Mkurugenzi Mtendaji wa Halmashauri ya Wilaya ya Mlele Bi. Teresia Irafay akitoa taarifa ya miradi iyotekelezwa katika kata ya kamsisi katika mkutano wa Hadhara Kijiji cha Kamsisi Mbele ya Wananchi kulia kwake ni Mkuu wa Wilaya ya Mlele Filiberto Sanga.

Posted on: September 3rd, 2021

Mkurugenzi Mtendaji wa Halmashauri ya Wilaya ya Mlele BiTeresia Irafay, ameeleza kuwa  miradi  mbalimbali ya maendeleo imetekelezwa katika kata ya Kamsisi   kwa mwaka fedha  2020/2021  uliopita wa serikali  miradi  mbalimbali ya maendeleo yenye thamani ya zaidi ya shilingi  119.4 milioni  imetekelezwa katika kata ya Kamsisi miradi ambayo ilifadhiliwa na Serikali kuu chini ya usimamizi wa Halmashauri.

Bi Irafay  ameitaja baadhi ya miradi hiyo kuwa sekta ya elimu ya Sekondari na Msingi ,ujenzi wa vyumba  vinne vya madarasa katika shule ya Msingi Imalaudunki kwa gharama ya shilingi milioni 60,Shule ya Kamsisi,na Songambele.

Aidha Bi Irafay ameeleza kuwa serikali kwa mwaka huu wa fedha 2021/2022 Halmashauri  imeidhinisha  na Bunge kiasi cha shilingi milioni 683.7 kwa ajili ya kutekeleza  miradi  mbalimbali ya maendeleo  kwa ajili ya ujenzi wa vyumba vya madarasa,ununuzi wa vifaa vya maabara, ujenzi vyumba vya madarasa na vile vya  Tehama katika shule ya sekondari Kamsisi..

Mkurugenzi huyo ameendelea kuwakumbusha watendaji wote vijiji  kuwa  kila wanapofanya mikutano  ya serikali ya vijiji vyao kuhakikisha wataalam waliopo katika maeneo hayo wanahudhuria, kwenye mikutano hiyo ili kusaidia kuletolea ufafanua mambo  yanayojitokeza katika mikutano hiyo.

Pia Bi Teresia ,amesisitizia kuwepo ushirikiano, mshikamano na uwajibikaji katika kuwaleta wananchi maendeleo.

Nao wananchi wa Kijiji cha Kamsisi wakiwasilisha kero zao kwa nyakati tofauti  mbele ya  Mkuu wa Wilaya ya Mlele Mhe.Sanga, waliaanza kwa kuishukuru  Serikali kwa kuwaletea miradi ya maendeleo katika kata yao.

Walitaja baadhi ya Maendeleo hayo kuwa ni  barabara,maji,umeme,Elimu,Afya,pamoja na maendeleo mengine yaliyopo kwenye Kata  yao.