Mwenyekiti wa Halmashauri ya Wilaya ya Mlele

Posted on: May 18th, 2021

Mwenyekiti wa Halmashauri ya Wilaya ya Mlele Diwani wa Kata ya Inyonga, Mheshimiwa Soud Mlolwa Mbogo akifungua Mkutano wa Baraza la Madiwani kujadili taarifa za robo ya tatu mwaka wa fedha 2020/2021.kikao kilichofanyika ukumbi wa Maktaba shule ya Sekondari Inyonga

MKUTANO WA BARAZA LA MADIWANI  HALMASHAURI YA MLELE,KUJADILI TAARIFA ZA ROBO YA TATU YA MWAKA WA FEDHA 2020/2021 LIFANYIKA KWA MAFANIKIO.

Baraza la Madiwani wa Halmashauri ya Wilaya ya Mlele limefanya Mkutano wake wa Baraza kupitia na kujadili Taarifa za Kamati za Kudumu ya robo ya tatu mwaka wa fedha 2020/2021 pamoja na kupokea taarifa za Maendeleo ya Kata zilizowasirishwa na Wenyeviti wa Kamati ya Maendeleo ya  Kata  ambao ni Waheshimiwa Madiwani wa Kata husika.  

  Akifungua Mkutano huo wa Baraza la Madiwani Mwenyekiti wa Halmashauri ya Wilaya ya Mlele Mheshimiwa Soud Mlolwa  Mbogo amesema Mkutano huo ni wa kawaida kwa ajili kujadili na kupitia taarifa za kutoka kwenye Kamati za Kudumu kwa mstkabari na Maslahi ya wananchi wa Halmashauri ya Mlele na Taifa kwa ujumla.

 Taarifa zilizojadiliwa  zinatoka  Kamati ya Fedha Uongozi na Mipango ,Kamati ya Elimu Afya na Maji,Kamati ya Ujenzi Uchumi na Mazingira Pamoja na Kamati ya Kudhibiti Ukimwi.  

Katika kikao hicho Madiwani walijadili suala la Elimu hususani ukamilishaji na umaliziaji wa vyumba vya Madarasa,nyumba za walimu matundu ya vyoo pamoja naUjenzi wa Shule mpya za Sekondari katika Kata ya Utende itayopunguza kuwepo kwa msongamano wa wanafunzi kwenye Shule mama ya Sekondari ya Utende.

 Kutokana na kuwepo kwa wanafunzi wengi kwenye shule za Msingi zilizopo kwenye katika Kata hiyo na wanafunzi wanapomaliza hujiunga katika shule ya sekondari Utende ambayo inaupungufu wa mahitaji ya vyumba vya madarasa.

Mheshimiwa Deus Bundala ni Diwani wa Kata ya Utende anazungumzia uwepo wa mahitaji zaidi ya ujenzi wa shule  ya Sekondari katika kata yake kutokana na uhitaji zaidi kulingana na msongamano wa watoto wanaotarajia kumaliza elimu ya Msingi mwakani jambo ambalo kama hakutakuwa na shule nyingine katika Kata hiyo hali ya Msongamano wa wanafunzi utakuwa mkubwa.

Mbali na Sekta ya Elimu,Pia sekta ya Maji,kilimo,miundombinu ya barabara, sekta ya mifugo, sekta ya Afya  zilijadiliwa kwa mapana na urefu, ilijadiliwa hasa katika ukamilishaji wa Jengo la upasuaji lililojengwa kwa zaidi ya shilingi milini 200 wajumbe walitaka kufahamu lini litaanza kutoa huduma.

Dr Thadeus Makwanda ni Mganga Mkuu wa Halmashauri ya Wilaya ya Mlele alieleza kuwa huduma zitaanza kutolewa pindi ukamilishaji wa ujenzi utakapokuwa umekamilika ambapo kwa sasa uko hatua za mwisho mwisho na ujenzi huo umekamilika kwa zaidi ya asilimia 90,na imebakiaukamilishaji wa mambo madogo madogo ya kiutaalam ili huduma zainze kutolewa.

Waheshimiwa Madiwani walichakata hoja zilizowasilishwa mbele yao kwa mapana na marefu kwa kuanza maswali na majibu ya papo kwa papo kupatiwa majibu    pamoja na maswali ya nyongeza.

  Katibu  wa Mkutano huo wa Baraza la Madiwani  ambaye alikuwa  Kaimu Mkurugenzi wa Halmashauri  aliwataka Watumishi kufanya kazi kwa kuzingatia maadili na taratibu na miongozo ya kiutumishi ili kufikia malengo waliyojiwekea.

Akifunga Mkutano huo wa Baraza la Madiwani  Mwenyekiti wa Halmashauri ya Wilaya ya Mlele Mhe.Soud Mbogo amwaasa Madiwani wakasimamie maaendeleo kwenye Maeneo yao ya utawala ikiwa ni pamoja na ukusanyaji wa Mapato washirikiane na watendaji kuhakikisha mapato yanasanywa na kujenga mshikanao na mahusiano mazuri katika utendaji kazi, yale yote yaliyoazimiwa yakatelekezwe kwa mstakabali wa Halmashauri na Taifa.

MWISHO.