Mhe. Kamwelwe akizungumza na wananchi wa jimbo lake laKatavi

Posted on: May 5th, 2023

Wananchi wa Kata ya Inyonga wakimsikiliza Mwenyekiti wa Halmasahauri ya Wilaya ya Mlele Mhe.Soud Mbogo wakati akiwahutubia na kuwaambia maendeleo yaliyofanyika  kwenye kata yake.  

 MBUNGE WA JIMBO LA KATAVI MHE ISACK KAMWELWE ASIKILIZA KERO ZA WANANCHI

Akiongea na wananchi kwa nyakati tofauti katika Kata ya Nsenkwa na Kata ya Inyonga kwenye Mkutano wa Hadhara Mbunge wa Jimbo la Katavi Mhe.Isack Kamwelwe amewaasa wananchi kutunza chakula kwa kuwa hali ya hewa,

 Kwa sasa siyo nzuri na maeneo mengi nchini chakula hakitoshi kutokana na mvua zilizonyesha za mwaka huu kwa kuchelewa. hivyo akawashauri wananchi kutouza chakula chote na badala yake waweke akiba kwa ajili ya familia zao.na kama wanauza wauze ziada.

Pia Mbunge huyo alipokea kero mbalimbali za wananchi katika jimbo lake katika mkutano huo na kuahidi kuzifikisha mbungeni ili kupatiwa majibu.

Akizungumzia changamoto ya Maji ,umeme na nyingine zinazowakabili wananchi wa jimbo lake ameahidi kuzipatia ufumbuzi na zile zilizojuu ya uwezo wake atazibeba kuzipeleka mbungeni na atahakikisha zinapatiwa ufumbuzi.

 Wananchi walipata nafasi kuwasilisha kero mbalimbali na changamoto za kijamii zinazowakabili ikiwemo changamoto ya maji,umeme,migogoro ya ardhi,mashamba na suala la ajira.

Mhe.Mbunge amejiwekea utaratibu wa kukutana na wananchi kwenye jimbo lake kuzungumzia maendeleo yaliyofanyika kwenye jimbo lake kupokea changamoto,kero ushauri,pongezi na shukurani kwa kushirikiana na wananchi wake katika kuleta maendeleo kwenye jimbo lake.ambalo limepita hatua kubwa ya kimaendeleo.

Mwisho. Wananchi wa Kata ya Inyonga na Nsenkwa kwa nyakati tofauti  wakimsikiliza   wa Mbunge wa Jimbo la Katavi lililoko Halmasahauri ya Wilaya ya Mlele Mhe. Isack Kamwelwe  akiwahutubia na kuwaambia baada ya kupokea kero zao na kuahidi kuzifanyia kazi.