MFUMO WA MANUNUZI NeST

Posted on: December 18th, 2024

HALMASHAURI YA WILAYA YA MLELE

SEMINA KWA WAKUU WA VITUO VYA WATOA HUDUMA KUHUSU MFUMO WA NeST.

NeST (National e-Procurement System of Tanzania ) ni mfumo wa kielektroniki unaorahisisha usajili wa kielektroniki, zabuni za kielektroniki, usimamizi wa mikataba ya kielektroniki, malipo ya kielektroniki, katalogi na mnada wa kielektroniki.

NeST inasaidia michakato ya ununuzi wa Bidhaa, Kazi, Ushauri, Usio wa Ushauri na Utupaji wa mali. Mfumo huu unasaidia taratibu mbalimbali za manunuzi ya umma ikiwa ni pamoja na usajili wa watumiaji, taarifa za zabuni, utayarishaji na uwasilishaji zabuni, tathmini ya zabuni kwa njia ya mtandao, utoaji wa mikataba, uundaji na usimamizi wa katalogi, uundaji na usimamizi wa mikataba ya mifumo na minada na malipo.

             Wakuu wa Shule za Msingi na Sekondari wakiwa katika mafunzo mwendelezo kuhusu mfumo Manunuzi wa Serikalini namna unavyo fanya kazi.

Mfumo wa ununuzi kwa njia ya mtandao utapunguza haja ya kuwasiliana ana kwa ana na wazabuni na taasisi zinazohitaji huduma, pia utasaidia kuhakikisha ushiriki sawa na mpana wa Wazabuni na hivyo kupunguza mianya ya rushwa. mfumo huu pia umeelezwa kuwa ni mfumo wa wazi kwa kuwa kila mchakato wa manunuzi ya Umma utakaofanyika ndani ya mfumo, kila aliyepewa dhamana ya kuingia kwenye mfumo huo atakuwa anaona au kujua kinachoendelea humo hivyo kupunguza changamoto ya rushwa wakati wa mchakato wa kutangaza zabuni.

Hata hivyo washiriki wameiomba Serikali kutoa mafunzo haya kwa weledi mkubwa kwa watumishi ili kuepuka changamoto zinazijitokeza, lakini pia wazabuni wapatiwe elimu ya namna Serikali inafana kazi kwa kuzingatia taratibu kwa kila hatua..

Msimamizi wa mafunzo akizungumza kwenye ufunguzi wa mafunzo hayo amesema,utafiti umebaini kuwa mfumo mpya wa ununuzi wa umma NeST una faida nyingi zikiwemo kuongeza wigo wa ushiriki kwenye ununuzi, uwajibikaji,kupunguza muda wa mchakato,upatikanaji wa taarifa na kupunguza mianya ya rushwa.

Faida nyingine amezitaja kuwa ni uandaaji wa zabuni zote na uombaji wa zabuni utafanyika ndani ya mfumo,wazabuni ndani ya mfumo watajisajiri na kupandisha nyaraka zao zote kwa mara moja na nyaraka zote zitasainiwa ndani ya mfumo.

Sekta ya ununuzi wa umma inachukua takriban asilimia 70 ya Bajeti ya Serikali hivyo ununuzi wa umma ni eneo nyeti kwa sababu serikali inatenga fedha nyingi ili kufanikisha malengo na matarajia ya nchi kwenye ununuzi.]