NINA FURAHI NINAPO KUJA MLELE DC KWA KUWA MNAFANYA VIZURI KATIKA KILA JAMBO-RC AMOS MAKALA.

Posted on: January 16th, 2019

Mkuu wa Mkoa wa Katavi Mheshimiwa Amosi Makala amefurahishwa na jitahada zinazofanywa na viongozi wa Halmashauri ya Mlele leo hii wakati wa shughuli ya kusafisha Eneo itakapojengwa Hosipitali ya Wilaya ya Mlele mjini Inyonga.

Nimejaribu kutafuta madhaifu katika mchakato huu wa ujenzi wa Hospitali ya wilya lakini sijaona dosari yoyote mpaka sasa  eneo ni zuri lina vigezo vyote vinavyohitajika alisema Mheshimiwa Amosi Makala, inaonekana ni jinsi gani mnajitoa katika shughuli za kuleta Maendeleo, nimewaona mara nyingi katika ya awamu ya kwanza na awamu ya pili wakati wa ujio wa Mheshimiwa Mbunge wenu ambaye pia ni waziri wa Ujenzi.

Mheshimiwa Amosi Makala amefanya ziara hiyo kwa lengo la kushiriki katika shughuli ya maandalilizi ya Eneo la ujenzi wa hosipitali hiyo pamoja na kuona maendeleo ya shule ya sekondari Inyonga. Amesema ni jambo zuri kila mwananchi kushiriki katika ujenzi huo kwa kuwa Mheshimiwa Raisi wetu ametoa Tsh 1.5 bilioni kwa kila Wilaya iliyopo Tanzania ili kupata hospitali za wilaya na kusogeza huduma hiyo kwa wanachi.

Wilaya ya Mlele ni wilaya iliyopata bahati ya kipekee kupewa Hospitali 2 kwa wakati mmoja yaani halmashauri zote zitakuwa na Hospitali za Wilaya. Tuendelee kujitoa kwa moyo ili fedha zilizoletwa ziweze kujitosheleza. Tunatakiwa kuwatumia mafundi wetu wa kawaida kujenga Hospitali nzuri kwa gharama nafuu.

Baada ya kufanya kazi pamoja na wananchi Mheshimiwa Mkuu wa mkoa wa Katavi aliekea katika shule ya sekondari kutembelea ujenzi wa madarasa ya kidato cha kwanza, ujenzi unaendelea vizuri, hivyo kusisitiza kuwa anataka kuona wanafunzi wote wakwa wameripoti shuleni,

Akitoa maelezo Afisaelimu Sekondari Mwl Kunambi mbele ya wanafunzi wa shule hiyo, wakati mkuu wa mkoa akijianda kutoa hotuba yake, alisema kwamba mpaka sasa wanafunzi 140 wameripoti shuleni kati ya wanafunzi 283 ambao wamepangiwa kujiunga na shule hiyo.

Mheshimiwa Amosi makala aliwaasa wanafunzi kusoma kwa kwa bidii na kuachana na dhana ya kujiingiza na mambo ya mapenzi ambayo yatarudisha nyuma maendeleo yao. Aliwahamasisha kwa kueleza namna ambavyo yeye alijituma katika masomo na kufika alipofikia sasa.

Aliwaagiza wazazi wa wanafunzi waliochaguliwa kujiunga kidato cha kwanza kuhakikisha wanafunzi wanafika shuleni mara moja. Alisisitiza kwamba wafike na nguo walizosomea shule za msingi wakati wanataftiwa sare za sekondari. Aliagiza kwamba mzazi ambaye hata mleta mototo shuleni atapelekwa mahakamani kuchukuliwa hatua kali za kisheria.

Mwisho alihitimisha kwa kusikiliza kero ya wanafunzi ya mazingira chakula yalivyo kuanzia maandalizi mpaka mahali pakulia chakula. Hatahivyo alimuagiza kaimu Mkurugenzi kumfikishia Mkurugenzi Mtendaji na kutafuta suluhu ya kero hiyo.