WILAYA YA MLELE YAENDELEA KUNG'ARA KATIKA SEKTA ZOTE ZA MAENDELEO.

Posted on: October 13th, 2022

Bwawa la Nsenkwa majia  lililochimbwa na kuhifadhiwa vyema  kwa ajili ya kusambaza maji katika Mji wa Inyonga moja ya chanzo cha uhifadhi Mazingira Wilaya ya Mlele.

Pichani Mkuu wa Wilaya ya Mlele Mhe.Filberto Sanga akipokea  zawadi ya Cheti  kutoka kwa  Mkuu wa Mkoa wa Katavi Mhe.Mwanamvua Mrindoko baada ya Wilaya ya Mlele  kutangazwa kufanya vizuri katika suala la Utunzani wa Mazingira.

Mkuu wa mkoa wa Katavi Mhe.Mwanamvua Mrindoko amekemea vikali tabia ya baadhi ya Wananchi kuosha vyombo vyao vya Moto ndani ya mito na badala yake amewataka kutafuta maeneo mengine na kuweka miundombinu ya Maji ili kufanya kazi yao hiyo Ili kudhibiti uharibifu wa mazingira na kuzuia magonjwa ya mlipuko,

Mhe.Mrindoko amepiga marufuku  katika kikao cha tathimini ya utekelezaji wa mpango mkakati wa usafi na utunzaji mazingira mkoa wa Katavi,kilichowakutanisha Viongozi mbalimbali wakiwemo wa  Madhehebu ya Dini, Serikali sambamba na wadau mbalimbali wa Uhifadhi mazingira

"Nimarufuku  suala hili lisimamiwe na likomeshwe kabisa. Tuache vyanzo vya maji vitumike kwa matumizi mazuri.hata kama utakuta gari langu pale limeandikwa RC Katavi,ukimkuta (Dereva) anaosha kule kamata hilo gari"

Katika kikao hicho kilichoongozwa na Mkuu wa Mkoa,wadau wamependekeza na kupitisha kila kaya kupatiwa miche 5 ya miti Kwa ajili ya kupanda ili kuendelea kutunza mazingira sanjari na kila Taasisi kupewa miche kuanzia 20, ikiongezeka kutokana na ukubwa wa Taasisi husika kama  Wakala wa Barabara Mkoa TANROAD,Wakala wa barabara Mjini na Vijijini TARURA, Mamlaka ya Usafia na Mazingira  RUWASA n.k

Kupitia mkakati uliozinduliwa Mwezi April wa "Ngarisha Katavi,tunza mazingira" katika kipengele cha mazingira kikizitaka kila Halmashauri kupanda miche Milioni 1.5 kwa kila mwaka,RC Mrindoko ameziagiza Halmashauri zote kutekeleza agizo hilo kwa kuanzisha vitalu visivyopungua miche hiyo kwa kuwa ni takwa la kisheria na sera ya mazingira.

Katika hatua nyingine,Mhe. Mrindoko amesainiana na kukabidhi mikataba ya Lishe na wakuu wa Wilaya za Mkoa huo lengo likiwa ni utekelezaji wa kupambana na lishe duni kuanzia ngazi ya Wilaya hadi ngazi ya kitongoji.

Kutokana na tathimini ya Sita ya Mwaka 2021 ya Lishe, Mkoa wa Katavi uko nafasi ya 14 Kitaifa huku,huku Wilaya ya Mlele ikiongoza kwa mkoa wa Katavi kwa kufanya Vizuri , sababu ya nafasi hiyo ikitajwa kuwa ni pamoja na Halmashauri za Mkoa huo kushindwa kutoa fedha za afua za Lishe kama ilivyoainishwa kwenye Bajeti na mipango.

Mwisho.