Mkuu wa Wilaya ya Mlele akiwa ofisini

Posted on: August 24th, 2022

Mkuu wa Wilaya ya Mlele,Mhe.Sanga.DC MLELE

Mkuu wa Wilaya ya Mlele Mhe.Filberto Sanga ambaye pia Mwenyekiti wa Kamati ya Sensa Wilaya akizungumzia  kuhusu maendeleo ya zoezi la sensa ya watu na makazi kwa wilaya yake.

Mkuu wa Wilaya ya Mlele Mhe.Filberto Sanga ambaye pia Mwenyekiti wa Kamati ya Sensa Wilaya amesema maendeleo ya zoezi la sensa ya watu na makazi linaenda vizuri kwa Wilaya ya Mlele, na wananchi wamekuwa na hamasa kubwa ya  kuhesabiwa, huku akiendelea kutoa wito kuwa wale wote ambao hawakufikiwa kuhesabiwa siku ya tarehe 23 mwezi wa nane 2022  siku zoezi lilipoanza wasiwe na hofu yeyote wote watahesabiwa, kwa kuwa zoezi linaendelea jambo la muhimu ni kutoa  taarifa zako sahihi kwa makarani wa sensa watakaopita katika  maeneo yote yale ambayo hayajafikiwa  kuhakikisha wanawahesabu wananchi wote wanaotakiwa kuhesabiwa kila mmoja lazima atafikiwa na kuhesabiwa.

Mhe. Sanga amesema Wananchi waendelee kuwa wavumilivu Serikali inawajari hakuna  mwananchi ambaye hatahesabiwa, "hivyo niwatake Viongozi wenzangu muendelee kuhamasisha kila mmoja kwenye maeneo yake kuhakikisha zoezi hili linafanikiwa kama maelekezo ya serikali yanvyosema"alisema mkuu wa Wilaya.

Akizungumzia maelekezo aliyotoa Mkuu wa Mkoa wa Katavi Mhe.Mwanamvua Mrindoko ya kusimamia na kuhakikisha wananchi wanaoishi kwenye maeneo yasiyo rasimi kama kwenye hifadhi za mistu wanaondoka wenyewe,zoezi hili ameeleza kuwa limetekelezwa na  wananchi hao wameondoka wenyewe baada ya akuelimishwa na wamerudi kwenye makazi yao rasmi kwenye vijiji vyao na wamehesabiwa na wengine ambao hawajafikiwa watafikiwa na kuhesabiwa kwenye viijiji vyao.

Kumekuwepo na ushirikiano mzuri na mshikamano kuanzia uongozi wa ngazi zote katika wilaya  kuanzia Kamati ya sense ngazi ya Wilaya,Kamati ya sense ngazi ya Kata hadi Kitongoji ,Viongozi mbalimbli,wa Chama na Serikali,Waheshimiwa Madiwani,Viongozi wa Dini,Viongozi wa Kimila,Watumishi wa Serikali ,Wazee maarufu na wananchi kwa ujumla wametoa ushirikiano wa karibu katika kufanikisha zoezi hili.