Mwenge wa uhuru waweka mawe ya Msingi miradi ya Maendeleo H/ Mlele.

Posted on: September 28th, 2022

Miradi yenye tija yawekewa mawe ya Msingi ,kuzinduliwa na kufunguliwa katika Halmashuri ya wilaya ya Mlele ambayo miradi yake imekuwa  bora kutokana na usimamizi mzuri .

Mwonekano wa majengo ya Kituo cha Afya Ilunde  nyumba za watumishi  ni miongoni mwa majengo  majengo yaliyowekewa mawe ya Msingi na Kiongozi wa Mbio za Mwenge wa Uhuru 2022 Sahili Nyanzabara wakati wa mbio zake  

 Mbio za Mwenge wa Uhuru mwaka 2022 zimepongeza uongozi wa Halmashauri ya Wilaya ya Mlele pamoja na wananchi kwa ujumla kwa kutekeleza ipasavyo miradi iliyotembelewa na mbio za Mwenge uhuru, na miradi yote kukubalika ikiwa ni sehemu ya kuunga mkono Juhudi za Rais wa Jamhuri ya Muungano wa Tanzania Mhe.Samia Suluhu Hassan katika kuwaletea maendeleo wananchi.

Pongezi hizo zimetolewa na Kiongozi wa mbio za Mwenge wa uhuru Sahili Nyanzabara Septemba 24, wakati  Mwenge ukikimbizwa Wilaya ya Mlele na kutembelea miradi mitano iliyogharimu kiasi cha shilingi  3.096 bilioni ambayo ni  umewekaji jiwe la Msingi Kituo cha Afya Ilunde,Kata ya Ilunde,umewekaji jiwe la Msingi mradi wa maji Kanoge,umewekaji jiwe la Msingi ujenzi wa barabara  yenye urefu wa kilometa 3 iliyojengwa kwa kiwango cha lami, umeweka jiwe la Msingi ujenzi wa shule ya Sekondari Kamsisi.Mkuu wa Wilaya ya Mlele Mhe. Filberto Sanga  ameshika mwenge wa Uhuru wakati Kaimu Katibu Tawala wa Wilaya Jofrey Mhanja akisoma  Risala ya Utii kwa Mhe Samia Suluhu Hassan Rais wa Jamhuri ya Muungano wa Tanzania,kwenye mkesha wa mwenge Kata ya Ilunde.

Mwenyekiti wa Halmashauri ya wilaya ya Mlele Mhe.Soud Mlolwa Mbogo akishika mwenge wa Uhuru wakati ikisomwa Risala ya Utii kwa Mhe Samia Suluhu Hassan Rais wa Jamhuri ya Muungano wa Tanzania,kwenye mkesha wa mwenge Kata ya Ilunde.

                                       Mkurugenzi Mtendaji wa Halmashauri ya Wilaya ya Mlele Bi Teresia Irafay akipokea mwenge wa uhuru

Pia umezindua ujenzi wa Kiwanda cha  kutengeneza sabuni cha wajasiliamali  Vijana,  kutembelea na kuona shughuli mbalimbali katika mkesha wa mwenge.

Akitoa ujumbe wa Mwenge katika maeneo ya miradi Kiongozi huyo wa mbio za mwenge ameaagiza kumaliziwa kwa miradi ambayo inaendelea ikiwemo kuzingatia taratibu zote za usimamizi wa miradi,ushiriki  wa wataalam katika miradi ili kutoa ushauri wa kitaalam wakati wa utekelezaji wa miradi,ukamilishaji wa miradi kwa wakati.

Akiwa kwenye mradi wa maji Kijji cha Kanoge ameagiza  kujenga uzio kwenye  vituo vyote vya kutolea maji huku akiwataka wananachi kuwa na utamaduni wa kuvuta maji katika nyumba zao ili kutimiza dhana halisi ya kumtua mama ndoo kichwani.                             Kiongozi wa Mbio za Mwenge wa uhuru 2022 Sahili Nyanzabara akagua sabuni zilizotengenezwa na kikundi cha ujasiliamali cha vijana alipomaliza kuzindua kiwanda hichoa  

Mmoja wa wakimbiza mwenge   Kitaifa Bi.Zadida  Abdalla Rashid akitoa ujumbe wa mwenge amesema ujumbe wa mbio za mwenge umezingatia hoja na vipaumbele sita ambapo umesisitiza juu ya umuhimu wa sensa ya watu na makazi ya mwaka 2022 kwa kauli mbiu ya Sensa ni Msingi  na Mipango ya Maendeleo,Sshiriki kuhesabiwa tyafikie Maendeleo ya Taifa.

 Mwananchi ambaye ni mlemavu  akishika Mwenge wa uhuru  huku akisaidiwa na Viongozi kama wanavyoonekana,mwenge wa uhuru  katika kijiji cha Ilunde na Hapo Kongozi wa mbio za Mwenge Sahili Nyanzabara akimpa mwenge aweze kuushika ambayo ni ishara ya upendo kwa mara ya kwanza mwenge kufika katika kijiji hicho tangu kuwepo kwa kijiji hicho kwa nyuma ni mkuu wa wilaya ya Mlele Mhe Filberto Sanga.

 ukiendele kuhamasisha Jamii kuhusu kuzingatia lishe bora,Mapambano dhidi ya rushwa,Mapambano dhidi ya VVU/Ukimwi, Mapambano dhidi ya Matumizi ya dawa za kulevya

Kwa upande wake Mkuu wa Wilaya ya Mlele Mhe.Filberto Sanga amemshukuru Mhe. Samia Suluhu Hassan Rais wa Jamhuri ya Muungano wa Tanzania kwa fedha za miradi inayoendelea wilayani Mlele huku akiwasihi  kuendelea kuilinda.

  Diwani wa Kata ya Ilunde Mhe Mgoloka aliyeshika Mwenge huku akishuhudiwa na Viongozi wenzake na Wananchi   waliojipanga kwa ajili ya kushika mwenge ulipokuwa katika  Kata  ya Ilunde ambapo  ni mara yake ya kwanza kufikiwa na  mbio za mwenge wa uhuru tangu kuanzishwa kwa Kata  hiyo.

Mwenge wa uhuru umekamilisha mbio zake katika wilaya ya Mlele salama kwa kukabidhiwa  katika Halmashauri ya Wilaya ya Nsimbo.

Imeandaliwa na Kibada Ernest -Kaimu kuu wa Kitengo cha Mawaisilisno Serikalini Mlele