MICHUANO YA KOMBE LA DIWANI YASHIKA KASI MLELE

Posted on: October 26th, 2022

Mkurugenzi Mtendaji wa Halmashauri ya Wilaya ya Mlele Bi.Teresia Irafay   akikgua timu kabla ya kuanza kwa fainali ya kombe la Diwani,mwenye jenzi ya njano ni Diwani wa Kata ya Inyonga Mhe.Soud Mbogo ambaye pia ni Mwenyekiti wa Halmashauri na mdhamini wa michuano ya Diwani CUP

Michuano ya Kombe la Diwani Kata ya Inyonga lahitimishwa  huku Bingwa akipatikana  kuondoka na zawadi nono huku  likitumika   kuibua vipaji vilivyofichika kwa vijana na kuhamasisha shughuli za Maendeleo katika Halmashauri ya Wilaya ya Mlele.

 Kombe la Diwani Kata ya Inyonga limemalizika kwa kushuhudia timu ya black scopioni kuibuka bingwa wa michuano hiyo na kujinyakilia zawadi ya silingi laki laki nne(shilingi 400,000),Mshindi wa Pili shilingi (250,000) laki mbili na nusu na mshindi wa tatu shilingi (150,000) laki moja na nusu.

akizungumza  kwani niaba ya Mkuu wa Wilaya  ya Mlele Mhe. Filberto Sanga wakati wa kukabidhi Kombe kwa mshindi wa michuano hiyo  ni timu ya Black Scopion  Mkurugenzi Mtendaji wa Halmashauri ya Wilaya ya Mlele Bi.Teresia Irafay   amesema kuwa lengo la mashindano hayo  ilikuwa kwa ajili ya kuibua vipaji.

Lengo linguine ilikuwa kuwafanya vijana wajishughulishe kuiwekamiili yao katika mazoezi na utayari kwa kuwa michezo ni afya, michezo ni furaha ,michezo huwaleta watu pamojan na inasaidia kuepusha  vijana kutojihusisha na tabia ambazo haziendani na maadili  mazuri kama kutumia madawa ya kulevya mfano bangi na tabia nyingine mbaya katika jamii.   

alisema kuwa mashindano hayo yatatoa nafasi kwa vijana hao kuonesha vipaji vyao na hatimaye kujijengea mazingira mazuri ya kuichezea timu kubwa kwa kuwa michezo ni ajira na kujipatia kipato.

  Bi Irafay  amesema pamoja na kufanya michezo yapo masuala ya kujenga uchumi na kwenye Halmashauri yetu kuna trekta la kikundi cha vijana   linaanza kufanya kazi ,tuna kiwanda cha sabuni,mji wetu unakuwa hivyo vijana tujikite katika shughuli za uzalishaji  mali ili kujiongezea kipato, baada ya shughuli za uzalishaji burudani.alisema Irafay. 

  Mapema  Mdhamini wa Michuano hiyo ambaye ni Diwani wa Kata ya Inyonga na Mwenyekiti wa Halmashauri ya Wilaya ya Mlele Mhe.Soud Mbogo Mlolwa akizungumza muda mfupi baada ya kuhitimishwa kwa michuano hiyo amesema lengo kuwa la kuanzisha michuano hiyo kwanza ni kuiba vipaji vya vijana  kwa kuwawezesha  vijana waoneshe vipaji vyao ikiwemo kuhamsisha shughuli za maendeleo,katika wilaya ikiwa ni moja ya utekelezaji wa ilani ya chama cha Mapinduzi,kwa kuwa michezo ni ajira ni furaha na ni afya pia kuwepo kwa michezo hiyo kunawaweka vijana pamoja na kufahamina zaidi.

Mhe. Mbogo anatoa  rai kwa vijana   watumie nafasi waliyoipata katika mashindano hayo ,na pia   wafuate kanuni 17 zinazoongoza mpira wa miguu na taratibu nyingine za michezo kwa kuwa michezo inajenga  udugu na mshikamano basi ni vyema washiriki wa michuano hiyo kuwa  na nidhamu.

  Kutokufanya hivyo kunaweza kuwakatisha tamaa  Viongozi wengine ambao wangeongeza  hamasa kusapoti suala hili na kuchochea maendeleo.

Kwa upande Festo Magili ni mwakilishi wa Vilabu kwa niaba ya wanamichezo na vilabu anamshukuru Mhe.Diwani kwa kudhamini ligi hiyo huku akiomba wadau wengine wajitokeze  kuibua vipaji kama alivyofanya Mhe.  Mbogo Diwani wa Kata ya  Inyonga.

“Michezo hii inasaidia vijana kujiepusha na vitendo vya kiharifu,tumebaini katika Kata ya Inyonga kuna vipaji vingi kwa vijana kucheza mpira itawezseha kuunda timu ya wilaya iwapo watapewa sapoti“ alisema Magili.  

Michuano ya Kombe la Diwani Kata ya Inyonga limemalizika kwa kushuhudia timu ya black scopioni kuibuka bingwa wa michuano hiyo na kujinyakilia zawadi ya silingi laki laki nne(shilingi 400,000) huku ,Mshindi wa Pili timu ya Wababe FC walipata  (shilingi 250,000) laki mbili na nusu na mshindi wa tatu timu ya Mzalendo ilijipatia zawadi ya  (shilingi 150,000) laki moja na nusu.

(Imeandaliwa na Kibada Ernest Kaimu Mkuu wa Kitengo cha Mawasiliano Serikalini Halmashauri ya Wilaya ya Mlele.)

Mwisho