURU

                                                                                       Wajumbe wa KUU WILAYA WAKIWASILI SHULE YA MSINGI Songambele Kitongoji cha Shama kujionea maendeleo ya UJENZI WA shule hiyo

                              MKURUGENZI Mtendaji wa Halmashauri ya WILAYA YA Mlele  Bi.Sigilinda Mdemu akitoa maelezo ya utekelezaji wa miradi Mbele ya Kamati ya ulinzi na Usalama ya Wilaya kama  anavyoonekana hapo mbele

                                                                                        (.PICHA ZOTE NA KITENGO CHA MAWASILIANO)