MUONEKANO ANGAVU WA HOSPITALI YA WILAYA YA MLELE

Posted on: May 26th, 2025

  HUDUMA ZA AFYA KUBORESHWA.

Katika kipindi cha miaka minne ya uongozi wa Rais Samia Suluhu Hassan, Sekta ya afya Halmashauri ya wilaya ya Mlele imepata msukumo mkubwa kupitia ujenzi na uboreshaji wa hospitali za wilaya karibu nchi nzima, kupitia ujenzi na uboreshaji wa hospitali za wilaya karibu nchi nzima.

Serikali imewekeza kiasi cha shilingi Bilioni 2.7 kwa awamu tofauati kwa ajili ya  kuboresha huduma za afya,jambo lililochochea upatikanaji wa huduma bora kwa wananchi,hususani wanawake na watoto kwa wilaya ya mlele huduma zinaendelea kuimarika tofauti na kipindi cha nyuma.

Kupitia  fedha hizo,hospitali mpya ya wilaya imejengwa  Vituo vya Afya na Zahanati zimejengwa au kukamilishwa,,zikiwa na vifaa tiba vya  kisasa na huduma za uzazi salama,.Hali hii imepelekea kupungua kwa vifo vya mama wajawazito na watoto wachanga, na kuongeza upatikanaji wa huduma kwa wakati,hata Maeneo ya vijijini.

  Halmashauri ya Wilaya ya Mlele ni moja ya Halmashauri  zilizonufaika na fedha hizo  ambapo ujenzi wa majengo umekamilika kwa gharama ya Shilingi Bilion 2.7 na yanatoa huduma    fedha nyingine zimetumika kwa ajili ya ununuzi wa vifaa Tiba

Kwa mjibu wa takwimu kutoka wizara ya Afya inasema zaidi ya akinamama 1,200,000 wamenufaika  moja kwa moja na huduma za uzazi,kliniki za mama na mtoto, na huduma za dharura tangu kuanza kwa utekelezaji wa maboresho hayo mwaka  2021Vituo vya afya vilivyoboreshwa sasa vinatoa  huduma kwa saa 24, hali iliyokuwa adimu hapo awali.

Kalunde Mahona ni mkazi  wa Ibelamafipa Kata ya Ilunde Wilaya ya Mlele Mkoani Katavi

 anasema huduma alizopata katika hospitali mpya ya wilaya  ya Mlele zilinusuru maisha wakati wa kujifungua mtoto wake.

Anasema asingeweza kufika hospitali ya Mkoa iliyoko Zaidi ya kilometa 130 kwa wakati huo.Lakini hospitali ya wilaya ilikuwa karibu na niliweza kufanyiwa upasuaji wa dharura na mtoto wangu alizaliwa salama.anasema Mariamu kwa furaha.

Uongozi wa Rais Samia unaendelea kusisitiza uwekezaji kwenye sekta ya Afya kuwa ni msingi wa maendeleo ya Taifa.Kupitia program ya Tanzania  ya Viwanda na Afya bora kwa wote, serikali inalenga kuimarisha  Zaidi miundombinu,kuongeza watalaam wa afya na kuhakikisha dawa na vifaa tiba vinapatikana kwa uhakika

Maboresho haya ni sehemu ya dhamira ya rais Samia kuhakikisha kila mtanzania.bila kujali eneo anakoishi,anapata huduma bora za afya.Hii inaonesha wazi kuwa afya bora ni nguzo ya maendeleo endelevu.

Mwisho.