Naibu wa Waziri wa Teknolojia ya Habari na Mawasiliano Ziarani Mkoa wa Katavi

Posted on: July 6th, 2023

.Naibu Waziri wa Wizara ya Teknolojia ya Habari na Mawasiliano  Injinia  Kundo Mathew    wakati akizungumza na watumishi  na Wajumbe  wa Kamati ya Ulinzi na Usalama ya Wilaya ya Mlele kwenye ukumbi wa Mikutano Jengo la   Halmashauri ya Wilaya ya Mlele

Na Kibada Ernest –Mlele.

Julai 6' 2023

 Rais Dkt Samia Suluhu Hassan ameridhia ombi la kufuta tozo katika miamala ya simu ili kuwapunguzia gharama za maisha wananchi wa Tanzania

Hayo yameelezwa  na Naibu Waziri wa Wizara ya Teknolojia ya Habari na Mawasiliano  Injinia  Kundo Mathew    wakati akizungumza na watumishi  na wajumbe  wa Kamati ya Ulinzi na Usalama ya Wilaya ya Mlele kwenye ukumbi wa Mikutano Jengo la   Halmashauri ya Wilaya ya Mlele.

  Naibu  Waziri Injinia Kundo amesema Rais Dkt.  Samia Suluhu  Hassan  ameriadhia ombi la Wizara hiyo chini ya Waziri Nape Moses Nnauye la kufuta tozo katika miamala ya simu ili kuwapunguzia wananchi gharama  walizokuwa wakizipata wakati wa kutuma au kutoa fedha.

Naibu Waziri  amebainisha hayo   Julai 4’  mwaka 2023 akiwa katika ziara ya kikazi Mkoani Katavi ambapo kukagua na kutembelea shughuli zinazotekelezwa na wizara yake katika mikoa ya Rukwa na Katavi kasha kupata nafasi ya kuzungumza na watumishi wa Halmashauri ya wilaya ya Mlele.  

“Fahari ya Mhe Rais Dkt Samia Suluhu Hassan  kuwa Rais ni pamoja na kuwasikiliza watanzania na wananchi anaowaongoza,ndio maana ameruhusu na kutoa maelekezo ya moja kwa moja kuondoa tozo katika miamala ya simu”alisema Injinia Kundo.

“Rais wetu kipenzi Mkuu wa  nchi ameruhusu na kutoa  maelekezo tozo inayotokana na miamala ya simu iondolewe,hakutokuwa na tozo kwenye miamala ya simu, ile tozo mliyokuwa mnasema Rais ameshapangua huyo ndiye mwana Mapinduzi halisi wa  Maendeleo ya Taifa letu.

Aidha ameeleza kuwa kila mtu kwenye familia yake ajue kwamba kuondoka kwa tozo hii ambayo ulitakiwa ukatwe  kuanzia labda shilingi elfu  moja au elfu nne au tano   hiyo fedha haujanunua mboga jamani? Alieleza Naibu Waziri

Ni Rais mmoja tu ambaye ameona uchungu wa watu wake na sisi tumuunge mkono Rais wetu kila mmoja akapeleke ujumbe huo kwa mwenzake,amesema Naibu Waziri Injinia Kundo.

Katika hatua nyingine Naibu Waziri amepongeza Halmashauri ya  Wilaya ya Mlele na  Mkoa wa Katavi  kwa ujumla jinsi walivyoshughulikia zoezi la Anwani za Makazi na kufanikisha zoezi hilo kwa ubora wa hali ya juu

 Hivyo namstahiri kupongezwa kwa kazi  nzuri na kubwa iliyofanyika kilichobakia sasa na kuwaelimisha wananchi kuwa shughuli zote za kupatiwa huduma kama kujaza fomu mbalimbali lazima utumia anwani za makazi tuendelea kuelimisha wananchi..

Amewataka watumishi waendelea kuchapa kazi kwa juhudi na maarifa ili kumsaidia Mhe Rais.

Mapema akiongea kabla ya kumkaribisha Naibu Waziri wa Teknolojia ya Habari na Mawasiliano Mkuu wa Wilaya ya Mlele Alhaj Majid Mwanga aliwatakata  watumishi kuendelea kuchapa kazi kwa weledi Zaidi  ili kumsaidia Mhe.Rais kuwaletea maendeleo na wananchi na akasisitiza kuwa wataendelea kumsaidia kuhakikisha wananchi wa Mlele wanapata Maendeleo

Kisha akashughuli kwa jinsi anavyoenedlea kuwajali wananchi wa wilaya hiyo kwa kuleta fedha nyingi kwa ajili ya kuboresha miundombinu mbalimbali,mfano ujenzi wa vyumba vya madarasa katika sekta ya elimu,Sekta ya Afya,Maji,barabara umeme na huduma nyingine za Jamii.

