MAMA ATULIWA NDOO YA MAJI KICHWANI

Posted on: June 5th, 2018

SHIDA YA MAJI KATIKA HALMASHAURI YA WILAYA YA MLELE SASA BASI

Halmashauri ya Wilaya ya Mlele kupitia Idara ya Maji inaendelea kutekeleza na kusimamia miradi mikubwa ya Maji kwa manufaa ya wanachi katika kata zote sita za Halmashauri  lengo likiwa ni kumtua Mama ndoo maji.

Mhandisi wa Maji wa Halmashauria Wilaya ya Mlele Eng. Boniphase Mapambano kwa kushirikiana na Mkurugenzi pamoja na Mkuu wa Wilaya ya Mlele Rachel Kasanda wameendela kusimamia miradi hiyo ambapo hadi sasa baadhi ya miradi imekamilika na inatumika baada ya kufunguliwa na mwenge wa Uhuru mwaka 2018..

Miradi inayoendelea kukamilishwa ni pamoja na mradi wa Nsenkwa wenye vituo vya kuchotea maji 15, tanki lenye ujazo wa kuhifadhi lita laki moja na ishirini  zenye uwezo wa kuhudumia wananchi 3750 sawa na mradi wa Kata ya Ilela.

Kata ya Utende na Ilunde Mradi umekamilika kwa asilimia 100 ambapo jumla ya wananchi 4000 wanaendelea kunufaika na mradi huo wenye vituo 8 vya kuchotea maji na ujazo wa lita elfu hamsini kuwa kila tanki.

Kwa kata ya Inyonga na kamsisi Miradi ipo katika hatua ya umaliziaji ambapo wananchi 5250 watapata maji katika vituo 21. Tanki la Inyonga likiwa na ujazo wa lita laki moja na hamsini na Kamsisi ujazo wa lita Elfu thelathini

Hadi kukamilika kwa miradi hiyo jumla ya Shilingi Bilioni mbili milioni mia tatu thelathini na tano, laki tatu na tisini na tisa elfu na mia tano hamsini na nne bila senti itakuwa imetumika (2,335,399,554) fedha kutoka serikali kuu chini ya Usimamizi wa Mh, Isac Kamwele Waziri wa Maji na Umwagiliaji ambaye pia ni Mbune wa Jimbo la Katavi .

      NA  SUZAN KANENKA

       AFISA HABARI H/W