Mkuu wa Wilaya ya Mlele Mhe.Filberto Hassan Sanga akihutubia wananchi mkutano wa Hadhara.

Posted on: June 30th, 2021

• Mkuu wa Wilaya ya Mlele Mlele Mhe.Filberto Hassan Sanga akiongea na wananchi kitongoji cha Kafuru  Kata ya Utende wakati wa Mkutano wa kuhamasisha suala la ulinzi na usalama kulia kwa mkuu wa Wilaya ni Kamishina wa Polisi Jamii  Taifa Dr Musa Alli Mussa.

WANANCHI HALMASHAURI YA WILAYA YA MLELE MKOA WA KATAVI  WAMEHIMIZWA  KUSHIRIKI KATIKA SUALA LA ULINZI SHIRIKISHI KWA KUSHIRIKIANA NA  POLISI.

Kamishina wa Polishi jamii Taifa Dr Musa Alli Mussa amewataka wananchi kudumisha Suala la  Ulinzi na Usalama katika maeneo yao kwa kushirikiana na Polisi wachache waliopo,ambapo serikali inajitahidi kupeleka angalau   kila Kata Polisi watakaosaidiana na wananchi katika kuimarisha suala la ulinzi na usalama na kamati za Ulinzi na usalama ngazi ya Kata.

 Kutokana na Mabadiliko yanayofanyika katika kwenye Jeshi la Polisi mabadiliko ya kimfumo ili waweze kufanya kazi kwa ueledi zaidi bila kutumia nguvu badala yake uwepo ufanyaji kazi kwa kushirikisha jamii katika suala la ulinzi,kutoka kufanya kazi kwa kutumia nguvu na badala yake kufanya kazi kwa ueledi zaidi.

Dr Mussa amesema Jeshi la Polisi lazima libadilike kwa kutoka Polisi ya kizamani na kuwa Polisi ya kisasa wajiepushe kujitenga na jamii, watambue kuwa wao nao ni jamii kama ilivyo jamii nyingine wajirudishe kwenye jamii washirikiane ili kufichua uharifu.

Amesema kwa hali hiyo ndiyo maana sasa Jeshi la Polisi limekuja na Mwongozo wa Ulinzi Shiriki kwa kushirikisha Jamii  katika ulinzi wa Jamii na rasilimali za Taifa.

Kwa kuwafikia wananchi huko vijijini na kuhimiza  uundwaji wa Kamati za ulinzi na usalama kuanzia ngazi za Vijiji, Kata, Wilaya, Mkoa na Taifa uwepo muunganika kuliko ilivyo sasa ambapo  hakuna Kamati za ulinzi na usalama ngazi ya Kata, hali hiyo inakata mawasiliano,  ya ulinzi Shirikishi.

Kamishina Mussa amesema  kuwa kwa kushirikiana pamoja katika kupambana  na Uharifu, uharifu unaweza kutoweka  kama siyo kwisha kabisa maana waharifu tunawatambua tunaishi nao ni watoto wetu,ni wenzetu ni ndugu zetu,kwa kuwa waharifu tunaishi nao tutaweza kuwadhibiti kuanzia ngazi ya chini huko huko kwa kushirikishana.

Kwa mantiki hiyo  tunaweza kuweka hali ya usalama na amani ikadumu  ikiwa tutashirikiana kwa pamoja,ndiyo maana ya kuanzisha vikundi vya ulinzi vitakavyosaidia ulinzi katika maeneo husika.

Naye Mkuu wa Wilaya ya Mlele Mhe.Filberto Hassan Sanga akiongea na wananchi katika Mkutano wa Hadhara Kijiji cha Kitongoji cha Kafuru Kata ya Utende  Halmashauri ya wilaya ya Mlele amewataka wananchi kudumisha hali ya ulinzi na usalama na kuwataka watoe ushirikiano wa karibu kwa Jeshi la Polisi ilikudumisha ulinzi katika wilaya  hiyo.

Amesema bila Amani na usalama hakuna maendeleo hivyo maendeleo yatakuja kama kutakuwa na  Amani na utulivu hivyo   amani na usalama ni vitu vinavyoenda pamoja huwezi kuzalisha kama amani hakuna, hivyo atatoa ushirikiano kuhakikisha ulinzi na utulivu  katika Wilaya unakuwepo.

 Mwisho.