Naye Mwenyekiti  wa Halmashauri ya Wilaya ya Mlele Soud Mbogo kwa niaba ya wananchi wa Halmashauri ya Wilaya ya Mlele na waheshimiwa Madiwani  alishukuru kwa jinsi Serikali ya awamu ya Sita inayoongozwa na Mhe Rais Dkt Suluhu Hassani inavyojali wa wananchi wa Mlele. na kuwapa kipaumbele katika kuleta fedha kwa ajili ya huduma mbalimbali za maendeleo.

 Mwisho

MATUKIO MBALIMBALI KATIKA PICHA WAKATI WA ZIARA YA NAIBU WAZIRI WA TEKNOLOJIA YA HABARI NA MAWASILINO WILAYA YA MLELE.

Mkuu wa Wilaya ya Mlele Alhaj Majid Mwanga akiongea na watumishi wakati wa ziara ya Naibu Waziri wa Wizara ya Teknolojia ya Habari na Mawasiliano  Injinia  Kundo Mathew   aliyoifanya kwenye Mikoa ya Rukwa na Katavi katika wilaya ya Mlele alikutana  na watumishi  wa Halmashauri, na Wajumbe  wa Kamati ya Ulinzi na Usalama ya Wilaya ya Mlele kwenye ukumbi wa Mikutano Jengo la   Halmashauri ya Wilaya ya Mlele. Mwenyekiti  wa Halmashauri ya Wilaya ya Mlele  Mhe.Soud Mbogo akitoa neno la Shukurani kwa niaba ya wananchi wa Halmashauri ya Wilaya ya Mlele  kwa jinsi Serikali ya awamu ya Sita inayoongozwa na Mhe Rais Dkt Suluhu Hassani inavyojali wa wananchi wa Mlele. Kuendelea kuwapa kipaumbele katika kuleta fedha kwa ajili ya huduma mbalimbali za kijamii na miradi ya  maendeleo.

Watumishi   wa Halmashauri ya Wilaya ya Mlele wakimsikiliza Naibu Waziri wa Wizara ya Teknolojia ya Habari na Mawasiliano  Injinia  Kundo Mathew wakati akizungumza nao  kwenye ukumbi wa 

Mikutano Jengo la   Halmashauri ya Wilaya ya Mlele alipofanya ziara Mkoa wa Katavi Hayupo PICHANI

Upande wa   kushoto kwa Naibu waziri ni Mkurugenzi Mtendaji wa Halmashauri ya Wilaya ya Mlele Bi.Teresia Irafaya akiwa ni mwenyeji wa Naibu waziri wakati akiwasikilisha watumishi wakijitambulishaalipokuwa akizungumza nao  wakati wa ziara yake wilaya ya Mlele Mkoa wa Katai kukagua shughuli za maendeleo zinazotekelezwa na Wizara yake hawapo pichani.

.   Wajumbe  wa Kamati ya Ulinzi na Usalama ya Wilaya ya Mlele wakimsikiliza Naibu Waziri wa Wizara ya Teknolojia ya Habari na Mawasiliano  Injinia  Kundo Mathew wakati akizungumza nao  kwenye ukumbi wa Mikutano Jengo la   Halmashauri ya Wilaya ya Mlele alipofanya ziara Mkoa wa Katavi Hayupo PICHANI

Watumishi   wa Halmashauri ya Wilaya ya Mlele  katika Picha Tofautitofauti wakimsikiliza Naibu Waziri wa Wizara ya Teknolojia ya Habari na Mawasiliano  Injinia  Kundo Mathew wakati akizungumza nao  kwenye ukumbi wa 

Mikutano Jengo la   Halmashauri ya Wilaya ya Mlele alipofanya ziara Mkoa wa Katavi Hayupo PICHANI

       Watumishi   wa Halmashauri ya Wilaya ya Mlele  katika Picha Tofautitofauti wakimsikiliza Naibu Waziri wa Wizara ya Teknolojia ya Habari na Mawasiliano  Injinia  Kundo Mathew wakati akizungumza nao  kwenye ukumbi wa 

Mikutano Jengo la   Halmashauri ya Wilaya ya Mlele alipofanya ziara Mkoa wa Katavi Hayupo PICHANI

                                                                                                                (Picha zote na Kitengo cha Mawasiliano Serikalini Halmashauri ya Wilaya ya Mlele.)..